Oyrareingir

Aus Wikipedia
Oyrareingir (heafuan) im Kollafjarðardalur.

Oyrareingir (dänisch Öreenge, boarisch weatli: Sondbonkwisna) is a Uatschoft af d Färöer om Ostgstod fo da Haptinsl Streymoy. Am 1. Jenna 2020 hods bei ana Flech fo 3,63 km2 45 Eiwohna ghob (Dichtn: 12,4 EW/km2). D Postleitzoi is FO-415, es ghead zua Tórshavna Kommune.

S Wuat Oyrareingir sted im Nominativ (und in da Meazoi), im Akkusativ sogg ma (á/av) Oyrareingir im Dativ sogg ma (í/úr) Oyrareingjum und im Genitiv sogg ma (til) Oyrareingja.

Eadkund[Werkeln | Am Gwëntext werkeln]

Oyrareingir ligg am End fom Fjord Kollafjørdur, im Kollafjarðardalur sidlich fo da Dalsá. D Nochbadeaffa hand im Nuadn und Westn Kollafjørður, im Ostn Signabøur, im Sidostn Kaldbaksbotnur. und im Sidwestn Skælingur. Da Uatskean fo Oyrareingir is a grejssana Bauanhof, dea wos im Westn fom Gmoagebiet ligg. A neichane Sidlung is Á Fløtum (Auf da Wisn), de hoib z Oyrareingir und hoib z Signabøur ghead. Weidas z Oyrareingir ghead a groussa Stoabruch mid Osfoitmischolog im Nemdoi Hundsarabotnur[1].

Hikemma duad ma auf Oyrareingir vom Nuadn oda Ostn iwa d Stroß 52 (Á Oyrareingum), de wos duachn Uat laffd. Fom Sidn nimb ma entweda d Stroß 10 fo Kaldbaksbotnur duachn Berg (Kollfjarðartunnilin) oda fo Tórshavn d Stroß 50 iwan Beag (Oyggjarvegur). A Fuasweg auf Kaldbaksbotnur is d Hórisgøta.

Gwassa[Werkeln | Am Gwëntext werkeln]

Da grejssde Fluss z Oyrareingir is d Dalsá (Doi-Achn), de wos s Kollafjarðardalur nochn Sidostn hi entwassad und da neadliche Grenzfluss z Kollafjørður is. Onane Bach, wos in Kollafjørður mindn, hand da westliche Grenzboch z Kollafjørður, d Hundsá (Hundsboch) mid d Tvøráirnar (zuakemade Bach), und d Hestá (Roosboch), d Tungá (Zungaboch), d Mataráin (Kochwossaboch), d Hórisgøtua (Hórisgøta-Boch), da Mosgil (Moosgrom), d Rygsá (Rucknboch) und d Triggjaráir (d drei Bach; fo deana da mittlane da Grenzboch z Signabøur is). D Skeiðsá (Scheidboch) ligg gonz im Sidn und rind om Sodl Hálsur owi auf Kaldbaksbotnur.

D Mindung fo da Dalsá, a kloans Delta, hoassd Oyrin (Sondbonk), des wos im Duaf in Nom gem hod.

Es bfindtn si zwoa kloane nomalouse Seen z Oyrareingir, in da Nachand fom Hálsur.

Beag[Werkeln | Am Gwëntext werkeln]

Zwoa Beag ling im Sidn fo Oyrareingir, da Stallur (Fejsfuasprung, 614 m) und da Skælingsfjall (Berg fo Skælingur, 767 m). Da Gipfi fom Skælingsfjall is owa um a Hoa ned aufm Uatsgebiet, da hejchste Punkt fo Oyrareingir is oiso 764 Meta iwan Mea. Friara hod ma glabb, ea wa da hejchste Beag fo de gonzn Färöer, wosa owa um 113 Meta ned is (Slættaratindur). D Schoatn zwischn dia Beag is d Stígaskarð (Steigschoatn, 461 m). D Schoatn zwischn Stallur und Sornfelli is d Skeiðsskarð (Scheidschoatn, 482 m), iwa de a Schodastroßn ins Skaelingura Doi Gjáarbotnur (Schluchtnbodn) fiad.

Gschicht[Werkeln | Am Gwëntext werkeln]

1584 hod ma Oyrareingir s eascht Moi uakundlich gnennd (im Jarðarbókin[2]), es is owa woascheindli nu ejta.

1992 is da 2.816 Meta longe Kollfjarðartunnilin featiggstejd wuan.[3]

Om 7. Meaz 2009 is a modeanna Industriehofn eingweichd wuan.

Bfejkarung[4][Werkeln | Am Gwëntext werkeln]


Bida fo Oyrareingir[Werkeln | Am Gwëntext werkeln]

Im Netz[Werkeln | Am Gwëntext werkeln]

Beleg[Werkeln | Am Gwëntext werkeln]

  1. https://www.landsverk.fo/fo-fo/soela/asfalt/voeruskra A Iwasicht fo Produktn aus Hundsarabotnur.
  2. http://history.fo/fileadmin/scan/1386/files/1342752385_830615402.pdf Jarðarbókin fo 1584 (auf da Seitn 47) (mittldänisch)
  3. https://hagstova.fo/fo/umhvorvi/samferdsla/tunlar Datn iwan Tunej.
  4. https://statbank.hagstova.fo/pxweb/fo/H2/H2__IB__IB01/fo_vit_md_t.px/ Hagstova Forøya: Bfejkarungszoina 1985 - 2020 (färöisch).