Mej

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.

Mej, aa Mej is a Puiva, wo aus Droad-Keandln gmoin is. Es is da Haptbestondtei vo Brod und damit a Grundnoarungsmiddl vo vuin Zivilisationa. Mej wead aus Woaz, Dinkl, Koan, Howan, Geaschtn, Hiasn, Gugaruz und Reis gwunna. Mej aus Woazn, Dinkl, Emma und Roggn nennt ma Brouddroad, wei mit dena alloa bockd wean ko.

Im weidan Sinn nennt ma aa puivafeamige Produkt vo am Moivoagang Mej, wia beispuisweis Fischmej, Quarzmej, Segemej usw.

Produktion[VE | Weakln]

Da wichtige Stejnweat vo Mej hod aa de technische Entwicklung weida triebm. Uaspringle hod ma de Keandln oafoch mit Stoana kloaghaut, spada hodma runde Reibestoane und Moasa vawendd. Da ejtaste Reibestoa is z Australien gfunden worn und is 30.000 Joar oid. De Rema hom nacha scho Rossmuin ghobt. De Goten hom im 6. Joahundat Schiffsmuin vawendd, wo duach a Wossaradl otriebm worn san. Im Mittloita san Wossa- und Windmuin dazuakema.

Heit wead des Droad in dena moadeanan Muin zwischn Moiwoizn im Woiznstui zu Mej zakloanat. Dabei wead des Droad vaschiedn fein gmoin. Wann des Mej ban Moin vo Schrot, Kleie, Griass bzw. Dunst separiat wead, redd ma vo Auszugsmej. Wann des Droad komplett duachgmoin wead, sogtma dazua Voikornmej bwz. Voikornschroud. Aa da Neastoffghoit vom Mej hengt vom Moigrad ob.

Im Netz[VE | Weakln]

 Commons: Mej – Sammlung vo Buidl, Videos und Audiodateien