Queaschnittsflächn

Plottnboikn-Queaschnitt mit Schweapunkt

De Flächn A [m²] (dt. Fläche) is a zwoadimensionäule Figua. De Queaschnittsflächn steht noamäu zua Längsaxn vo an Träga oda an sunstign dreidimensionäun Keapa.

$A=\int dA$

Bei an Rechteck is des Produkt aus de beidn Seitn, bei an Dreieck de Hööftn davau usw.

$A_{Rechteck}=a\cdot b$

$A_{Dreieck}={\frac {a\cdot b}{2}}$

Bei an zaumgsetzn Queaschnitt wia dea im Büüd, rechnet ma se zeascht de oanzlnan Flächn aus, de Gsaumtflächn is daun de Summan davau.

$A_{1}=a_{1}\cdot b_{1}$

$A_{2}=a_{2}\cdot b_{2}$

$A_{ges}=A_{1}+A_{2}$

Schweapunkt

Da Schweapunkt liagt bei ana rechteckadn Flächn genau in da Hööftn und bei ana dreieckadn im Drittlpunkt. Bei zaumgsetztn Flächn san de oanzlnan Flächn moi deran Schweapunktsohständ (bezogn auf a Hüüfskoordinotnsystem, wäu's eigantliche Koordinotnsystem geht daun duachn Schweapunkt) gleich groß wia de Gsaumtflächn moi ihm Gsaumtschweapunktsohstaund.

$A_{1}\cdot z_{s1}+A_{2}\cdot z_{s2}=A_{ges}\cdot z_{s}$

$z_{s}={\frac {A_{1}\cdot z_{s1}+A_{2}\cdot z_{s2}}{A_{ges}}}$

Oigmoa kau ma sogn:

$z_{s}={\frac {\int z\cdot dA}{\int dA}}$

Bei an oafoch symmetrischn Queaschnitt, wia bei dem Beispü, is des y_s genau in da Mittn, sunstn rechnast da des aa so aus:

$y_{s}={\frac {\int y\cdot dA}{\int dA}}$

Schau aa

• Statik
• Statisches Maument
• Trägheitsmaument
• Widastaundsmaument
• Trägheitsradius