Doag

Aus Wikipedia
Wexln zua: Navigation, Suach
A Pizza-Doag

A Doag (dt.: Teig) is a Stoffmischung aus vaschiedanan Komponentn. De san moast Mej und Wossa oda Muich, Zugga, Soiz und so weida. Duach de Mischung vo festn und flissign Komponentn entstähd a foamboare Masse. Da Doag wead in da Regl oba ned roh gessn, sundan im Rohr bocha, im Pfandl mid Fett aussabocha oda in Wossa bzw. Dampf kocht.

Beschreibung[VE | Weakln]

Beim Doag wead duach des Mischn oda Riahn im Mej mid da Flissigkeid a Kleba freigsetzd. Je meahra ma an Doag riahd, desto bessa bappta. Miabe Sachan soidt ma deszweng nedt zstoark oda zlang riahn. Duach irgand a Middl kemman Luftblosn in den Doag. Des ko zum Beispui sei: gschlongs Oagload, Germ de gärt, Bachbuifa oda a Sauadoag. Beim Bacha vaändad dea Bapp vo dem Mej sei Struktua, wead fest und hoidt de Luftblosn, de se in da Hitzn no ausdehna, fest und wead daduach lockana. Ma duad, je noch dem wos ma draus macha mecht, a no gean a Fett in Doag, Nussn, drickads oda frischs Obst, dass a softiga oda siaßa wead.

As Doagal is ned ebban a weng a kloa grodna Doag, a so nennd ma a Gmisch aus Wossa, Muich oda Rahm und a weng am Mej, um a guade Soß zum Bindn.

Oartn[VE | Weakln]

Es gibd vaschiedane Oartn vo Doag. Eintein ko ma an Doag noch:

  • de Zuadodn: a schwaara Doag is oana mid vui Fett und Zugga; a leichta Doag hod nua a weng davo
  • da Lockarungsoart: Germ- oda Sauadoag
  • da Oart vo de Endeazeignis: Bladdldoag, Miabdoag, Broddoag, Kuchadoag, Schmandoag, Brezndoag und so weida

Im Netz[VE | Weakln]

 Commons: Doag – Sammlung vo Buidl, Videos und Audiodateien