Punk

Aus Wikipedia
Wexln zua: Navigation, Suach

Punk, oder besser gsogt Punkrock, is a schnäie und musikalisch oafachere Oat vo Rockmusi, de um 1977 entstandn is. Ois erste erfolgreiche Punkbands gäidn bis heid d'Sex Pistols und d'Ramones. Punk zeichned se unter anderm duach seine meisdns recht polidischn Texte aus, de wia de ganze Punkszene allgemein weid im lingn Lager azumsiedln hand.

Zua Punkmusi ghert oba a des richtige Gwand, wia zum Beispui aufegrembbede, zrissne Hosen, Springerstiefe (meistens mid rode Schuabandl), obakemma ausschauade Hemada und Niadngiardl. Wos a richtiger Punk sa mecht, lost se a no an sauban Irokesenschnid afs Haubt zaubern.

Obwoi de Punkbewegung eigentle eher aus England und Amerika kimmt, gibts a in Deitschland und Bayern ned grod weng Punks und natürle a an Haufa Punkbands. De meisten hand eher regional oder zumindest da breidn Öffntlichkeit ned bekannt, es gibt oba a oi, des scha efter in d'Charts gschafft hamm und de desweng bei vui Punks als nimmer authentisch gäidn (Die Ärzte, Die Toten Hosen). Undaarten vom Punk hand zum Beispui da Ska-Punk oda da OI!-Punk.