Isisbrunn
Da Isisbrunn am Albertplotz im 8. Beziak vo Wean, des is de Josefstod, is da anziche gusseiserne Brunn in da gaunzn Stod und steht unta Denkmoischutz[1]
Gschicht
[Werkeln | Am Gwëntext werkeln]Gossn haums den Brunn in da Graf Salmschen Eisenfabrik in Blansko bei Brinn. Entstaundn is a auf Initiative vom Grundrichter Carl Georg Gaber. Enthüllt haums eam im Joar 1833. Ois Brunnfigur haums a Statue auffegstöllt, de da Göttin Isis aus da Antikensaumlung ausn Kunsthistorischen Museum gleichschaut. De is oba eascht a Joar späta enthüllt wurn.
Der Brunn wor eigentlich ana von denan, wo es Wossa aus da Albertinischen Wossaleitung aussagrunna is. Wia des oba imma wenicha wurn is, haums eam aun de Kaiser-Ferdinands-Wossaleitung aughängt.
Da Carl Wenzel Zajicek, a in Wean geburena Mola, hot a Aunsicht vom Albertplotz mitn Isisbrunn in Furm vo an Aquarö hintalossn.
Inschrift'n
[Werkeln | Am Gwëntext werkeln]- «FRANCISCO I. AUSTR. IMP. CAES. AVG.
- SIGISMUNDO SCOT. ABB.
- CAR. GABER. HUI. SUBURB.PRAEFECT.
- FONS HIC APERTUS EST
- IV. NON. OCT. MDCCCXXXIII.»
“Unter da Regierung vom Kaisa Franz I. vo Estreich, unta Sigismund, dem Schottnabt und Karl Gaber, dem Gmoavursteha vo dera Vurstod, haums den Brunn ereffnet am 4. Oktoba 1833“
- «VIRIBUS UNITIS, FACILI CONSENSU
- ANIMORUM
- FONS, MUNUS NOBIS, LIMPI-
- DUS EFFODITUR :
- CLARA STAT EFFIGIES SIGNUQUE
- INSIGNIS AMORIS,
- NATORUM ET NATIS, PIGNUS
- AMORIS ERIT.»
„Mit vereinte Kräften und durch wüllige Ibaeinstimmung der G'miater haums uns de Quölln (= den Brunn) erschlossen (= baut). Er steht do ois leichtats Büdl und Zeichn großer Liab und wird nau fia unsara Enkln a Pfaund der Liab sei.“
Beleg
[Werkeln | Am Gwëntext werkeln]- ↑ Archivierte Kopie (Memento des Originals [1] vom 4. Óktówer 2006 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
Literatua
[Werkeln | Am Gwëntext werkeln]- DEHIO Wien – II. bis IX. und XX. Bezirk, Anton Schroll & Co, Wien 1996, ISBN 3-7031-0680-8
- Lateinische Inschriften an Bauwerken und Denkmälern Wiens, gesammelt, übersetzt und erläutert von Dr. Karl Janecek