Nutza Dischkrian:Weggatgroasta/Archiv2008

Fremdwoatregl

Griasde Weggatgroasta, du håst bai a boa Artikl, dé wo I gschrim hã, boarische Weata dé ausn Latain keman in d'hochdaidsche Schraibwais gendat und hîgschrim, dass dés nåch da Fremdwoatrögi wa. Fu dea håb I åwa nu nia wås ghead. Gibt's so wås då hearin iwahaupst schã?

Wai wãn ma a Fremdwoatrögi hãm, dãn wöche? Schraim ma latainische Weata so wia auf Hochdaidsch oda so wias fria im klassischn Latain woa oda wia's im jingan Latain im Mitlåita gschrim woan san, oda wia's im åidn Boarisch iwanuma und gschrim woan han, oda wia? Untaschaidst du zwischn Weata dé ausn Romanischn keman und schã 1500 Joa im Boarischn san und soichane dé ausn gschriwanen Latain in da "Renaissance"-Zaid iwanuma woan san? Und wia dama dãn mid frenzesische Weata und Italienische, dé jå nu fü schbéda kema san?

I schraib's oiwai fonetisch, so wia mia in insan Dialekt sång. Und dés gfåid ma söwa a am béssan. Wãns åwa a fabindliche Fremdwoatrögi gibt, dãn håid I mi natiali an dé. Es wa åwa intressant, dés zweascht amåi ausdischgrian, wia dé Rögi ausschaun soid. --El bes 18:55, 26. Jan. 2008 (CET)

P.S.: Sogoa dés Woat "Regl" is a Fremdwoat (lat. regula)! Und de Definizion fu Fremdwoat is im Dialekt a a ãndane wia auf Hochdaidsch, wai's im Boarischn an gãnzn Haufn Weata gibt, dé néd geamanisch han, sondan romanisch oda slawisch. --El bes 18:55, 26. Jan. 2008 (CET)

... stimmt scho - blos wia soij ma des händln mit Weata, de - wia z.B. Autor noch am Lemma "schrein"? Da miassat zmindest bis zum Vafossn von am soamm Lemma de "originale" Schreibweise geijtn, oda? Unn aa wenn's hiazt oans gschriem is, soijat des Lemma "original" bleim unn donn ko jo a jeda, wos ondas davoa setzn - z.B. Autor|Autoa oda hoijt glei a redirect zua Autor ...

A so a "Regl" homma, glab i, ziemli am Ofong irgandswo am Stammtisch obgstimmt ... --Weggatgroasta 13:13, 29. Jan. 2008 (CET)

I hob hiazt glei amoij an redirect vo Autoa zum Autor eigricht - wennst mogst, kunnst oiso de Eiträg entsprechand ändan ... --Weggatgroasta 17:49, 30. Jan. 2008 (CET)

Iabrigans: Regl is koa Fremtwoat mea, sundan a Lehnwoat ... ;-) --Weggatgroasta 18:59, 30. Jan. 2008 (CET)

Minga und Kristndum

Liawa Weggatgroasta, I faschde goa ned warum wéng deara Diskusion bai dia so a Frust aufkema is, dés find I schåd. Es gibt bai da boarischn Wikipedia kõa Diktatua fu iagend wém und wãn du umbedingt wüst, das dé zwoa Artikl auf dé fu dia prefariade Schraibwais gendat wean, kina ma dés gean måcha. Wãn åwa bai da Diskusionssaitn kõane guadn Argument schdengan, wiad oiwai wida wea aufdaucha, dea dés wida zruk endat. So is dés håid bai am Community-Brojekt.

Und iwahaupt gibt's eh schon zwoa Redirects fu München nåch Minga und fu Christentum nåch Kristndum. Oiso um's findn ged's ned.

I dad's schåd findn, wãn du zwéng deara Diskusion neama midmåcha woitast. Åwa es gibt e nu so an Haufn Themen wo's iwahaupt kõan Artikl driwa gibt, då kãnst di jå e austobn und so schraim, wia du mõanst, dass am gschaidan wa. I find es soid a jéda weakn und Artikl schraim und iwa a "Harmonisiarung" kina ma uns schbéda oiwai nu kumman. Dés mõan I mid organischn Wågsdum. Schdraidarain wéng da Schraibwais san echt unkonstruktif, fåi oim wãn si wea ãndana de Mia gmåcht håd an Artikl schraim und dés õanzige wås dé ãndan dazua zan sång hãm, is das eana de Schraibwais ned basst. --El bes 20:23, 16. Mai 2008 (CEST)

Mei liaba El bes, des kunnt hiazt à la Radio Eriwan geh: Im Prinzip host recht, oba ...

