Oid-Weana Voikstheata
Des Oid-Weana Voikstheata (Alt-Wiener Volkstheater), aa Oid-Weana Voikskomedie, is a Weana Theatafuam vaum 19. Joahundat. Es hod si ausm barockn Haunswuascht entwicklt. In Hähepunkt hods in de Zaubaspü und Possn vaum Ferdinand Raimund und Johann Nestroy earreicht.
Charaktaristik
[Werkeln | Am Gwëntext werkeln]De wichtigstn Meakmole vom Oid-Weana Voikstheata san:
- Weanarisch ois Sproch
- Nemfiguan mit ana haundweaklich-klaabiagalichn oda baialichn Heakumft entwickln si zu Protagonistn
- zoireiche musikalische (Couplet, Quodlibet), dänzarische und meachnhofte Einlogn
- Stegreifspü (Extempore)
- Stoffe und Themen aus da Trivialliteratua oda aus Opern aus dera Zeit
- Oidogsbezogane Haundlung mit komischn, positivn, oft moralisiarendn End
Oatn
[Werkeln | Am Gwëntext werkeln]- Zaubastickl und Bessarungsstickl
- Zum Zaubastickl ghean s Feenmeachn, de Zaubapossn, de Zaubaoper, Rittapossn und Gspenstastickln. Es geht do zwoa aa um irdische Themen, owa de Wundawöd vau Feen, Geista, Zauwara und Nixn greift ins Lem auf da Eadn ein. Oft gehts um de Laitarung vo Menschn oda de Ealesung vo an Zauwabann. De Ausstottung vau de Zauwastickln is sea foamprächtig und prunkvoi.
- Parodie und Travestie
- In da Parodie wiad a lustiga Inhoid in a ernste Fuam vapockt. Bei da Travestie wiad a ernsta Stoff scheazhoft obghaundlt. Auf de Weis wiad da Weana Gsöschoft a Spiagl vuaghoidn.
- Lokalposse
- De Lokalposse is a deab-komisches Theatastickl mit lokalem Bezug.
Literatua
[Werkeln | Am Gwëntext werkeln]- Margret Dietrich: Hanswurst lebt noch. Verlag Das Bergland-Buch, Soizburg 1965.
- Jürgen Hein (Hg.): Parodien des Wiener Volkstheaters. Reclam, Stuttgart 1986, ISBN 3-15-008354-0.
- Jürgen Hein: Das Wiener Volkstheater. Wissenschaftliche Buchgesellschaft, Darmstadt 1997, ISBN 3-534-13593-8.