Nutza:Luki/Gschicht vo de Aztekn
De Aztekn oda Azteken (vo Nahuatl aztecatl, boarisch eppa „jemand, wo aus Aztlán kimmt“) is a Sammebegriff fia mesoamerikanische Kuituan, de wo zwischn im 14. und im fruan 16. Joarhundat existiad hom. De Aztekn an sich hods nia gem, da Begriff is vü spoda entstandn. Waun ma heid vo de Aztekn red, daun moantd ma eigentli in Dreibund vo de Acolhua, de Mexica und de de Tepanekn .
Eanane Nam
[Werkeln | Am Gwëntext werkeln]De Mexi`ca (Mexica) und a de Acolhua`cana (Acolhua) owa a de Tepanekn san Olle relativ spat ins Toi vo Mexico eigwaundat. Se san, wia merare Aundare foa eana a, von Nuadn aus da Steppn kema. de domolign Kuituavöka hom de Zuaziagla olle Chichimekn (Hundsleid) ghoast. Ois owa scho machtig woan, homs anige Moi ena Gschicht vo eanana Heakunft vabessad, damid ma vagist das jo zeascht nua ois kuitualose Nockabatzal aufdaucht san.
De Acolhua hom se aufängli sogoa aus Otomi und Nahuatl redade Leid zaumgsezt. Und de Mexica hom se oiwei, bis zua schpanischn Eaobarung nua Mexica gnennd. Bevua dea Stodstoot Tenochtitlan den danebnligandn Bruadastoodstoot Tlateloco eaowat hod, hom se Bade Mexica gnennt. Owa das mas untascheidn hod kena woad de Oan de Tenocha und de Aundan de Tlatelolca. De Zwoa und a de Tepanekn hom Nahuatl (Nahua) , a Uto-Aztekische Schproch gred. Sogoa de Heaschafamüli dea Mexica hod se Colhua-Mexica , noch da gschichli agsegna Stod Colhuacan gnennt.
Wias zua den foischn Nam kema is
[Werkeln | Am Gwëntext werkeln]De Eaobarung vo Zentralmexico woa in de Joa 1519/21.
Bis eini ins 18. Joahundat woan in Mexico scho de Mestizn de Meran im Voik. Se san de Mischlingsnochkumman vo de Schpania und de Indianaweibal. Und de hom se söwa Mexikana gnennt. Da Jesuit Francisco Javier Clavijero (1731-1787) woa a intaressiada Mensch dea se um de Gschicht vo de Indiana kimmad hod. Und so hod a aa merana Sagn und Mythn keat. Darunta, vamuatli a de, das de Mexica uaschprüngli vo oan mythischn See und Oat Atzal ostauma soitn. Und do ea gmoand hod das faninftiga warad waun ma de Mexica itzt Aztekn nena dadat, damid mas ned oiwei mid de Mestizn fawextlt, de se jo Mexicanos gnennt hom.
Deswegn hod se ob da Höfte vom 18. Joahundat fia de moastn indegenan Eiwohna vo Zentreumexics da Naum Aztekn eibiagat.
Schau aa
[Werkeln | Am Gwëntext werkeln]Literadua
[Werkeln | Am Gwëntext werkeln]- Hans j. Prem: Die Azteken. 5. Auflage 2011, C.H.Beck, Minga. ISBN 978-3-406-45835-4
- Hanns.J.Prem. Geschichte Altamerikas, R. Oldenburg Verlag, München 2008. ISBN 978-3-486-53032-2
- Rudolf Pförtner/Nigel Davids. Alte Kulturen der neuen Welt. Econ Verlag, Wien 1980.
- Berthold Riese, Das Reich der Azteken- Geschichte und Kultur. C.H.Beck, München, 2011.ISBN 978-3-406-61400-2
Im Netz
[Werkeln | Am Gwëntext werkeln]Druckreife Vesion vo da Gschicht vo de Aztekn
- Iba 180 Artikl zua de Aztekn (:Kategorie im Mexiko-Lexikon)
- Literadua iwa de Azteken im Katalog vom Ibero-Amerikanisches Institut z Berlin
- Aztec Philosophy entry by James Maffie in the Internet Encyclopedia of Philosophy