Langa Marsch

Aus Wikipedia
Der Artikl is im Dialekt Obaboarisch gschriem worn.
Mao z Yan'an am Zui vom Langa Marsch
Flaggn vom Jiangxi-Sowjet
Valaff

Langa Marsch (kin. 長征 / 长征, Chángzhēng) nennt ma an zentraln Hejdenmythos vu da Kommunistischen Partei vo China. Es wor a taktisch-militearischa Rickzug vo da Streitmocht vo da Kommunistischen Partei vo China 1934/35, um si aus da Einkroasung duach de Armee vom Chiang Kai-shek (Kuomintang) z befrein.

Ban Langa Marsch worn mearane Obteilunga vo da Rodn Armee aufm Weg noch Westn und Nordn. Am bekonntastn is da Marsch vo da Armeegruppm mit da Fiahrungsspitz vo da Kommunistisch Partei vu China, wo innahoib vu 370 Dog 12.500[1][A 1] km zruckglegt und dabei a poar vo de unwegsamstn Gebiete vo China duachqueat hod. Wearend im Langa Marsch is im Mao Tse-tung glunga, sei Mocht innahoib vo da Partei z festign und auszbaun.

Ursoch und Wiakung[Werkeln | Am Gwëntext werkeln]

Nochm gscheidatn Heabstertne-Aufstond im Septemba 1927 hod si da Mao Tse-tung mit ana Gruppm vo da Rodn Armee ins Jinggang-Gebiage zruggzogn. Obwoi imma wieda neie Leidln dazuakema san, wor de Gruppm da Iwamocht und dena Ogriff vom Kuomintang ned gwoxn. Deshoib sans weida noch Jiangxi und Fujian zogn, um si duatn im Grenzgebiet zwischn de boadn Provinzn niadazlossn.

Da Chiang Kai-Shek hod owa inzwischn mit Japan an Woffnstuistond gschlossa, hod deshoib an Ruckn frei ghobt und hod 500.000 Soidotn zum Kampf gegn de Rode Armee mobilisiat. Damit hod a nacha vasuacht, de de Kommunistn in de bsetztn Gebiete einzkroasn und nacha ganz langsam vuazruggn, um de Schlinga sicha zuazanziagn. De Log vo da Rodn Armee wor praktisch aussichtslos, wei da Kuomintang zu dem Zeitpunkt zehn moi so vui Soidotn ghobt hod, wo a no weit bessa bewoffnet gwen san. Ois Rettungsvasuach is bschlossa worn, de Rode Armee af Nordwest an de sowjetische Grenz z valegn. Im Oktoba 1934 worn de Vorbereitunga obgschlossa und da Lange Marsch hod ogfonga.

Unta de mea ois 85.000 Leidln, wo loszogn san[2] worn woarscheinle nua 35 Fraun. Iba 15.000[2] Soidotn, iwa 30.000[2] Vawundete sowia de Weiba san zruggbliem. Unta de Zrugglossanan worn a hohe Funktioneare, wia zum Beispui Mao Zetan da jingste Bruada vom Mao Tse-tung. Wiar nacha im Novemba des Gebiet wiar z dawortn wor, vom Kuomintang eingnumma worn is. sans gfanga gnumma und hingricht worn.

Z Yan'an am Zui[Werkeln | Am Gwëntext werkeln]

Am 20. Oktoba 1935 san nua 7.000 vu de 85.000 Leidln, wo si ausm Jiangxi-Sowjet afn Langa Marsch begebm hom, am Zui z Yan'an okema. Obwoi da Preis hoch wor, hoda si fia de Kommunistische Partei vu China glohnt. In da Obgschiednheit vum Nordn hod de Partei und de Rote Armee de Ruah ghobt, um si z eahoin und nei afzbaun. 10 Joar spoda hod de Rote Armee an Kuomintang vum chinesischen Festland af de Insl Taiwan vatriebm.

Wiakung[Werkeln | Am Gwëntext werkeln]

Da gresste strategische Ruckzug vo da Militeagschicht hod an Mao zua Legendn gmocht.[3] Andare Teinehma hom in da Partei Karriere gmocht, wia da Zhou Enlai und da Deng Xiaoping.

Da Lange Marsch is zan zentraln Mythos vo da kommunistischn Partei vo China worn. Da Mao hod anno 1935 dazua gschriebm:

"The Long March is a manifesto. It has proclaimed to the world that the Red Army is an army of heroes, while the imperialists and their running dogs, Chiang Kai-shek and his like, are impotent. It has proclaimed their utter failure to encircle, pursue, obstruct and intercept us. The Long March is also a propaganda force. It has announced to some 200 million people in eleven provinces that the road of the Red Army is their only road to liberation."[4]

Literatua[Werkeln | Am Gwëntext werkeln]

  •  James P. Harrison: Der lange Marsch zur Macht. Belser, Stuttgart 1978, ISBN 3-76301-167-6.
  •  Ed Jocelyn, Andrew McEwen: The Long March. The true story behind the legendary journey that made Mao’s China. Constable, London 2006, ISBN 1-845-29255-3.
  •  Lily Xiao Hong Lee, Sue Wiles: Women of the Long March. Allen & Unwin Pty., Limited (Australia), 2000, ISBN 1-86448-569-8.
  •  Frederick S. Litten: The Myth of the „Turning Point“ – Towards a New Understanding of the Long March. In: Bochumer Jahrbuch zur Ostasienforschung. Band 25, Iudicium Verlag GmbH, Minga 2001, ISBN 3-89129-577-4, S. 42.
  •  Harrison E. Salisbury: Der Lange Marsch. S. Fischer Verlag, Frankfurt am Main 1985, ISBN 3-10071-306-0.
  •  Sun Shuyun: Maos langer Marsch. Propyläen Verlag, Berlin 2008, ISBN 3-54907-343-7.
  •  Dick Wilson: Mao Tse-tungs langer Marsch 1935. Der Ursprung der Volksrepublik China. Heyne, Minga 1978, ISBN 3-453-48043-0.

Beleg[Werkeln | Am Gwëntext werkeln]

  1. Schetzung vum Mao Zedong, zitiat noch: Snow, Edgar. Red Star Over China (1937), in Deitsch schaug: Snow, Edgar. Roter Schnee über China. (Iwaorwate Fossung) Fischer Taschenbuch Verlag, Frankfurt am Main 1974. ISBN 3-596-21514-5
  2. 2,0 2,1 2,2 Litten, Frederick S. The Myth of the "Turning Point" - Towards a New Understanding of the Long March, in Bochumer Jahrbuch zur Ostasienforschung 25. Iudicium Verlag GmbH, München 2001. ISBN 978-3-89129-577-9. S. 15
  3. Biography (TV series) - Mao Tse Tung: China's Peasant Emperor (Memento des Originals [1] vom 27. Fewer 2011 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.imdb.com, A&E Network, 2005, ASIN B000AABKXG
  4. Mao Zedong, in On Tactics against Japanese Imperialism (December 27, 1935): "The Characteristics of the Present Political Situation" (Retrieved November 25, 2006)

Fuassnotn[Werkeln | Am Gwëntext werkeln]

  1. Laut Jocelyn, Ed; McEwen, Andrew. The Long March. Constable, London 2006. ISBN 1-84529-255-3 betrogt de echt zruckglegte Streckn 6.000 km.