Malawisee

Aus Wikipedia
Malawisee
Da Malawisee aus'm Orbit aus gsechn
Da Malawisee aus'm Orbit aus gsechn
Da Malawisee aus'm Orbit aus gsechn
Oigmoahs
Geógraafische Láug: Ostafrika
Zuafliss: Ruhuhu
Áufliss: Shire
Daaten
Hächen iwern Meeresspiagel: 474
Flächen: 29600
Seeléng: 570
Seebreaden: 75
Vólumen: 8400
maximale Diaffen: 704
Durchschnidtliche Diaffen: 292
Bsunderheiten:

Da fischortnraichste See vo da Wejd

Da Malawisee (friara Nyasasee, yao nyasa „See“) in Ostafrika is da neintgrässte See vo da Erdn. Sai Oufluss is da Shire. De Orainerstootn vom See sand: Tansania, Malawi und Mosambik.

Gschicht[Werkeln | Am Gwëntext werkeln]

In da Kolonialzeit is a Eisnbohlinie vo Mtwara am Indischn Ozean noch Mbamba Bay am Malawisee plant woan, da Plan is owa ned vawirklicht woan. Haid gibs no owai Pläne, de Aisnbostreckn, da sognonnte Mtwara Development Corridor zan baun, um Koinvurkemma im Mchuchuma-Katewakegebiat zan daschliassn, sowia a oiternatiave Seevabindung fia Malawi zan schoffm.

Nkhotakota is oana vo d' ejtastn [Morktplätz vo Afrika siadlich vo da Sahara. Sai Gschicht is wenig daforscht.

Ba Karonga ligg da Fundort vom ejtastn zur Gottung Homo gstejtn Fossij, des bisher vo Paläoanthropolong enteckt woun is. Der mid mera ois zwoa Milliona Joar oide, bezounte Unterkiafer houd d' Archivnummer UR 501 dahoidn und is vo seim Entdecker, Friedmann Schrenck, ois Homo rudolfensis aigordnet woan.

Eadkund[Werkeln | Am Gwëntext werkeln]

De Log vom See im ostafrikanischn Grobmbruchsystem

Da Malawisee liegt im ostafrikanischn Grobmbruch. Ea is da drittgresste afrikanische See. Ea hod a Läng vo 560 Kilometan, a Broadn bis zu 80 Kilometan und a Tiafn bis zu 70 Metan. Flächnmäßi san nua da Tanganijasee und da Viktoriasee in Afrika gressa.

S Wossa vom See is sea kloar. Am Seeufa ko ma bis zum Grund schaun. Auf Noadn zua wean de Ufa steila. Ganz obm auf da tansanischn Seitn grenzn de Livingstone-Beag an an See, mit Steiwändn bis zu fost 2.500 Meta direkt am See. Do kena hohe Windgschwindigkeitn und entsprechenda Wejngang auftretn. Segln und Windsurfn ko do gfeali wean.

Fauna[Werkeln | Am Gwëntext werkeln]

Am Malawisee lebm aa vui Viecha, z. B. Seeodla, Krokodui und Flusspfeadln. Auf unbewohntn Insln gibts aa Seeschlanga und Warane.

Da Malawisee guit ois da fischreichste See vo da Wejd. Im See gibts ebba 450 Fischoartn. De moastn davo san maibriatande Buntborsch.

Tourismus[Werkeln | Am Gwëntext werkeln]

Aufm Malawisee gibts aa an Passagia- und Frochtvakea. De Hofm san im Sidn und Noadn: Monkey Bay, Chipoka, Makanjila, Nkhotakota, Nkhata Bay, Mphandi Port, Ruarwe, Charo, Mlowe, Chilumba, Kambwe bei Karonga. De Hin- und Rickfoart dauat fimf Tog. De Insln Chizumulu und Likoma wean vo Nkhata Bay zwoamoi in da Woch oglafa.

Im Distrikt Mangochi gibts an Hauffa Hotels, Lodges und Camps fia Touristn. Weida im Noadn liegt da Bodeoat Senga. Bei Ruacksocktouristn san Nkhata Bay und Cape MacLear sea beliabt.

Galerie[Werkeln | Am Gwëntext werkeln]

Im Netz[Werkeln | Am Gwëntext werkeln]