Pazifik

Aus Wikipedia
Wexln zua: Navigation, Suach
Koartn
Hechnkoartn vom Pazifischen Ozean

Da Pazifik, aa Pazifische Ozean oda Stuia Ozean gnennt, is da grässde und diafste Ozean vo da Wejd.

Ea is vom Ferdinand Magellan ois "friedle - pazifis" gennt woan, wei da Ozean auf seina Roas so stui und ruahig wor. Es gibt oba afn Pazifik recht vui Wind und Stuam.

Da Pazifische Ozean is da grässde vu olle drei Ozeane (Pazifischer Ozean, Atlantischer Ozean, Indischer Ozean) und eastreckd si vum Noadn, vo de Aleuten, bis zua Antarktis (Sidpolarmeea) im Sidn, und im Westn de gonze ostasiatische Gstod, de sidostasiatischn Inslgruppn (Indonesien, Papua-Neuguinea) und de Ostgstod vo Australien entlong bis in Ostn, de gsomte Westgstod vom Amerikanischn Kontinent entlong.

Insgsomt arreicht a donn a Gesomtowaflächn vo 166,24 Millionen km² (mid de Nemmeeare sogoa 181,34 Milliona km²), wos umara 35% vo da gonzn Eadobaflächn ausmocht. Owa da Pazifik is ned neta da grässde sondan a da diafste Ozean vo da Wöd, und üwahaupt befindt se des diafste Loch vo da Eadn im Pazifik, des wos da Marianengrobn mid 11.034 Meta Diafn is.

Wirtschoftlich gseng is da Pazifische Ozean heit es wichtigste Gwassa, weil do de grässdn Hondlsvabindunga laffn (Nordamerika - Asien, Asien - Eiropa (iwan Panamakanai), haptsächlig ausglest duach de Position vo de ostasiatischn Stootn ois Billigproduktionslända, oiso ois Lända de wo si ideal fian Export eigna.

De Insln im Pazifik lossn si genarej in de drei Gebiet Mikronesien, Polynesien und Melanesien untateiln.

Im Netz[VE | Weakln]

 Commons: Pazifischa Ozean – Sammlung vo Buidl, Videos und Audiodateien