Johannes Gutenberg

Da Johannes Gutenberg (amtle: Johannes Gensfleisch), (* uma 1400 z Mainz; † 3. Feba 1468 emdo), guit ois Eafinda van Buachdruck mid beweglichn Metoilettan und vo da easchtn Druckmaschiin (Druckapresse). Des woa a Revolution in da Produktion vo Biachln und hod in Eiropa a Medienrevolution ausglesd. Da Buachdruck van Gutenberg hod se vo Deitschland aus in da gonzn Wejd vabroadd.

De Leistung van Gutenberg liegd voa oim do drin, doss a vaschiedane Komponentn (bewegliche Lettan, neie Materialien und Druckmaschiin, de wo teiweis scho bekonnd worn) effizient kombiniad ghod hod. Duachn Gutenberg is zan easchtn Moi a maschineje Buachproduktion megli gwen.

Anno 1997 is da Buachdruck van Gutenberg van US-Magazin Time-Life za da wichtigsdn Eafindung van 2. Joartausnd auszeichnd worn und 1999 hod eam's amerikanische A&E Network zan „Mo vom Joartausnd“ gwejd.

Literatua

Stephan Füssel: Johannes Gutenberg. 3. Auflage. Rowohlt Verlag, Reinbek 2003, ISBN 3-499-50610-6.
Andreas Venzke: Johannes Gutenberg – Der Erfinder des Buchdrucks und seine Zeit. Piper-Verlag, Minga 2000, ISBN 3-492-22921-2.

Im Netz

Commons: Johannes Gutenberg – Sammlung vo Buidl, Videos und Audiodateien

Literatur von und über Johannes Gutenberg im Katalog der Deutschen Nationalbibliothek
Hoamseitn van Gutenberg Museum
Informationa zu Johannes Gutenberg (Deitsche Biographie)