Krimmö

Aus Wikipedia
(Weidagloadt vo Krimml)
Zur Navigation springen Zur Suche springen
Der Artikl is im Dialekt Pinzgauarisch gschrim worn.
Krimmö Krimml
Wappen Österreichkarte
Wappen von Krimmö Krimml
Krimmö (Österreich)
Krimmö
Basisdaten
Staat: Österreich
Bundesland: Salzburg
Politischer Bezirk: Zell am See
Kfz-Kennzeichen: ZE
Fläche: 169,46 km²
Koordinaten: 47° 13′ N, 12° 10′ O47.21833333333312.1733333333331067Koordinaten: 47° 13′ 6″ N, 12° 10′ 24″ O
Höhe: 1.067 m i. A.
Einwohner: 833 (1. Jen. 2016)
Bevölkerungsdichte: 4,9 Einw. pro km²
Postleitzahl: 5743
Vorwahl: 06564
Gemeindekennziffer: 5 06 07
Adresse der
Gemeindeverwaltung:
Oberkrimml 37
5743 Krimml
Website: www.krimml.at
Politik
Bürgermeister: Erich Czerny (ÖVP)
Gemeinderat: (2014)
(13 Mitglieder)

7 ÖVP, 6 SPÖ

Krimmö vom Wossafoi aus gsechn
Krimmö vom Wossafoi aus gsechn
Quelle: Gemeindedaten bei Statistik Austria

Krimmö (amtli: Krimml) is a hibsch a kloana Oscht an owastn Pinzgau an Soizburgischn, direkt a da Grenz za Nordtiroi (Gerlos und Züaschtoi), Sidtiroi (Ahrntoi) und Osttiroi. Krimmö kescht owa zan Bezirk Zö (Zell am See) und so redn die Krimmöa, do gibs koan Zweifö nit, Pinzgarisch, owa a Variante, de scho a bissl as Tiroarischi umigeht.

Krimmö lig 1.067 m iwan Mee und hotr hibsch an Bekanntheitsgrod weng die Wassafoi, di wos circa 400 Meter hoch sand. Die Krimmöa Ochn rinnt ausm Ochentoi ausa und foid an Krimmöa Kessl oi. In Krimmö wohnand 833 Leit (2016), und weis an Summa attraktiv zan Wondern und an Winta a schneesichas Schigebiet is, kemman a oiwei a haufn Gest, die meran aus Deitschland, Holland und aus onderi Eschta in Östareich.

Iwan Gerlosposs, kimb ma heit oafoch auf Nordtiroi umi, noch Süd- und Osttiroi kumma va da Krimmö aus hekstns umige (wos owa a sein Reiz hot).

Um Krimmö umadum rogn 30 Dreitausnda a`d Hech, und Krimmö kescht naturgemäß zan Nationalpark Hochi Tauan. Krimmö toid si auf a di Hochkrimmö, wo si des Schigebiet befind, des seit a nedla Jo za da Schiarena Züaschtoi kescht und wo hisch oani Gest ean Zweitwohnsitz homb. Des eigntlichi Dorf weascht a di Unta- und a di Owakrimmö toid, Stroßnnom und Pletz brauchts an an so an kloan Oscht oft noand nid.

Aus da Krimmö kemman oanige wichtigi Leit, da bekonnteste is sicha da Franz Innerhofer, a Schriftstöa, dea si traut hot, des Klischee va nan romantischn Bergbauanlebn a bissl z`relativieren, wei ois is an nit oiwei guat g´wesen und a dia oa hombs sicha nit leicht kob a den Mileu. A zweita hibsch umtoananda Krimmöa is da Anton Woinna gwesn, dea si mit die Tiroia an Widerstond geng an Napoleon und dem seini boairschn G´sön zom tu hot. Owa des is hibsch long her. An drittn Krimmö hots a da estareichischn Politik gem, da Geisler Simon is a Nationalratsobeordneter gwesn.

Im Netz[VE | Weakln]

 Commons: Krimml – Sammlung vo Buidl, Videos und Audiodateien