Kathi Prechtl

Aus Wikipedia
Wexln zua: Navigation, Suach

De Kathi Prechtl , geboarane Katharina Mühsam[1], (* 1909 z Minga, † 2002) wor a Mingna Voiksschauspuiarin, Sticklschreibarin und Alloauntahoitarin, de wo in da Mittn vom Zwanzigstn Joarhundat und in de Joar vom Wirtschafdswunda iare greßtn Eafoige ois Mundoart-Humoristin gfeiad hod. Se guit ois de wiadiage Nochfoigarin vo de Ratschkathln Schumacher Ida, Aulinger Elise und da Karlstadt, Liesl.[1]

Lem[VE | Weakln]

Vo 1921 o hod de Kathl a Leah bei an Greissla gmocht. Nacha hods ois Kejnarin gorbat, dabei hods bei ana Gebuatsdogsfeia ia Talent ois Voikssängarin entdeckt. Oschliassend hod de Kathi Schauspuiuntaricht gnumma.[1]

Duachn Schmid-Wildy Ludwig is de Kathi anno 1949 ans Mingna Platzl ghoit worn. Se hod zeidweis bis 1984, ian offiziejn Obschied vo de Breddln, zua Platzl-Gmoa ghead.[1] Duach Auftritte in da Rundfunksendung Die weißblaue Drehorgel is se scho recht bekonnt worn. In de 1960a Joar hod de Prechtl nacha an Vatrog mitn Plottnlabel Tempo griagt. Se hod aa in da Feansähserie Isar 12 mitgspuid.

Vo 1979 - 1981 san iare berihmtn Monologe auf Tondräga vaeffentlicht worn.

1988 hod de Kathi de Groußmuada in zwoa Theatastickln im Theatastadl vom Peter Steiner gspuit. Oans vo de Stickln is aa im Fernsegn zoagt worn.[2] In de bayrischn Theata is fost imma ois „Ratschkathl“ okindigt worn.[3]

Weak (Auswoi)[VE | Weakln]

Duach CD Nochpressunga san de Stickl vo da Prechtl heit wieda populea worn.

De Prechtl auf LP und CD
  • Der Einteilige, Pullach-Grosshesselohe: Tempo-Schallplattenvertrieb, 1980
  • Die Blumenfrau vom Viktualienmarkt, Pullach-Grosshesselohe: Tempo-Schallplattenvertrieb, 1980
  • Die Perle vom Lande, Pullach-Grosshesselohe: Tempo-Schallplattenvertrieb, 1980
  • Goldener Humor 2 und 3
  • "Kathi Prechtl - Grüße aus Bayern!", tempo Records, No.: 7117
  • Kathi's Alltagssorgen, Pullach-Grosshesselohe: Tempo-Schallplattenvertrieb, 1980
  • Ratschkathl's Erlebnisse, Pullach-Grosshesselohe: Tempo-Schallplattenvertrieb, 1980

Beleg[VE | Weakln]

  1. 1,0 1,1 1,2 1,3 Kathi Prechtl bei volkssaengerei.de
  2. http://www.looki.de/tv/heimattheater_film_99944.html
  3. http://www.hollaria.de/index.php?mod=rueckblick&idr=66&PHPSESSID=42ed50ec57b180cfb7ac66882e6c065d

Im Netz[VE | Weakln]