Kaldbaksbotnur

Aus Wikipedia
Zur Navigation springen Zur Suche springen
Kaldbaksbotnur im Fuadagrund, Sund weida hint rechts.
S Radar am Sornfelli.

Kaldbaksbotnur [ˈkalːbaksˌbɔtnʊɹ] (boarisch weatli: da Doibodn fo Kaldbak) is a Uatschoft af d Färöer im Sidwestn fo da Haptinsl Streymoy. Im Joa 2020 homb ba ana Flech fo 8,57 km2 10 Leit durtn gwohnd (Dichtn: 1,17 EW/km2). D Postleitzoi is FO-185 und es ghead zua Tórshavna Kommune.

S Wuat Kaldbaksbotnur sted im Nominativ, im Akkusativ sogg ma (á/av) Kaldbaksbotn im Dativ sogg ma (í/úr) Kaldbaksbotni und im Genitiv sogg ma (til) Kaldbaksbotns. Oan, wos z Kaldbak wohnd, nennd ma Kaldbaksbotnsmaður (weibli: Kaldbaksbotnskona, neutral Kaldbaksbotnsfólk).

Eadkund[VE | Weakln]

Kaldbaksbotnur bfind si am End vom Fjord Kaldbaksfjørður, dea wos in Sundini mindt und bsteht aus oam Bauanhof und a boa Zuaheisa. Es ligg am Grund fom gleichnamign Doi. Duach des rinnd aa da grejsste Fluss fom Uat, d Fjarðará (Fjord-Achn). Onane Bach hand d Hamarsendaá im Mjørkadalur (Newi-Doi), d Áin í Lenningarstíggj und d Rodmursá. D hejchstn Beag hand da Sornfelli (Schrofn-Beag, 749 m), da Fjallið millum Botnar (Beag zwischn d Dala, 686 m) und da Núgvan (da Spitz, 667 m).

Kaldbaksbotnur ligg an da Stross Nr 10, iwa de ma im Sidn af Sund und weida af Tórshavn kimb und im Nordn duachn 2816 m longa Tunej Kollfjarðartunnilin af Kollafjørður[1]. Es zweigg im Uat a Strossn o, de af Kaldbak fiad, a Duaf wos eascht 1980 a Strossnobindung kriagg hod. Aa duachs Gmoagebiet, owa ohne Fabindung zua onane Strossn ged da Oyggjarvegur, a oide Fabindungsstross duach d Beag. Fo do aus ged a Strossn aufn Sornfell auffi, wo a Friahwarn-Radar fo da NATO is.

Gschicht[VE | Weakln]

Kaldbaksbotnur is a Niðursetubygd, oiso a Siedlung wos im 19. Joahunad zwengsm stoakn Bfejkarungswochsum grindt wuan is.

Am 16. August 1963 hod s Radar in Betriab aufgnumma und 2007 wieda eigstejd. Es werd owa nu zua Iwawochung fom färöischn Luftraum heagnumma. Friara homb duatn bis zu 200 Dänen glebb und goawat[2].

Schifoan in Kaldbaksbotnur.

Seit 2011 weand d Gebeide im Mjørkadalur ois Gfengnis fia kloane Fabrecha heagnumma. Es hod 12 Zejna.

Bfejkarung[3][VE | Weakln]

Beleg[VE | Weakln]

  1. https://web.archive.org/web/20081029040216/http://www.mymetroworld.org/2007/05/blog-post_1665.html Listn vo Tunejs noch da Log (englisch).
  2. https://www.landsverk.fo/fo-fo/landsverk?pageid=15939&NewsItemID=15287 Bericht iwa d Iwanohm fo Mjørkadalur fo da färöischn Regierung (färöisch).
  3. https://statbank.hagstova.fo/pxweb/fo/H2/H2__IB__IB01/fo_vit_md_t.px/ Hagstova Forøya: Bfejkarungszoina 1985 - 2020 (färöisch).


62.065833333333-6.9122222222222Koordinaten: 62° 4′ N, 6° 55′ W