.. oba obwoij i jo duachaus Vaständnis fia dei Emanzipations- unn Purismusbstrebunga hob, unn des in da Ausanandasetzung wia a guats Soijz in da Suppn schätzn ko, wead i zwida, wenn a Ausanandasetzung im Kreis laft, obwoij de Argument in dem Foij olle dodrauf hiweisn, es amoij mit am echtn Münchna zvasuachn. Unn worum kennan du unn da Mucalexx net de Greißn afbringa unn dem IPla moij a Chance fia des Lemma gemn - zruckdrahn losst se oijs jo oiweij no. Oba dass in dera Sach a net-Münchna-Dialekt-Schreiba es bessa mochn dat oijs a ogeblich blos "modeana" Münchna-Schreiba, des leicht ma net ei unn des find scho oag hybrid .. unn, sei mei net bees, a leicht diktadorisch. Unn seijbst wenn blos modean - wia du o ondana Steij gonz richti schreibst, soij do a jeda schreim, wia eam da Schnobeij gwochsn is - Haptsach s'is boarisch. Unn des ko unn mog i dem IPla im Gengsotz zu eich net obsprecha. (Du host do da des Liadl posted - siegst du do net aa vielleicht a bissal a Ironie grod zua dera Problematik? ;-))

Des mim Christndum etc. hob i im Prinzip äh scho gsteckt, weij i in dem Foij deina Idee vom paralleijn Lafalossa vaschiadana Schreibweis zwoa skeptisch gengiaba steh, oba aa neamands zua Eisicht vo meine Argument zwinga ko unn wuij - aa wenns de mehran unn bessan san ... ;-)

Oba des guijt donn oba aa gwiss east recht fia den Münchna-IPla!

Mia gehts emn net dododrum, dass i mi duachsetz unn du meim Frust Rechnung trogn datst. S'dat ma vellig reichn, wann ma olle zsamm de boa Vaeibarunga, de ma droffn homn, meglichst tolerant eihoijtn. Unn donn mocht ma aa des seitnlonge Dischkrian nix aus ... ;-) --Weggatgroasta 01:44, 17. Mai 2008 (CEST)

Pluaralismus is oiwai guad und dés is dés easchde Måi, wo so a Diskusion aufkimt, said dém I då dabai bin. I kant mi an kõa Situazion earinan, wo I und da Mucalexx gemainsãm iwa dé Mainung fu iagend wém ãndan driwa gfoan wan. I faschde iwahaupt ned, auf wås si de Pauschalkritik beziagt?!? Es diktiad do neamt wém iagend wås, då hearin. --El bes 02:03, 17. Mai 2008 (CEST)

Donn schreib eam des vielleicht no a weng deitlicha ... ;-)

Des is jo offnboa koa junga Hupfa, dea se wos zsamm spinntisiat, sundan scheinz oana, dea se echt in da boarischn WP engaschian mechat. Wia hoasts so schee: De Freiheit vom Ondasdenkandn, is ...

Auf da Stommtisch-Seitn hob i dia do grod no an kloanan Impuijs gsetzt ... ;-)--Weggatgroasta 02:11, 17. Mai 2008 (CEST)

Zuaspruch unn Fettdruckts

Griasde Weggatgroasta, dua di ned so åwa wéng a bissl Edit-War. Mi dad's gfrain, wãnst ins waida dahåidn blaibst. --El bes 13:43, 31. Mai 2008 (CEST)

Märssi fia dein Zuaspruch, oba i ziag mi hiazt aus da boarischn WP zruck - des is a Oat von "Diskussion", de i ma ned länga gfoijn lossn ko, de i ma oba a ned afdrucka lossn wuij. Bislong is a no mid weniga Admins guad gonga, oba dea Liabhoba vo Voijksheijdn deaf dohearin oafoch z'long sein Kaas vazapfn, ohne dass eam a moij da Moasch blosn wead. Mid dia hot mas Dischkrian jenfoijs Spass gmocht - oiso nix fia unguad. Seas --Weggatgroasta 19:44, 1. Jun. 2008 (CEST)

