Klousta

Klousta is a Gmoa im niedaboarischn Landkroas Reng. Des gleichnomige Pfarrdoaf is Sitz vo da Gmoavawoitung.

Eadkund

Geografische Log

Kloasta liegt in da Region Doana-Woid inmittn vom Natuapark Boarischa Woid direkt an da Bundesstroß 85 nua siem Kilometa südeastle vo da Kroasstod Reng sowia nein Kilometa südle vo Zwiesl. De Oatschoft breitet se in am weitn, sonnign Doikessl aim Fuaß vom Gsengetstoa (951 m), Wagnsonnriagl (959 m) un dem Heahnzug vom Pfoa aus. Duach den Oat fliaßt de Rinchnacha Ohe, in de südle vom Oat de Rinchnach mündt.

Gmoagliedarung

Es gibt 27 Gmoateile:

Es gibt de Gemarkunga Ellaboch, Kasbeag und Rinchnach.

Gschicht

Bis zua Gmoagrindung

Im Joahr 1011 war de Grindung vom Kloasta Rinchnach duach den hl. Gunther, am Beneditinameanch vom Kloasta Niedaoada, ois erste Siedlung vom mittlan Boarischn Woid. De Gschicht vom Oat is ent mit dem vom Kloasta vabundn. De Oaheimischn nennan eahnan Oat aa heit statt Rinchnoch oafach nua "Klousta". Klousta is am Gunthasteig, ana Soizstroß, gleng, de vo Zwiesl in den Beahmweg eibong is. Feiasbrünst ham 1597, 1693 und 1799 gwüt. Zasteat und plündat worn is Kloasta im Dreißgjaarign Kriag 1641 duach de Schweden, im Spanischn Eabfoigekriag 1703 duach de Eastareicha und 1742 bis 1744 im Eastareichischn Erbfoigekriag duach eastareichische Truppn vom Genaroi Bärnklau und de Pandurn vo Franz vo da Trenck. Da Oast hot zum Rentamt Straubing gheat und zum Landgricht Reng vom Kuafiastntum Baiern. 1803 is de Probstei Kloasta duach de Säkularisation aafghom worn. im Joahr 1818 is de Gmoa entstandn.

Eigmeindunga

Am 1. Januar 1972 is im Zug vo da Gmoagebietsrefoam de Eigliedarung vo de Gmoa Kasbeag und Ellaboch afoigt.

Eiwohnaentwicklung

1970: 2779 Eiwohna
1987: 2988 Eiwohna
1991: 3145 Eiwohna
1995: 3230 Eiwohna
2000: 3261 Eiwohna
2005: 3327 Eiwohna
2010: 3210 Eiwohna
2015: 3080 Eiwohna
2020: 3042 Eiwohna

Politik

Da Gmoarot setzt se seit da Kommunoiwoi vom 15. März 2020 wia foigt zamma:

CSU: 7 Sitz (48,02 % vo de Stimman)
SPD: 5 Sitz (29,2 % vo de Stimman)
FWG: 4 Sitz (22,46 % vo de Stimman)

Buagamoasta

Bei da Buagamoastawoi 2020 is Anton Dannerbauer (CSU) mit 66,96 5 vo de Stimman gwöjt worn. Er hot sei Amt Ofang Mai 2020 otren und hot Ofang Februar 2021 sei Amt aus gsundheitliche Grind aafgem. Bis zua Neiwoi am 2. Mai 2021 fiaht da Zwoate Buagamoaste Ludwig Lemberger (FWG) ois sei Vatreta de Amtsgschäft.

Wappn

Blasonierung: " In Goid iba greanam Dreibeag zwoa schräg kreizte suibane Reithaun mit schwoaze Grief."

Kuitua und Sehenswiadekeitn

De ehemolig Kloastakiach und jetzige Pfarrkiach St. Johannes da Daifa is 1727 vo Baumoasta Johann Miachel Fischer veale umgstoit worn. Sie bsitzt ois oanzige Kiach vo da Gegand a Kuppe und is oans vo de bedeitansdn Bauwerk im Boarischn Woid.
Im Woid etwa zwoa Kilometa eastle vo Kloasta liegt weithi sichtboa de Nemkiach Maria Geburt, aa Fraunbrünnl oda Gunthakiachal gnennt. Sie is 1766 an da Stöj vo ana Oasiedelei vom Hl. Gunther abaut worn und bsitzt a gotischs Gnadnbuid. Neba da Kiach entspringt a kloane Quejn, de ihr den Nama gem hot. 1958 is sie an de Gmoa Kloasta ibaganga. Sie werd vo am 1995 gründtn Feadavarein betreut. De reiche Freskomolarei aus da Abauungszeit, vamutle vo Franz Anton Rauscher, is noch dem Zwoatn Wöjtkriag entfern und bei da letztn Restaurierung wieda heavoabrocht bzw. aneiat worn. A ganz bsondana Plotz is de Aussichtsplattfoam dirkt obahoib vo dem Kiachal.
Oanzigoate is da "historische Rundweg" im Oatskean, dea zu 25 historische Gebäude vo da ehemolign Kloastaanlog fiaht und de aaf moderne Dofen an de Gebäude aklärt; da Start is am Kiachavoaplotz.
sognannts "weiß Schuihaus"
ehemolige Benediktinapropstei mit Kiach, Kloastagebäudn, Kloastagasthof und Wirtschoftshof
ehemolige Schui, sognannte "rode Schui"
Oatskapöjn Foiknstoa
Katholische Woifahrtskiach Mariä Geburt, Gehmannsbeag
Oatskapöjn Großloitznriad
ehemolige Muih Herrnmuih
Wegkapöjn Kandlboch
Oatskapöjn Riad
Beagkapöjn Riad
Weilakapöjn Schönanga
Oatskapöjn Untaasboch

Wirtschoft und Infrastruktua

Wirtschoft eischließle Land- und Foastwirtschoft

Im Joahr 1998 hot's noch da amtlichn Statistik im produzierandn Gewerbe 257 und im Bereich Handl und Vakeah koane sozoivasicharungspflichte Bschäftigte am Oabatsoat gem. In sonstige Wirtschoftsbereich warn am Oabatsoat 79 Peasonan sozoivaschicharungspflichte bschäftigt. Soziovasicharungspflichte Bschäftigte am Wohnoat hot's insgsamt 1095. Im vaoabantn Geweabe hot's zwoa Betriebe gem, im Bauhauptgewerbe acht Betriebe. Zuadem ham im Joahr 1999 112 landwirtschoftliche Betriebe mit ana landwirtschoftle gnutztn Flächn vo 1622 ha, dovo warn 1426 ha Dauagreaflächn. Touristisch geheat Klousta zua Arbaland Region im Mittlan Boarischn Woid und zum Tourismusvaband Ostbaiern.

Buidung

Im Joahr 2021 gibts foigande Eirichtunga:

Kindagoatn mit 80 Kindagoiatnplätz und ca. 100 Kinda (Obau in Planung)
Grund- und Mittlschui mit 16 Lehra und 154 Schüla.

Persenlekeitn

Ehrnbuaga: Antonius Hofmann (1909-2000), vo 1968 bis 1984 Bischof vo Bossa.