Moashofn

Aus Wikipedia
(Weidagloadt vo Maishofen)
Zur Navigation springen Zur Suche springen
Der Artikl is im Dialekt Pinzgaurisch gschrim worn.
Moashofn
Maishofen

Wappen von Moashofn Maishofen
Moashofn Maishofen
Estareichkorschten, Posizion vo Moashofn Maishofen hervurghoum
BaasisDatn
Bundeslond: [[Soizburg]]
Politischer Bezirk: Pinzgau (Zej am See) (ZE)
Flächen: 29,5 km²
Koordinatn: Erioll world.svg Koordinaten: 47° 21' N, 12° 48' O 47° 21' N, 12° 48' O
Hejch: 768 m i. A.
Eihwohna: 3557 (1. Jen. 2017)
Bevejkerrungsdichten: 121 Eiwoner pro km²
Postloatzoi: 5751
Vurwoi: 06542
Gmoavawoitung: Gemeindeamt
Anton-Faistauer-Platz 7
5751 Maishofen
Netzseitn:
Politik
Buagamoasta: Eder Franz (ÖVP)
Gmoarout: (2009)
10 ÖVP, 7 SPÖ, 1 FPÖ, 1 PFM [1]
Loug vah da Gmoan Moashofn
Maishofen
Karte

Moashofn (amtli: Maishofen) is a Gmoan an Soizburga Lond an Pinzgau in Esterraich, mid 3557 Aiwoner (Stond 01.01.2017).

Geografie[VE | Weakln]

Dia Gmoan liag an Pinzgau, an Soizburga Lond, zwischn Zej am See, Soifejn und Vichofn am Beginn vam Glemmtoi Richtung Soibouch-Hinterglemm. Da Ooscht sejm lig in da Nachant vam Zejer See ba dia Pinzgauer Grousberg drinn. Gmoantoi sand: Atzing (Atzing), Moashofn-Derfe(Maishofen-Dorf), Mitterhofn (Mitterhofen), Kirchham (Kirchham), Laatoi (Lahntal), Berng (Bergen), Moarhofn (Mayrhofen), Dechantshofn (Dechantshofen), Owerhausn (Oberhausen), Point (Point), Owerroit (Oberreit) und Unterroit (Unterreit).

Gschicht[VE | Weakln]

Moashofn is as easchte Moi ois „Mainshauen“ im Jou 1338 dawänt woun. 1838 is as easchte Schuihaus in Moashofn baut woun. Es is douzmois genau auf dem Bloutz gwejn, wo hiazant de Raiffeisenkassa steet. Vur dera Zaid sand d' Kinder an Winter in private Haiser unterrichtt woun, wia zan Baispij im „Unknerhaisl“ - des haitige Haisl „Gounstätter (Gadenstätter)“ neeman ADEG-Morkt. As Erdgschooss stommb nu aus dera Zait. Danouch houd da Unterricht im „Moarhaisl“ vom Schloss Soihof stottgfunna (bis za da Feeschtigstejung vam easchtn Schuihaisl) des aa heid no dahoidn is. Am 21. Mai 1907 houd da Baubeginn vam heiding Schuihaisl dafoigt und is am 30. August 1908 za da Benitzung bewillig woun. Fir doumoiige Vahejtniss a ser a kuuschze Bauzeid.

Politik[VE | Weakln]

Gmoanvatreetung[VE | Weakln]

Dia Gmoanvatreetung va Moashofn houd 19 Midglieda und setzt se seid da Gmoanvatreetungswoi im Jou 2009 wia foigt zomm:

Birgermoaster[VE | Weakln]

Da direkt gwejde Birgermoaster is da Eder Fronz (Eder Franz) va da ÖVP.

Wouppm[VE | Weakln]

As Wouppm vo da Gmoan is: „In am greanem Schijd is de Frontoosicht va am zwoagschoossing sijwern Schloss mid zwoa runde Ecktirm, oie Gebaidetoi mid goidanem Spitzdachen, doudrunter rechsthi a goidaner Pfluag oone Raadln, mid goidaner Pfluagschou und Sechmesser.“ As Schloss stejd de vir Schlesser an Moashofn dou: Schloss Prialau, Stiagerschlessei, Schloss Soihof und Schloss Kommer.

Kuitur & Seechnsweeschts[VE | Weakln]

Vuroim a dia Summermonat biatt dia Kuituriniziatiavm Culturkreis Maishofen[2] vaschiderne Vaoostoigungan (vuaoim Konzeeschte, Ausstejungan, Theaterauffirungan) oo. Aa weascht haiffig a bsundeascht fir Familien gaignate, kinderliabe Kloavicherschau oughoidn.

Wirschtschouft & Infrastruktur[VE | Weakln]

Moashofn is a Wintersportooscht. Er is a Ausgongsbunkt fir dia Schigebiat in Soibouch-Hinterglemm, Zej am See und Kaprun. An Moashofn beginnant Longlaaff-Loipna (klassisch und Skating), de bis auf Soifejn, Loigom und Maria Oim gspuuscht sand. Aussadem gibs an Kinderlift baim Schloss Kommer. Zuadem findt in eppa hoibjaarliche, unreeglmässige Ouständ a fir d' Region bedeitsome Vastaigarung vo Kia und Kloavicher stott.

Perseenlichkaitn[VE | Weakln]

  • Lainer Leopold (Lainer Poide), ehemoiiger Fuassboi-Nazionoispijer
  • Faistauer Anton (Foastauer Tonei), Kinstler (an Moashofn begroum)
  • Vanek Thomas, esterraichischer Aishockey-Profi (houd an Grosstoi va da Kindhait in Moashofn vabroucht)
  • Rieder Hans (Riader Hons), esterraichischer Politiker (ÖVP)
  • Riedelsberger Ernst (Riadlschberger Ernstl), ehemoiiger esterraichischer Schirennlaiffer
  • Streitberger Georg (Straitberger Schorschai), esterraichischer Schirennlaiffer

Im Netz[VE | Weakln]

Beleg[VE | Weakln]

  1. Offizieje Webseitn vom Lond Soizburg mid de Woihergebniss vo de Gmoanroutswoihn 2009
  2. Netzseitn vam Kuiturkroas Moashofn