Paraphrase (Sprache)

Aus Wikipedia
Wexln zua: Navigation, Suach
Der Artikl is im Dialekt Obaboarisch gschrim worn.

A Paraphrase (griech. para = dozua, nemn unn fraseïn = ren, song) is a eakläarande, vadeitlichande Umschreibung von am Sochvahoijt oda Text mid ondane Woat.

S'gibt vuij feschdstengande Ausdrück mid dene si a Paraphrasn eileitn unn eakenna losst. Oana vo de bkonntestn Ausdrück is des hoaßt (d. h.). Beischbuij fiar a Paraphrasn is: De Ompeij is rod, des hoaßt koa Fuaßgänga deaf de Stroßn iabaquern.

Zitat wean oft duach a Paraphrasn obgschlossn unn detailliat, oda mit eigene Woat wiadagemn unn interpretiat. Fia Textanalysn steijts oft de easte Stufn doa. De Wiadahoijung vo Gheatm mid eingane Woat wead oft paraphrasian (houdeitsch: paraphrasieren) gnennt unn zum Beischbuij im medizinischn Sprochgbrauch vawendt.

De Interpretation oda Reflexion sowia as aktive Zuhean san vawondte Kommunikationstechnikn.

In da Antikn unn mittloijtalichn Houchschuijn woa de Paraphrasn a iablicha Bstonddeil wissnschoftlicha Gspräch. Beischbuij hiafia san Sokrates' oda de Platonische Dialog.

Wann se in da Literadua Autorn sea eng on a Buach von am ondan Autorn hoijtn - z.B. an Valauf oda/unn an Aufbau vo a Gschicht ledigli in a neie, unn deszweng leichta vaständliche Zeid vasetzn doa, unn dodobei as Buach in dem Sinn interpretian woijn, wias da uaspringlige Autor gmoant hom kunnt und scheinz seijm heit so schreim woijn dat - nennt ma des aa a Paraphrasn.

Sieg aa: Periphrase – Paraphrasierung – Plagiat – Antonomasie – Stuijmittl

Im Netz[VE | Weakln]