Mährische Wolochei

Aus Wikipedia
Der Artikl is im Dialekt Ostestareichisch gschriem worn.
A mährischa Woloch, 1787

De mährische Wolochei (tschechisch: Valašsko) is a gebiagige Gegand gaunz im Ostn vom historischn Landl Mährn in Tschechien, in da Nachn vo da Slowakischn Grenz.

Se is vökakundlich und kuituagschichtlich gseng a eignständige Region. Nochbagegandn san de mährische Slowakei im Sidn und de Hanna im Westn. De mährische Wolochei losst se in ziaka mid n Laundkraas Vsetín und de närdlichn, noadestlich und estlichen Deule vom Laundkraas Zlín obgrenzn. In da Stod Rosenau untam Radhoscht (tschechisch: Rožnov pod Radhoštěm) gibts a Wolochisches Freiliachtmuseum, in wöchanem Wolochische Voikskuitua gsaummet wiad, inklusive oide, owa nu dahoidane Heisa aus Deafa und Städt vo da Region.

De uaspringlich rumänischn Wolochn haum se in Mährn in da Zeid vom 14 bis ins 17. Joahundat augsiedlt. Wolochische Hiatnstämm san in dera Zeid aus de heitign rumänischn Sidkarpatn Richtung Noadn gwaundat. De Wolochn söwa wean zmeist fia romanisiade Nochkumman von oide Balkanvöka wia de Thraker bzw. Daker oda Illyrer ghoidn, wos owa ka genarö akzzeptiade Theorie is.

Da slawische Naum Vlach (Woloch) fia Ostromanen kummt vom uaspringlich ausn geamanischn und hod de söwe Wuazn wia da Ausdruck "walsch/wöllisch" (Deteus im Artikl Wolochn).

Auf da Raas noch Noadn hi haum de Wolochn eahnare uaspringlich Sproch valuan, mid da Ausnauhm vo a poa rumänische Weata (s. g. Karpatismen, wia z. B. Brynza: da Kaas, wos a Grundlog fia n Liptaua is, kummt vo rumänisch: Brânză ), wöchane se in eahnare Dialekte ghoidn haum. Se haum se olladings eahna Voikskuitua (Voikstänz, Trochtn, Musi) und eahna Wiatschoftweis, bsundast de Schofzucht, dahoidn. Duach des is de Voikskuitua vo da mährische Wolochei aus ana Mischung vo rumänischa und karpato-ruthenischa Kuitua entstaundn. In de easchtn schriftlichn Quön is vo ana „Coloni Valachales“ oda „Valach seu Ruthéni“ (Wolochn, oiso Ruthenen) de Red.

Literatura[Werkeln | Am Gwëntext werkeln]

  • Baletka, Ladislav: Růžďka, pohled do historie obce na Valašsku, Vsetín 1998
  • Baletka, Ladislav - Zapletal, Ladislav: Okres Vsetín, Ostrava 1987
  • Burian, Ilja - Burian, Bohuslav: Dějiny protestantismu na Vsetínsku, Vsetín 1993, ISBN 80-900025-4-4
  • Dostál, František: Valašská povstání za třicetileté války, Praha 1956
  • Janoška, Martin: Valašsko očima geologa, Olomouc 2000
  • Autornkollektiv: Okres Vsetín, Brno - Vsetín, 2002, ISBN 80-86298-09-4
  • Autornkollektiv Přírodou a historií Valašskomeziříčska po naučných stezkách, Valašské Meziříčí 2004
  • Autornkollektiv: Slovník osobností kulturního a společenského života Valašska, Valašské Meziříčí, 2000, ISBN 80-238-5704-5
  • Pavelka Jan, Trezner Jiří (eds.): Příroda Valašska, Vsetín 2001, ISBN 80-238-7892-1
  • Winnifruth,T.J.: Badlands-Borderland: A History of Southern Albania/Northern Epirus, 2003, page 44, "Romanized Illyrians, the ancestors of the modern Vlachs", ISBN 0-7156-3201-9