Oigmeine Stootslehr

Untasuchungsgegnstand vo da Oigmeina Stootslehre is da Stoot. Andas ois des Stootsrecht, des se voanehmle mit Frogn vom bestehandn Vafassungsrecht bschäftigt, nimmt eahm de Stootslehr mit seine historischn, politischn und rechtlichn Dimensionan in den Blick. Dobei werd koa Bezug aaf an bstimmtn Stootsvaband gnomma.

Des Akenntnisintaresse vo da Oigmeina Stootslehre bsteht dorin, duach a meaglichst umfassande intadisziplinäre wissnschoftliche Analyse, oagmeine Eisichtn iba des Wesn vom Stoot zum alanga. Ibaprüft wern rechtliche und politische Gmoasamkeitn, emso signifikante Untaschied. Gsuacht werd noch da stootsrechtlichn (innan) und veakarechtlichn (aißan) Definition vo am Stoot (Drei-Elemente-Lehre, seina stootlichn Souveränität und Legitimität, seine Entstehungs- und Untagangsgründ sowia Oat und Wesn vo seina Konstitution (Zentroilismus, Feadaralismus; vafassungsrechtle bstimmta Personoivaband und Gebietshearrschoftsvaband, seina Foam, da Stootsoghearekeit, da Trenning vo Kiach und Stoot u.v.m.

"De Stootslehr hot de Aafgob, de eignoatige Wirklekeit vo uns umgebanden stootlichn Lebns zum afoaschn. Sie wui den Stoot begreifn in seina gengwärtign Struktua und Funktion, sei gschichtlichs So-Gwornsei und seine Entwicklungstendenzn." - HERMANN HELLER. Stootslehr, S. 12

Heit tritt de theoretische Stootslehr meist unta da modernan Bezeichnung Stootstheorie aaf, dea ogwandte Teil is hauptsächle des vagleichande Vafassungsrecht. Da juristisch-politische Zweig vo da Stootnkund is de spezielle Stootslehr, de se mit de Eignheitn vo de oanzalna Stootn einst und jetzt bschäftigt.