Kini 8 Hiasch-Jagua Kroin

8 Hiasch-Jaguar Kroin
	8 Hiasch-Jaguar Kroin
	; Da ocht Hiasch (Rechts), trifft se midm Toltekn Hearscha 4 Jaguar.
Herrschadatn
Titl	Tecuhtli ; Hearscha vo vo de Mixtekn
Herrschofd	1088?1097/ –1115
Reich	Mixtekn-Kinireich
Vuagänga	---
Nochfoiga	---
Lemsdatn
Glebt vo	uma 1063 - 115
Gebuan in	Cazigazgo, Schtodschtoot Tilantongio
Eheweib	mera Keniginan
Vota	Teyusi--Regn-Sunn (Dzavui Ndicandii)
Muada	Frauw 9 Odla-- Gaugau-Bleamal
	;

Der Artikl is im Dialekt Owaöstareichisch gschriem worn.

Da Kini 8 Hiasch-Jagua Kroin, dt König 8 Hirsch-Jaguar Kralle (Teyusi Cuine) woa da oanzige Mixteknheascha dea de moastn Mixtekn unta seina Fiarung vaeint hod. Da Kodex Nuttal bschreibt sei Lebm und seine Totn, agfaungd vo seine Ötan bis za sein Tod.

Sei Jugand

Ea is 1063 (zwöf Rohr) af d`Wöd kema. Sei Vota 5 Krokodü-Regn-Sunn (Dzavui Ndicandii) woa da Owapriesta vo Tilantongo. Dea Stodschtoot woa ana da wichtigstn da Mixtekn. Vamuatli hod scho sei Vota de Hochlaundmixtekn im Sidn vaeinign kena. Ois sei Vota da 5 Krokodü mid 61 Joa gschtuam is woa da 8 Hiasch 18 Joa oid. In an Kodex schteht das ea scho mid 8 Joa an Födzug midgmocht hed.

Sei Afkemma

Im Oita vo zwanzg Jahrln, hod a mid seina Valobtn da Prinzessin 6. Off, de a de Eabin vo da Schtod Jaltepec gwest wa, a wichtigs Heiligdum afgsuacht. Do haums daun de Priestarin Cihuacoatl () Gros) um Rot und Hüf bitt. De hod in 8 Hiasch an de Pazificküstn gschickt za Schtod Tututepec und denan ehna Heascha is a daun a 1308 (6 Rohr) wuan. Aus uns heid ned bekauntn Grind hod a sei Valobte ned heiratn kena. De hod se daun mid sein schpodan Feind und Gegna 11 Wind vaheirat. Dea 11 Wind woa söwa fuahea mid an Hoibschwesta vom 8 Hisch vaheirat. Ea hod a oanige vo seine Hoibbriada umbringa lossn

Da 8 Hiasch söwa w0a mid mera Wiwal vaheirat. Scho alloane aus mochtpolitischn Grind. Wos owa ned beiflußt hod. Den noch Eaowarungen is a mid de Famülin seina Autrautn ned zimpalig um. So maunchn seina augheiratn Vawauntn hod a iwa de Kling schpringa lossn. Laud de Afzoachnungan im Kodex soi ea 94 gressare Oat und Schtäd eaowat hom. Nu Aundare hom se glei eagem.

Im Joa 1097 hod a se aun de Toltekn unta eanan Heascha 4 Jagua autrogn. Des miassatn owa scho de Toltekn-Chichimekn gwest sei, de noch Zafoi vo Tollan vo de Olmeca-Xincalanga den Schtodschtoot Cholula (Cholollala) eaowat haum.

Mid eanane Kriaga san daun de zwoa Briada mid Mixtekn und Toltekn-Chichimekn daun in Südostn owi zogn, vamuatli af Raubzüg oda goa af Eaowarungan aus bis in Nuadyucatan bis za de Maya.

