Waschl
(Weidagloadt vo Lusa)
Es gibt a boa Bedeitungan vo Waschl:
- 1. s Waschl (Neutrum). Des is d Ohrmuschl, schau s Oawaschl.[1]. Da kann man hean: „Wasch halt daene Waschl aus, dass d gschaet heast!“
- A andas Woat dafia is da Lusa (Plural: de Lusa). Es gibt a Lusawaschl ais Hendiadyoin. NB: Lusad dageng ais Adverb ::hoisst langsam, lahm. Lusad geh oda fahrn hoisst s gleiche wia stingert geh/fahrn.
- 2. da Waschl (Maskulinum). Aa des Woat wird fia Voschiadanes vawendt.
- Ma kann damit an groußn und a weng an langsama Laggl moana. Aa a Gviacheds kann ma aso hoaßn, wenn ebba da Fischa sogt: „Dea Walla, den wia -r- i gesten aussaha(n, des is da a sechana Waschl gwen!“ Da Schmeller gibt aegns no a(n, das ma -r- aa an groußn Metzgahund aso hoaßt.
- Heakemma tuat des Woat aba tatsächli vom Waschn[2]. Da Waschl is da Wäscha gwesn, und wae s Weschwaschn, zmindest aes Beruf, früahras a hoate Oabet gwesn is, had ma dadafia scho ganz schee krefti sae(n müassn, a Mordslaggl halt. Aa da Badwaschl, da Badknecht[3], muas a rechta Prackl gwesn sae(n, wae a s Feia schüan und an Badzuba aufföin had müassn. Im Kaiser-Appartement in da Weana Hofburg werd sogoa am Koasa sae(n Badwaschl berüahmt. Da Kuchlwaschl is da Spüla in da Kuchl gwesn.
- Haedztags head ma Boderwaschl fia n Frisea, wahrschaenli, wae s Hoaschneidn und s Rasian früaras am Boda sae(n Sach gwesn is. Meglichawaes spöid da aa aena, das aa da Pemsl Waschl hoaßt und zum Handweakszaed vom Boda ghead had.
- Sogoa den groußn Malerbemsl hoaßt ma Waschl.
- 3. waschln (wean., ned vadunglt) Waunns stoak regnd, waunn ma umanaundpritschld, iwatrogn aa saufn
- 4. waschlnoss (wean., ned vadunglt) sehr noss
- 5. Woscha (wean.) iagnd a Riesndrumm, bsundas grosse Händ