Es bleibt am eh nix ãndas üwa åis dei Meinung z'respektian, åwa wås i a Katastrophn find, is, wãun uns weng ned amåi ana Hãndvoi frågwüadige Leid de ungefäa Hãndvoi valässliche Leid wegrennt. I håb am Ãufãng vu meina Zeid då aa bei Gott ka enzyklopädisches Zeig gschrim, åwa i bin in'd richtige Richtung umgleit woan. De ãndan "Najå-Leid" san aa ålle entweda schãu lãng nimma gseng oda bekeahd. Schlåf bittschee a påa Måi drüwa und reagia di vu mia aus måi gscheid å, åwa såg bloß ned, dass's des fia di gwesn sei soi – weng so am Schaaß (sorry). Måch's guad dawei, --i bin da Man77 und do kaunst mit mia redn 22:19, 1. Jun. 2008 (CEST)

Oiso I faschde ned wås då fia Bledsin ågrend is. I find's schåd wãn da Weggatgroasta wégga roast. --El bes 00:05, 2. Jun. 2008 (CEST)

Wegn mia brauchst sicha de boarische Wiki ned valossn. I hob nua oan Aspekt kritisiad, dazua stä i, oba ned di ois Peason und dei Gesamtleistung fia des Projekt. --Matthias Klostermayr 03:51, 2. Jun. 2008 (CEST)

Wos dia moane fremd is, Matthias Klostermayr, is da Umgangston do herin in da BAR. Mir san a recht gloana Kreis und kennan uns desweng den Luxus erlaum, dass ma reschpektvoi midnanda umgengan. Sei ma ned bees, owa a Gschicht, wo se's um Persönlichkeitsrechte handlt, de hätt diskreta ogsprocha gheart. Dodafia gebts de Funktion E-Mail an diesen Benutzer, wos Da vo Deina Wikipedia-Karriere wannst na oane host gwies ned neich sei derfad. Auf DE herrscht a recht rauhs Klima, mid Sichaheit oiss im Dienst vu da Qualität, wenn aa ned vo da zwischnmenschlichn... - Du werst vasteh wamma des do herin meglichst long NED so weid kemma lossn woijn. Mir san auf a guads Arbatsklima und a Zsamwerkln ogwiesn, weil des Projekt no ned so zementiat und iwalaffa is wia äitane Versiona. Dass am Newbie sei erschte Gehversuch in Sekundnbruchteil kommentarlos glescht wern und er/sie vorn Kopf gstessn werd, wia's auf DE Usus is, des werd do herin ned so leicht bassiern. Es lafft oisse WESNTLICH toleranta, vorsichtiga, höflicha und geduidiga o. Und i bi ganz persönlich sakrisch zfriedn mid dem Zuastand. --Libellulia 12:33, 4. Jun. 2008 (CEST)

Libellulia, dann les da biddschee amoi duach, wos i gschriem hob und wos ea gschriem hod und dann mecht i amoi wissen, wea si do welchn Umgangston gleistet hod! (Vo Kaschpal bis Droll!)

Persönlichkeitsrechte scheen und guad... und wos soi i do konkret valetzt hobn?? Obsotz?? Passage??

Und wann jemand so a ausgschamt exzessive Eignweabung mocht, dann kann ma davo ausgän, dass do herin eh a jeda woass, wos do gspuid wiad. Und si dann auf Peasenlichkeitsrechte beruafn, na jo... wui i gor ned kommentirn.

Oba sicha wead i do in Zukunft zeascht a E-Post schreim. --Matthias Klostermayr 20:49, 4. Jun. 2008 (CEST)

Kimmst da fia ois wann da koana zuahearn dad oda warum schreibst in Fettschrift? Sei ma ned bees, owa i vasteh langsam oiwei bessa warum da Weggatgroaste koa Geduid mid da ghabt hod. Fia Dei Handvoi Artikl nimmst de sejm ganz schee wichtig. Es bleibt dabei dass Du auf da Basis vo a purn Vamutung olle damalang vo Eingwerbung redst. Des is Valeumdung, wannstas so genau wissn wuist. Und i wer da jetzad ned a jede oanzlne Stej raussuacha, Du woast sejbad wost gschriem host. Wann uns da echte Mensch jetzad vaklong mechad, miassad ma am End no an Haffa Versionsleschunga macha und wer woas wia oft dassdas bis dohi no wiedahoit host. Und ob des Eingwerbung waar, wann's so waar, dass es oa und de sejbe Person is, des is noamoi a ganz andane Frog. De Rezensionen wern scheins aa in da DE valinkt. Wannst do herin "Hygiene" macha megst, schodads gwies ned wannst da den Betrieb zerschtamoi a Zeidl oschaugst. Wiari omm scho gsogt hob, de Zuaständ vo DE kennan ned direkt auf do herin iwatrong wern, weil a Untaschiad is zwischn a zwoajahring Dialektwiki mid 1600 Artikl und da zwoatgreßtn wejdweid. In da boarischn Wikipedia wo ma as Boarische pfleng woin, hod a boarischa Schriftstella hoid amoi a Relevanz, so siag i des. Warum bist Du do, zwengs am Dialekt oda zwengs am "zamramma"? --Libellulia 21:38, 4. Jun. 2008 (CEST)

