Les Salles-sur-Verdon

Der Artikl is im Dialekt Flåchgaurisch gschriem worn.

Les Salles-sur-Verdon
Lei Salas de Verdon

Región

Provence-Alpes--Côte d’Azur

Département

Var

Arrondissement

Brignoles

Kantón

Flayosc

Kóordinaten

43° 46′ N, 6° 13′ O43.7741666666676.2097222222222Koordinaten: 43° 46′ N, 6° 13′ O

Heechen

476–665 m

Flechen

4,97 km²

Eihwóner

252 (1. Jenna 2013)

Dichten

51 Einw./km²

Póstloatzoi

83630

INSEE-Code

83122

Webseiten

http://lessallessurverdon.com

Les Salles-sur-Verdon (okzitanisch klassische Nåm: Lei Salas de Verdon, sunst: Lei Salo-sus-Verdoun) is a frånzésische Gmoand mid 218 Eihwoner (2008), in da Provence im Département Var in da Region Provence-Alpes-Côte d'Azur. D' Gmoandgress vah Les Salles btrågt 5.0, dé Bevöikarungsdichten is 40,4 Eihwoner pro km². Gresserne Ortschåften in da Nahernt vah Les Salles han Moustiers-Sainte-Marie und Riez. Nåchbargmoanden han Ste.-Croix-du-Verdon, Bauduen und Aiguines.

Gschicht[Weakln | Am Quelltext weakln]

Umara 1959 is's sicher gwéen, daa da Staudåmm (Barrage de Ste.-Croix) baud werd. 1971 is Les Salles wéngam Staudåmmbau 400 m vam åiden Derfé, auf an Plateau nei aufbaud worn. An Hirchst 1971 håd d' EDF åj entoagnerten Heiser kriagt. D' Bewoner håd ma mid Summen ågfunna, dé's åwer unméglé gmåcht håm, im neichen Derfé wiader z' bauh, wås beträchtliche Schuiden zur Foing ghod håd. Da Bsietz is durch Grichter gschatzd und Eihgstuft worn. 's åide Derfé is schliasslich 1974 gspréngt und durchs afstaun vam Sainte-Croix-See iwerflutt worn und liegt heid guade 40 m unterm Wåsser ba da Voistauung vam See.^[1] Aus'm åiden Derfé han d' Kirchturmur, d' Gloggen sowia da åide Dorfbrunner grett worn. A por Leit håm bis z' létzt Wiaderstånd gleistt und han ad åiden Heiser bliem, obwoi do drinnert teiweis schoh's Wåsser gstånna is.

Heid leebt Les Salles vam Turismus und is a wichtigs Fremdenvakersderfé a' da Region worn. Durch d' Aufstauung kemman vie Turisten aus Hollånd, Deitschlånd, Italien und ånnerne Regionen vah Eiropa zan Serfen und zan Bådeurlaub hih zan See.