Hanno Pöschl
_(cropped).jpg)
Hanno Pöschl (* 2. Juli 1949 in Wien) is a estareichischa Schauspüla.
Leem
[Werkeln | Am Gwëntext werkeln]Pöschl is in Wean aufgwoxn und hod a Leah ois Konditor ogschlossn. Danoch hoda ois Autowäscha, Automechanika, Vatreta, Asphaltiera, Kerznerzeiga, ois Schofför bei ana Speditionsfirma und im Weinbau goawat.
Er hod de Schauspüschui Lamert-Offer bsuacht und ois Regieassistent beim Circus Roncalli ghacklt. Duatn woara aa a Zeidl ois Artist bschäftigt. Sei Debüt ois Schauspüla hoda am Ensemble Theater Wien ghobt. Nochand woara noo am Akademietheater Wien, am Schauspühaus Wien und in München. Seit 1992 isa vom Claus Peymann am Wiener Burgtheater engagiert. Sei easchte Roin woa da Fiscur im Stickl „Liliom“´vom Ferenc Molnár aun da Seitn von Karlheinz Hackl in da Inszeniarung vom Paulus Manker. Ea hod aa mid vüü aundare Regiessör gschpüüd wia u. a. min Frank Castorf („Krähwinkelfreiheit“ noch Nestroy), mid da Konstanze Lauterbach (Koch in „Mutter Courage und ihre Kinder“) und min Karlheinz Hackl („Der Färber und sein Zwillingsbruder“).
Seit 1974 hodara Aungaschmau am Schauspühaus Wien, 1979 hodar sei easchte große Füümroin ghobt in dem Füüm vom Maximilian Schell Geschichtn ausn Wienerwoid. Seit de ochzga Joa haums eam oft in deitsche TV-Produktionen eigsetzz, oft ois tüpischn weana Strizzi. 1987 hodaran Gastauftritt ghobt im James Bond Füüm Der Hauch des Todes, 1995 no sowos im US-Füüm Before Sunrise. Von 1997 bis 2006 woara da ollawäu guat aufglegte Mechaniker Max in da RTL Serie Medicopter 117. Zsaumman min Serge Falck woara ois Aanziga bis zur letztn Foign dabei. Im Joa 2000 spüüta in aana Foign von da Serie Der Bulle von Tölz in Volksmusik-Star Tony Gordon, da wos do des Moadopfa is. 2008 spüüta a wichtige Nebnroin in Revanche (Regie: Götz Spielmann).
Seit 2000 fiaht Pöschl aussadem des Restaurau „Pöschl“ (des ehemolige „Immervoll“) und des Kaffäähaus „Kleines Cafe“ im Zentrum von Wean.[1]
Füümografie
[Werkeln | Am Gwëntext werkeln]
|
|
Beleg
[Werkeln | Am Gwëntext werkeln]Im Netz
[Werkeln | Am Gwëntext werkeln]
Commons: Hanno Pöschl – Sammlung vo Buidl, Videos und Audiodateien