Schwoatn

Aus Wikipedia
Zur Navigation springen Zur Suche springen
Der Artikl is im Dialekt Owaöstareichisch gschrim worn.
kochda Schbeg mid Schwoatn

Unta oana Schwoatn hod ma fria de behoade menschliche Kobfhaud oda a de Haud fu Ficha gnend. D Etimologi fu dem Woat is unbekaunt, owa im Mitloita hod sis schau gem ois 'swart[e] (mhd). Ungefea seid n 19. Joahundad wiad des Woat hauptsechlich fia d Haud fu Schwaindl fawent und in da iwadroganen Bedeitung fia a diks Buach, de fria oft in Schwainsleda aibundn woan.

D Schwoatn ois Lemsmitl[VE | Weakln]

Schwainsschwoatn wiad heit hauptsechlich zeascht zahexlt und daun zu Wuascht waida faoawat und is a de wichdigsde Basis zum Schelatin broduzian.

Diarekt essn kau ma a Schwoatn neta noch laungem kocha, wai s aso zach is, wau ma s brot oda aussabocht, damid si des Kolagen im Bindegeweb in Schelatin umwaundlt. D Schwoatn losst ma desweng neta auf Flaisch-Schdükin drau, de nocha aso behaundlt wean, oiso Schdözn, Bauchflaisch, bai n Schinkn, da Schwainsschuita und bai n Bradl (Schwainsbrodn).

Kochd oda gschmoad is d Schwoatn woach, bai n brodn oda bocha wiad s kunsbrig und ziagt si si recht zaum. Desweng soid ma s a foahea aischnein. Waun ma s nu amoi aufwamd wiad s wida hoat und zach. D Schwoatn de fum Schbeg iwablaibt kau ma ni fia an Aindopf oda a Sos auskocha, essn soid ma s owa ned.

Aundane Bedeitungen[VE | Weakln]

oide Biacha aibunden in Leda aus Schwainsschwoatn
aufgschdabite Hoizschwoatn in ana Sog
  • Aussahoib fu da Kuchi-Schbroch fawent ma s Woat "Schwoatn" seid n 17. Joahundat a fia a diks Buach, wai de Biacha domois maistns in Schwainsleda aibundn gwen han (Ledaschwoatn).
  • In da Medizin sogt ma a heit nu zu da Kobfhaud fum Mensch "Kobfschwoatn", analog zum englischn "scalp". Grose schlecht fawogsane Noam, foa oim baim Ripnfö wean in da Medizin a Schwoatn gnend.
  • Im Beagbau nend ma a schbeziele Foam fum Aisneaz ois Aisnschwoatn.
  • Bai n zasagin fu Bamschdem wean de easchdn Breda mid da Rindn drauf a Schwoatn ghoasn.