Poss Luag

Aus Wikipedia
(Weidagloadt vo Pass Lueg)
Der Artikl is im Dialekt Pongaurisch gschriem worn.
x
Poss Luag
Posshächn mid Hiwaistoufe
Posshächn mid Hiwaistoufe

Posshächn mid Hiwaistoufe

Himmesrichtung Nord Sid
Posshechn 552 m ü. A.
Bundeslond Soizburg
Toigmoana Golling Tenneck
Ausbau Soizachtoi Strouss (B 159)
Gebiag Honggebirg / Tennengebirg
Besonderheiten Toiposs
Koartn
Poss Luag (Österreich)
Poss Luag (Österreich)
Poss Luag
x
Koordinaten 47° 34′ 32″ N, 13° 11′ 41″ OKoordinaten: 47° 34′ 32″ N, 13° 11′ 41″ O

f

Da Poss Luag (Hochdeitsch: Pass Lueg) is a 552 m houcher Toiposs in d' Oipm an da Soizach im Soizburga Lond (Esterraich).

Geografie[Werkeln | Am Gwëntext werkeln]

Da Toiposs ligg sidlich vo Golling im klommoarting Durchbruch vo da Soizach durchs Honggebirg im Westn und am Tennengebirg im Ostn. Närdlich vom Poss ling de Strudllächer vo d' Soizachäfm. Da Ausdruck moat im Sprouchgebrauch sowoi d' Posshächn sejm im Speziejn, ois wia aa 'n gonzn Toiouschnit, vo d' Soizachäfm im Noadn bis zan Beginn vo da Klomm, baim oidn Fuar- und Flässerwirschtn Stengwoid.

Iwern Poss Luag valafft nur d' Soizachtoi Strouss (B 159). De is in d' friaran 1970er Jou no a Toae vo da berichtigtn Goustorwaiterruatn gween. De paralej za da B 159 valafferte Tauernautoboh firt weng da Eng vom hiasing Toistickai grossraimig durch Tunnejs; an Ofenauertunnej (1,3 km) und an Hiaflertunnej (2 km). Aa de Soizburg-Tiaroier-Boh, de Bohstreckn Soizburg-Bihofn und waider, firt nid iwer d' Posshächn sejm, sondern umforscht de mi'm Ofenauer Tunnej (940 m). An Rest vo da Soizachengstej nouch Sidn firts ower d' Soizach entlong und beglaitt d' B 159.

Gschicht[Werkeln | Am Gwëntext werkeln]

Schau aa unter: Struawer Sepp

As Struawer-Denkmoi am Poss Luag

Am Poss Luag hom se 1809 d' Soizburga Fraihaitskämpfer untam Schitznhauptmo Struawer Sepp erfoigraich d' franzejsch-boarischn Truppm widersetzt. As Erschzbistum Soizburg is ower decht vo d' Truppm vom Napoleon aignumma woun und da Struawer houd an Poss nouch'm Friadnsschluss am 20. Oktower iwergem.

Im Jou 1838 is am Poss a Kommhejm aus da spadern Bronzezeid gfundn woun.