Do haum de Mixtekn untam 8 Hiasch den Oat Mondbeag, dea af ana Insl glegn is eaowad. Den untalegna Hearscha 3 Krokodü hod a daun za de Toltekn-Chichimekn brocht, wo a daun gopfad wuan is.
Af des affi is da ocht Hiasch bei de Toltekn-Chichimekn in deran Listn vo de eignan Noblan (dt. Noblen) eitrogn wuan und de haum na aa mid an Nosnschmuck aus Türkis auszoachnt. So intaschtizt is a in sei Gbuatsschtod Tilantongo zruckkema. In dea is ea a daun mid sein vü ödan, eam treu eagemna Hoibbruada 12 Eadbebn, endli a za deran Heascha Tecuhtli (Fiascht-Kini) eigsezt wuan.
Bei ndera Introhnisazion woan olle Großn Hearn aus de Mixteknfiaschtntima dabei, sogoa da zapotekische Kini vo Zaachila is za Eahr kemma.

Za Eaowarung vo ana Schtod af oana Insl iwasetzn da 8 Hiasch und da 4 Jaguar af Flöß des Wossa.

Gmoasaum midm Toltekn Kini via Jaguar hod a daun nu mera Raubzüg za de Maya in Sidn owi gfiad.

Nebm a boa Mixtekn Fiaschtn hod a aa 1101 seine Neffn opfan lossn.
Ea hod nebm mera Weiwal a sei Nicht gheirat.
Mera seine Suhn hod a in aundare Schtäd ois Hearscha eigsezt.

Sei End

Umbrocht is da 8 Hiasch 1115 (12 Rohr) vom 4 Wind wuan. Dea a Suhn vo seina easchtn Valobtn 6 Off woa, de daun speda den Gegna vom 8 Hiasch, den 11 Wind gheirat hod. Vamuatli woa da 8 Hiasch scho a rechta Despot, weu bei dem Mod aun eam, haum em 4 Wind mera Fiaschtn intaschtizt. Da 4 Wind hod daun zwoa Techta vom 8 Hiasch gheirat. Es woan domois scho a wengl vazwickte Vawaundtschoftsvahötniss!

Schau aa

Litaradua

Berthold Riese, Das Reich der Azteken- Geschichte und Kultur. C.H.Beck, Minga, 2011.ISBN 978-3-406-61400-2
Anders Ferdinand/Jansen maartens; Altmexico; Mexicanische Zauberfiguren; Alte Handschhriften beginnen zu sprechen. Akademische Druck und Verlagsanstallt, Graz 1986.
Jansen, Maarten (1998). «Monte Albán y Zaachila en los codices mixtecos». En Maarten E.R.G.N. Jansen, Peter C. Kröfges, and Michel R. Oudijk (eds.). In The Shadow of Monte Albán: Politics and Historiography in Postclassic Oaxaca, Mexico. Leiden, Netherlands: Research School CNWS (Leiden University School of Asian, African and Amerindian Studies). ISBN 9-057-89006-2. OCLC 40511286.
Jansen, Maarten (2003) (PDF). Monument en verhaal in het land van de Regengod. Amsterdam: Koninklijke Nederlandse Akademie van Wetenschappen (KNAW). ISBN 906984382X. OCLC 66724118.
Jansen, Maarten (2004). Renaming the Mexican Codices. 15. pp. pp. 267–271. doi:10.1017/S0956536104040179. ISSN 0956-5361.
Pohl, John M.D. (n.d.). «Ancient Books: Mixtec Group Codices». John Pohls Mesoameriuma Foundation for the Advancement of Mesoamerican Studies, Inc. (FAMSI). Consultado el 21-08-2007.
Pohl, John M.D. (2002). The Legend of Lord Eight Deer: An Epic of Ancient Mexico. Oxford; New York: Oxford University Press. ISBN 0-195-14019-2. OCLC 47054677.
Spores, Ronald (1967). The Mixtec Kings and Their People. Norman: University of Oklahoma Press. ISBN 0-8061-1091-0.

Im Netz