Fettgschriem hob is des, wei du do oanfoch des mitn Umgangston aufn Kopf stäist. Und i bleib bei den Aussagen obn... Mea gibts dazu ned zum sogn. Und den Namen host du iatzt gnennt... und dann schnäi weglescht... auweia, iatzt kannst a no vaklogt weadn :) :) --Matthias Klostermayr 21:52, 4. Jun. 2008 (CEST)

Åwa a bissl gåa vüi Edits brauchst schãu, bis dass amåi oißig so dåstehd, dass'd zfriedn sei kãunst òó --i bin da Man77 und do kaunst mit mia redn 22:31, 4. Jun. 2008 (CEST)

Stimmt. I kanns hoid ned bessa. --Matthias Klostermayr 22:48, 4. Jun. 2008 (CEST)

Na hob i ja scheins an Nogl aufn Kopf droffa, Matthias Klostermayr, Du moanst Dia heart koana zua. Du vawechslst des owa mid da Tatsach, dass se de Leid wos duachlesn und trotzdem a eingne Meinung buin kennan und se ned andauand wiedahoin miassn. Ned dass do da Eidruck entsteht, i warad parteiisch: es hobts olle zwoa bis z'am gwissn Punkt recht, Du und da Weggatgroaste. Bis auf oans. I kenn an Weggatgroastn seid seim erschtn Edit do herin, und nia hoda ebbam gengiwa soara Kaschpaltheata aufgfiart wia Du. Unta Kaschpaltheata foit fia mi beispuisweis de Lattn Edit-Kommentare a la "ohne home.arcor". Sowos moani mid Umgangston aa, ned grod des wos in de Diskuseitn zum seng is, obwoi des aa scho weid entfeant vo stilvoi is. --Libellulia 22:49, 4. Jun. 2008 (CEST)

I tat jo nia sogn, dass i koana Fäila moch. I hob obn gschrim, dass i des nimma so mochn woit und hob des a dem El bes gsogt. Oba i hob schon des Gfui, dass du do sea parteiisch bist... und dia a nua an kloan Teil duachglesn host... wea hod do mid ana Hosslawine onfongt? I hob auf de Beschimpfungen mit Ironie reagiat, ned mea oda weniga. --Matthias Klostermayr 23:00, 4. Jun. 2008 (CEST)

Du. Und i hob den Dischkurs recht genau midglesn. Dei erschte Reaktion aufn Weggagrosdn sei Edit hobe scho ned vastandn, und daßde a so drauf eigschossn host, daß glei mein Beitrog in dem i di scho moi drauf aufmeaksam gmacht hob daß des ned so bassd (und ned unhefle sondan bestimmt), ausseglöscht host mid da Begründung i soit dein Hausfriedn ned störn, hod de koa bissl ned sypathischa gmachd. Du bist ja noch wia voa stua ohne End und koost imma no koan Nochweis füa dei Behauptung bringa. Ned da Beschuidigte muaß an Beweis bringa! D Kläga. Und wenns koa Hand und Fuaß hod, gheads ned do rei. (Ganz obgseng davo, daß d Mediawiki auf de Dialektwikis ned so guat zum sprecha is. So ebbs war a gsunds Fressn, de Wiki zuazmacha) S wead da aa aufgfoin sei, daß i de Admins Bescheid gem hob, daß glei in den Edit-War eigreiffa, dea se do auffebschwöat hod. S war ned dei Vadeanst, daß des aufghead hod, du hätts de Gspui locka uf olle Artikl vom Weggagroasdn ausdehnt. Drum sei jetzt Manns gnua, aufzhean mid dem Schmarrn. I siech ja immahin a Chance, daß d eisiegst, daß d an Fähla gmacht host. Leana duad ma am bestn aus Fähla - solang mas ned vagissd 84.151.90.232 23:36, 5. Jun. 2008 (CEST)

Wea hod iatzt des wieda afweamt??? Soi i oanfoch foische Behauptungen stehn lossn? I steh zu dem wos i gsogt hob und do gibts goa nix zruckznehman, Nulkommanix! Do is a koa Peasenlichkeitsrecht valetzt woan... hechstns meins, duach a Beschimpfungsorgie fum Weggatgroasta... Andast mochn schon, aus Fäilan leanan und bessa mochn, kloar.

