Jim Morrison

Aus Wikipedia
Jim Morrison (1970)

James Douglas Morrison (* 8. Dezemb 1943 in Melbourne, Florida; † 3. Juli 1971 in Paris), bessa bekonnt ois Jim Morrison, woar a US-amerikanischa Rock-Sänga und Lyrika. Ea woar da Frontmann vo da Gruppe The Doors.

Lem[Werkeln | Am Gwëntext werkeln]

Jim Morrison is ois easchts Kind vo George Stephen Morrison (1919-2008) und Clara Clark Morrison geboan. Er hod zwoa Gschwista ghobt.

Jim Morrison hod a aißast strenge Eaziehung duachlebt. Sei Vodda woar Offizia in da US Navy und is späda zum Admiroi befeadat woarn. Sei Vodda hod gern sei Famij kommandiat a wenn er ned grod do woar. Er hod dahoam a nua mid „Sir“ ogredt wern derfa.

Jugendzeit und s Zamdoa vo de Doors[Werkeln | Am Gwëntext werkeln]

Zwischn 1961 und 1964 woit Morrison zum Fuim, und hod desweng Fuim- und Theatawissnschoft studiat. Er hod sei Studium oba ned obgschlossn, sondan hod si stottdesn da Musi zuagwendt. Mid 22 Joa hod er sei Freindin Pamela Courson kennagleant. Se hom in Venice Beach glebt und hom ogfangt mid Drogn zum experimentian. In dea Zeid hod er donn de [Doors] grindt. Ofongs woar'a ziemli schei und hod bei seine Auftritte m Publikum an Buckl zuagwendt. De Band is imma eafoigreicha worn und hod 1967 eana easchts Album The Doors außabrocht. Ob 1969 is'a imma forsta woarn und hod a imma meah gsuffa. Voa oim sei Auftritte total voi wurdn imma legendära. Mid da Zeid hod erm de Musi imma wenger intressiat und er hod seine Fans im Suff bschimpft.

Des End vo de Doors und da Doud vom Morrison[Werkeln | Am Gwëntext werkeln]

Im Summa 1971 is'a mid seina Freindin noch Paris zong. Im sejbn Joa is'a donn in Paris in seina Bodwonna gstorm. Offiziej is a an Herzversong gstorm.