Middleiropa

Aus Wikipedia
(Weidagloadt vo Midtleiropa)
Wexln zua: Navigation, Suach
Central Europe (Meyers Grosses Taschenlexikon).PNG

Middleiropa is a Region in Eiropa zwischn Westeiropa, Osteiropa, Sidosteiropa, Sideiropa und Noadeiropa. Es gibt a weng deitliche geografische Kriterien, d' da Obgrenzung diana.

Da Begriff „Middleiropa“ ko au politisch, kuituahistorisch oda naturraimli definiat wern. De Auffossung vom Begriff Middleiropa ändat si au midm gschichtlichn und politischn Wandl. Middleiropa is dohea zua Zeid ned eihdeutig zu definiera. Seidm End vom Koidn Kriag hod d' Definition Middleiropa erneit Afmerksamkeit. Middleiropa is net Kearneiropa.

Obgrenzung vo Middleiropa[VE | Weakln]

Deitschland, de Schweiz, Liachtnstoa, Estareich, Tschechei, de Slowakei, Ungarn und Poin ghean af jedn Foi zu Middleiropa. A grobe Obgrenzung vo Middleiropa is im Westn und Noadwestn da Rhein, im Noadn de Nordsee, Skagerrak, Kattegat und de Ostsee, oda de Eider, im Ostn de Weichsl, im Sidn de Beag vo de Karpatn und Oipn. Aa do gibts Zweife, ob d' Fliss wia'd Eider oda de Weichsl ausreicha, um an Teikontinent zu definian. De geografische Eihteijung is oba unschoarf.