Aufghead hob i schon noch mein easchtn Kommentar auf da Artikl-Disku-Seitn Matthias Klostermayr. Do scheinst wos iabasegn zhobn: Wiast auf meina Benutzer-Disku-Seitn Benutzer_Diskussion:Matthias_Klostermayr unta Absotz "Matthias Klostermayr" nochlesn konst, woit da Weggatgroasta jo unbedingt, dass i zu seinan Kommentarn (POV Bemeakungen zum Klostermayer Artikel und zu seinan Ausredn beim Roman-Collagn Artikl Diskussion:Roman-Collage) no amoi explizit Stellung nehman soit, drauf hod ea drängt. (Er hod nemlich glaabt, ea ko so a Biaschal gaunz oanfoch fertig mochn, ea braucht nua Schimpfn wia a Roarspotz und mi mid a poa POVs niedahaun. Do hod ea si ebn grindlich teischt. Und ea woa ned amoi Manns genug, si mid mia sochlich auseinanderzsetzn, ea hod sogoar de Libellulia um Huif gruafn und an ian Lokalpatriotismus appeliart, vgl. Benutzer_Diskussion:Libellulia, do foit an nix mea ein... schau oben ;) :).) So schauts aus und ned andast. I hett von mia aus nix mea weida gmocht, mia woar des Gschwurbl schon zbled.

Und i bin ned do, damid mi jemand sympathisch findt oda ned sympathisch findt, dea mi ned im Geringstn kennt, oda damit mia a Psychoanalytika/arin zuhead oda ned zuhead (dazua brauch i koa Enzyklopädie-Projekt), sondan um a poar Artikl z Schreim. Wann da Weggatgroasta ned so a greisliche Rezension auf der Artiklseitn Matthias Klostermayr einidrucken hett woin, hett mi sein Huldigungsartikl zum "Erfinder" des Roman-Collagn Genres und sei andas Zeigl ned im geringstn interessiat.

Und wann dea Birnkammer oda dea El bes zu mia sogn, i soit den Beweis antretn, dann wead i sofoat den Beweis antretn. Und wann se sogn i soit vaschwindn, dann wead i vaschwindn. Oba de wissen ganz genau, wos do gspuit woan is. Deswegn gibts ned den geringstn Anloss, do wos zum Beweisn. Und welche Antwoat dia dea Birnkammer fabian auf dein "Bescheid" gebn hod, konst jo do Benutzer_Diskussion:Birnkammer_fabian unter "Edit War" nochlesn...

Auf oans konst di an no valossn, wann i Zeit und Lust hob, wead i mia a no andere Artikl vom Weggatgroasta ganz genaua anschaun! "Mai hoidn!", ziagt bei mia ned. Dei Mai-hoidn Kommentar auf meiner Disku-Seitn woa a dea oanzige Grund, warum i des glescht hob. Sowas mog i grod ned... I mog des Baian fum Boarisch Hiasl, fum Haindling, fum Ringsgwandl & Co. oba ned des Schmoizzuckal-Baian fum Florian Silber..... und vo bigottn Religionslehran (Friede-Freude-Eierkuchen, ollas is guad, olle sa ma Freind, und so an Schas, wei des valogn is, des ko ma jo an dem Foi a learnen)... --Matthias Klostermayr 16:55, 7. Jun. 2008 (CEST)

Hui! jetzt host mas awa gem! Naa, du host scho recht, des mid m Mai hoitn war wiakle a weng z'hart, voa ollem weil ic des Gsatzl eigantle füa eich zwoa Streithansln ooglegt hob und nacha mid oam weidagmacht hob. Und i woit vahindan daß des grod a so weidagehd.

I woass zwar ned, wos du midm F. Silber... moanst, awa a Schmoizzuckabayern gibts ned. (Dawei foin ma Schmoiznudln ei, de hätte jetzd gean.-) Awa i gib da vollkommen recht, daß ma in da Wiki san zum Artikl schreim. Da Fabian is oana vo da bsonnana Soatn. Und d Libelulja is immahin aa a Admin, de iah Meinung zu dem Foi kund do hod, nacha soit damid a Ruah sei und Zeid füa a boor guade Artikl. Des konnst ja ausgezeichned. Und wenn bei am Artikl den du üwaarwadn mechst, ebbs bessas ois vorhea aussekimmt, nach nua zua. 84.151.86.245 18:05, 7. Jun. 2008 (CEST)