Löwenbräu

Löwenbräu AG
Rechtsfoam	Aktiengsejschoft
Grindung	1383
Siitz	Minga, Deitschland
Loatung	Jens Hösel; Jörg Lehmann; Frank Steffens; Markus Zeller
Branchn	Brauarei
Hoamseitn	Löwenbräu

Löwenbräu AG is oane vo de ejdastn Brauarein z Minga. Seit 1997 ghead se gmoasom mid da Spatenbräu za da Spaten-Löwenbräu-Gruppe, wo za da Anheuser-Busch InBev-Gruppn ghead. Im Voiksmund hoassd's aa: Läädschnbräj.

De Brauarei is woahscheinli scho 1383 grindd worn. Im Joar 1524 is a Jörg Schnaitter, pierprew af'm Owesn in da Löwengrube 17 gnennd. Löwenbräu is 1746 zan easchtn Moi im Biersudvazeichnis vo Minga eawähnd woan. Da Lewe im Nam stommd vo om Fresko „Daniel in der Löwengrube“ im Löwenbräu-Brauhaus aus'm 17. Joarhundad. 1818 hod da Braua Georg Brey de Löwenbrauarei kaffd. Vo do weg hod da wiatschoftliche Eafoig ogfonga.

Produktion

Da Löwenbräukeller in da Nymphenbuaga Stroß 2 z Minga (2006)

De oanzig vabliemne Gebaide vo da uaspringlichn Brauarei san on da Karl- Nymphenbuaga- Sandstroß van Sudhaus und da Garkella sowia da denkmoigschitzde Löwenbräukeller on da Eckn Dachaua/ Nymphenbuaga Stroß. Heit is Löwenbräu innahoib vo da InBev-Famij nua no a lokoie Brauarei. Im Vabund vo da Spaten-Löwenbräu Gruppn produziad se olle Biare vo da Gruppn: Spaten, Franziskaner, Löwenbräu sowia Beck's.

Oidmingara Brauarein

Foingde Brauarein san direkd oda indirekd in da Löwenbräu AG afgonga:

Sollerbräu (1836)
Filserbräu (1844)
Lodererbräu (1863)
Mathäserbräu (1907)
- Fuchsbräu
Bürgerbräu (1921)
- Zengerbräu
  - Angerklosterbräu
Unionsbrauerei Schülein & Cie. (1921)
- Münchner Kindl Brauarei
  - Metzger Bräu
  - Singlspieler Bräu
  - Löwenhauser Bräu

De Wiesn

Brauareiwong ban Oktobafest-Trachtnzug 2006

Da Löwenbräu-Brauarei ghead vo de grossn Festzejdn van Löwenbräu-Festzejd und van Schitznfestzejd.

Produziade Bia (Stond: 2008)

Löwenbräu
- Löwenbräu Originoi
- Löwenbräu Münchna Hej
- Löwenbräu Münchner Dunkl
- Löwenbräu Triumphator (Bockbia)
- Löwenbräu Oikohoifrei
- Löwenbräu Uatyp
- Löwenbräu Pils (friahara Marknnam vo "da Löwenbräu")
- Löwenbräu Schwoaze Weisse (Woaznbia)
- Löwenbräu Löwen Weisse Hej (Woaznbia)
- Löwenbräu Radla
- Löwenbräu Oktobafestbia (Meazn)
Spaten
- Spaten Münchner Hej
- Spaten Diät-Pils
- Spaten Oktobafestbia
- Spaten Optimator (Bockbia)
- Spaten Pils
- Spaten Oikohoifrei
- Franziskaner Hefe Weissbia
- Franziskaner Hefe Weissbia Dunkl
- Franziskaner Hefe Weissbia Leicht
- Franziskaner Weissbia Kristaoikloar
- Franziskaner Hefe Weissbia Oikohoifrei
Berchtesgadena
Beck’s
- Beck's Pils
- Beck's Oikohoifrei
- Beck's Goid
- Beck's Green Lemon
- Beck's Green Lemon Oikohoifrei
- Beck's Chilled Orange
- Beck's Level 7
- Beck's Ice
  - PerfectDraft Fossbia
    - Beck's Pils
    - Beck's Goid
    - Franziskaner Weissbia

Sunstigs

In Olehnung on Löwenbräu drogd de amerikanische Rockbend Mötley Crüe de sejm zwoa Umlaute im Nam, wei Löwenbräu zua Zeid vo da Grindung van Liablingsbia vo da Gruppn woa.

Literatua

Wolfgang Behringer: Löwenbräu. Von den Anfängen des Münchner Brauwesens bis zur Gegenwart. Süddeutscher Verlag, Minga 1991, ISBN 3-7991-6471-5

Im Netz

Commons: Löwenbräu – Sammlung vo Buidl, Videos und Audiodateien