Liachtnstoa

Aus Wikipedia
Wexln zua: Navigation, Suach
Der Artikl is im Dialekt Pongaurisch gschrim worn.
Firschtntum Liachtnstoa
Fürstentum Liechtenstein
Flag of Liechtenstein.svg
Staatswappen-Liechtensteins.svg
Omtssprouch Deitsch
Hauptstoud Vaduz
Stoutsform konstituzioneje Erbmonarchie
Stoutsowerhaupt Firscht Hans-Adam II. vo und z' Liachtnstoa
Omtsausiwender Stejvatreter:
Erbprinz Alois vo und z' Liachtnstoa
Regiarungsschef Klaus Tschütscher
(Vaterländische Union (VU))
Flächen 160,4 km²
Eiwonerzoi 37.132 (31. Dezember 2013)
Bevejkarungsdichten 232 Aiwoner pro km²
Gejt Schwaizer Franken
Nazionaalhymne Oben am jungen Rhein
Nazionaalfeierschtoug 15. August
Zeidzone UTC+1
Kfz-Kennzeichen FL
Internet-TLD .li
Telefonvurwoi +423
Liechtenstein in Europe (zoomed).svg
Liechtenstein-map-german.png
Liechtenstein - Gemeinden mit Exklaven.png

As Firschtntum Liachtnstoa (dt.: Fürstentum Liechtenstein) is a suvaräner Stoot im mittleiropäischn Oipnraum. S Lond ligt zwischn Östareich und da Schweiz am Ostuafer vom Rhein. s Firschtntum gijt haid ois konstituzioneje Erbmonarchie auf demokratisch-parlamentarischer Grundloug. De Suvaränität lig sowoi baim Voik ois wia aa baim Firscht. Liachtnstoa gliaderscht se in ejf Gmoana. Hauptort und Firschtsitz is Vaduz. Liachtnstoa houds hächste BIP pro Kopf wejdwaid - s lig bai 80.800 Airo (2005).

Geografie[VE | Weakln]

Liachtnstoa is umgem vo d' Schwaizer Kantone St. Gallen und'm Kanton Graubünden im Westn sowia'm esterraichischm Bundeslond Vorarlberg im Ostn. Zomm mid Usbekistan iss oaner vo de zwee Binnenstoutn vo da Wejd, de sejm nur vo Binnenstoutn umgem sand. De gsomte westliche Stoutsgrenz za da Schwaiz entspricht 'm Rhein-Valaaf. D' ästliche Stoutsgrenz is prägt vom Oipm-Hochgebirg, 'm Rätikon. s Lond grenzt auf 41,1 km an d' Schwaiz. 27,1 km vo da Grenzläng entfoin auf'm Kanton St. Gallen und 14,0 km auf'm Kanton Graubünden. D' Grenzläng mid da Republik Esterraich betroug 34,9 km und entfoit vejig aufs Bundeslond Vorarlberg. Da hächste Bunkt vo Liachtnstoa is da Grauspitz mid ner Hächn vo 2599 m. Da tiafste Bunkt is as Ruggeller Riet mit ner Hächn vo 430 m. s Lond misst an sainer längstn Stej 24,56 km und an sainer broadastn 12,36 km.

Klima[VE | Weakln]

As Klima vom Lond ko trotz da Gebirgsloug ois relatiav mijd bezaichnascht wern. Es werscht storch durch d' Aiwirkung vom Fähn (worma, trockaner Foiwind) prägt, wodurch d' Vegetazionszaid im Lassing und im Herest valängascht werscht. D' Messungan vo d' joulichn Niaderschlougsmengan dagem im Schnitt guade 900 bis 1.200 Millimeter auf oan Quadratmeta. Im direktn Oipmgebit dageng lingan de Niaderschläg oft bai bis za 1.900 Millimeter. Im Winta sinkts Thermometer sejtn unter minus 15 Grod, wärnd im Summer de mittlern Temperraturn zwischen 20 und 28 Grod schwonknd.

Bevejkarung[VE | Weakln]

Etwoa zwoa Drittl vo d' Eiwohna sand gebirtige Liachtnstoaner (65,8%); de ausländische Wonbeväkarung kimmb dageng za etwoa oan Fimbftl (20,1%) hauptsächlich aus'm iwring deitschn Sprouchraum (doudavo 10,8% aus da Schwaiz, 5,9% aus Esterraich und 3,4% aus da Bundesrepublik Deitschland, gfoigt vo je 3,3% aus Italien und Laid vom friaran Jugoslawien, 2,6% sand Tirkn und 4,8% kemman aus onnerne Stoutn).

Vawoitung[VE | Weakln]

Liachtnstoa gliaderscht se in ejf Gmoana, de auf de boadn Woikroas Unterlond und Owerlond vatoaet sand.

Floggn PLZ und Gmoanom Eiwohna
(30. Juni 2014)
Flächn
in km²
Orte
Woikroas Unterlond
Ruggell 9491 Ruggell 2108 7,4 Ruggell
Schellenberg 9488 Schellenberg 1050 3,5 Schellenberg
Gamprin 9487 Gampirn 1635 6,1 Gamprin
Bendern
Eschen 9492 Eschen 4341 10,3 Eschen
Nendeln
Mauren 9493 Mauren 4124 7,5 Mauren
Schaanwald
Woikroas Owerlond
Schaan 9494 Schaan 5964 26,8 Schaan
Planken 9498 Planken 421 5,3 Planken
Vaduz 9490 Vaduz 5391 17,3 Vaduz
Triesenberg 9497 Triesenberg 2620 29,8 Triesenberg, Masescha, Silum
Gaflei, Steg, Malbun
Triesen 9495 Triesen 4966 26,4 Triesen
Balzers 9496 Balzers 4595 19,7 Balzers
Mäls
Liachtnstoa Liachtnstoa 37132 160,4  

Im Netz[VE | Weakln]

Buidl[VE | Weakln]