Keglscheim

Aus Wikipedia
Zur Navigation springen Zur Suche springen
Oide Keglboh (1976 DDR)

Keglscheim is, wema afda Keglboh mida Keglkugl af nai Kegl schoibd.

Gschicht[VE | Weakln]

Keglscheim isa uaoida Schboat, schod Egybda hom Kegl gschom kod. Inam Kindagrob fo 3500 v.Kr. hodma a Kindakeglschbui gfundn kod, wos schoaso ausgschaugd hod, wia haidige. Germanische Schdämm hom mid Schdoina af Boana gwoafa kod, wos aa ois a Uafoam fom heidign Keglscheim guid. Ois diagada Foaleifa guid owa s Keglscheim im Middloida. An easchdn offiziäin Schrieb fo 1157 iwas Keglscheim, hod ma in da Stodchronik fo da Stod Rothenburg gfundn kod. Und a weidara Schrieb weisd a Keglgsäischofd in Xantn, umara 1265 aus.

Domois is fui gwett woan bam Keglscheim und omoi wida hodmas Keglscheim dano vabon kod. So is im Braunschweiga Stodrecht vo 1232 gschdandn gwen, das de wo Fagabundn und Keglscheiwa fia mera ois wia oa Nochd afnemand, bäse Leid hand. Und z Augschbuag hod ma a ganz Kapitl fiad Keglscheiwa kod, d Vmbe kegelaer, woma glei an Branga odrod hod, wen Keglscheiwa mid Mindajarign schbuin. Owa de Keglscheiwa hom se woi ned fäi drum gschissn kod, weis scho im 15 Johundad in boid jäda Gmoa an Keglbloz gem kod hod.


Bis ins 18. Johundad nei, hod ma grod drausdahoi kegld kod. Kegl gschom hod ma af jäda Duid und af jäda gressan Houzad. Im Rokoko hom no aa scho de Grouskobfadn fom Adl und aa da Wolfgang von Goethe und da Friedrich Schiller af Kegl gschom kod. No hand aa scho oi easchde Regln afgschdäid gwen, de teiweis heid no gäidn.

Schernboh

Ausziagla fo Deidschland hom nos Keglscheim af Herzegowina und Simbiagn, no Brasilien und Australien drong kod. Und da Amerikana hods fo de Englända griagd kod.

Keglgmoaschofdn homse bis af d Midd fom 19.Joahundad grod buidn deafa, wens damid emare Leid häifa doand. Owa schnäi is de Keglarei schboadle woan und im Joo 1885 hodse in Dresdn da Zentroivoband Deidscha Keglklubs grind kod. 1889 hodman dano Deidscha Keglbund (DKB) koassn. A oaheidlechs Reglweak is bschdimmd woan, wiad Leng und Broadn fo da Boh und fo 1891 oo,hodma a Deidsche Moasdaschofd ausgschiim.

Technik[VE | Weakln]

Friaras is ois aus Hoiz gwen, Kegl, Kugln und ofd aa de Kebf fo oi Scheiwa. Heizdogs isois aus Blasdig. Z Deidschland ko ma af fia vaschine Bohna schbuin, Osfoidboh, Boinboh, Schernboh und Bowlingboh. Bis ind 1980a Joo nei hom Keglbuam d Kegl afgschdäid kod und Keglkugln iwa a Rinna zrugroina lossn. Scho 1956 hods a audomadischs Keglafschdäi und Kuglzruckroimaschin gem kod, owa des is hoid saudaia gwen. Am Oofang hodma no oi Gnebf drugga miassn,das se de Kegl afgschfäid hom. No homse ofd de Schnial, de fo de Keglkebf ind Maschin eigfiad hand, fodrahd. No hod ma browiad zan affeziang, zan owefon, zan affeziang, zan owefon. Dano hod oana hie geh und de Kegl ausdrahn miassn. Middlawei isois Rechnagschdeiad, mid Liachdschrankn und Bunkde zäin.

Im Netz[VE | Weakln]