Semmeknedl

Aus Wikipedia
(Weidagloadt vo Semmelknödel)
Der Artikl is im Dialekt Obaboarisch gschriem worn.
Featig kochte Semmeknedl: Des greane is Bädasui, de braunan Stickal kemman vo da Semmekrustn

Fia Semmeknedl wean oidbachane Semmen in Scheim gschnittn, in Muich eigwoakt und zam mit am Oa, Zwiefe und Bädasui zu am Doag vararbat. Do draus wean na umara handgrouße Knedl draaht, de in hoassm owa ned kochadm Soizwossa gsiadd wean.

Vawendung[Werkeln | Am Gwëntext werkeln]

Semmeknedl san a typische Beilog in da boarischn Kuchl, beispuisweis zuaram Schweinsbronn, zuaram Gulasch oda mid Schwammal in Rahmsoß. Fia gressde Knedl wean iwabliemne, koide Semmeknedl in Scheimm gschnittn und mid Oa in da Pfann oobrodn. Essigknedl macht ma aa aus koide, in Scheim gschnittne Semmeknedl, do weans mid Essig, Ej, Soiz, Pfeffa und Zwiefe wiara Salod oogmacht.

Wann in an Knedldoag an no duachwoxana Speeg dazuakimmt, nacha redd ma vo Speegknedl oda aa Tirola Knedl. Speegknedl kemman in de Suppm oda wean ois Haptmoizeit mit Salod oda Sauakraut serviat. Wann stod Speeg Grammen (ausglossana Speck), dann sogtma Grammeknedl dazua.

Da behmische Bruada vo de Semmeknedl is da Serviettnknedl. Da Untaschiad is haptsechle, dass de Serviettnknedl inara Serviettn odaram Gschiatiache kocht wern, und dass a guada Tei Mehj im Knedldoag drinad sei ko. A bsundere Art san nocha die Brezgnknedl, de wean wiad Semmeknedl gmacht, oba hoit mit oidbachane Brezn.

„Semmelnknödeln“[Werkeln | Am Gwëntext werkeln]

So hoasst a berihmte Kabarettnumma vom Karl Valentin, wora da Liesl Karlstadt eakleat, warums Semmelnknödeln und ned Semmelknödel hoasst.

Im Netz[Werkeln | Am Gwëntext werkeln]