Susanne Kiermayer

Susanne Kiermayer (geb. 22. Juli 1968 in Zwiesl) is a deitsche Spoatschützin, ihr greaßta Erfoig war da Gwinn vo da Suibamedaille bei de Olympische Spui 1996 im Doppetrap-Wettbewerb.

Karriere

Kiermayer is 1988 erstmois Deitsche Moastarin im Wurfscheimschiassn in da Disziplin Trap worn. Bis zu de Olympischn Sommaspui 1992 in Barcelona san de Wuaftaumwettbewerb fia Männa und Fraun gmeinsam austrong worn, ois danoch mit da Disziplin Doppetrap a eigana Fraunwettbewerb eigfiaht worn is, hot Kiermayers intanationoie Karriere ogfangt. Bei de Olympischn Sommaspui 1996 in Atlanta hot sie im Doppetrapp den zwoatn Plotz hinta da US-Amerikanerin Kim Rhode belegt. In de nachstn Joahr hot Kiermayer mehrfach de Europamoastaschaftn im Trap und Doppetrap gwonna. Bei de Olympische Spui 2000 is sie Fünfte im Trap und Neinte im Doppltrap worn. Vier Joahr spada is sie in Athen 2004 erneit Fünfte im Trap worn. 2008 is Kiermayer bei de Olympischn Sommaspui in Peking Achte im Trap worn. 2010 hot sie ois amtierande Europamoastarin ihre sportliche Karriere beendt. Kiermayer hot fia den WTC Bayerwoid und is insgsamt 14 moi Deitsche Moastarin. De glernte Hotelfachfrau hot se 1994 bei da Bundeswehr vapflichtet, um bessarne Trainingsmeaglichkeiten zum hom. Sie lebt in Kiachbeag im Woid. Ois Gsamtaktivnsprecharin war sie vui Joahr die Fiasprecharin vo da Nationoimannschaft und hot de Intaressn vo de Spitznspoatla vabandsintern vatretn, aba aa in weidare internationoie Gremien. Beim 56. Deitschn Schützndog in Lübeck-Travemünde is sie zua Vizepräsidentin vom Deutschn Schütznbund gwäjt worn. Ihre Aufgabn im Präsidium san da Spitznspoat, Anti-Doping und Behinatnspoat. Aa im Wötvaband fia Spoatschiassn, da International Shooting Sport Federation, is sie 8 Joahr lang im Athletnkommittee bis zua Beendigung ihra Spoatlakarriere fia de Belange vo de Schützn wötweit eitretn. De heachste nationoie Auszeichnung im Spoat, des Suibane Lorbeerblatt hot sie glei viermoa vom Bundespräsidentn valiehn kriagt.

Internationoie Medaillen

Oanzl

• Olympische Spui 1996 Suiba Doppltrap
• Wötcupfinale 1996 Suiba Doppltrap
• Europamoastaschaft 1996 Suiba Doppltrap und Brongse Trap
• Europamoastaschaft 1997 Suiba Trap
• Wötcupfinale 1997 Suiba Doppltrap
• Wötmoastaschaft 1998 Suiba Trap
• Europamoastaschaft 1998 Suiba Trap und Suiba Doppltrap
• Europamoastaschaft 1999 Goid Doppltrap
• Wötcupfinale 1999 Goid Doppltrap
• Europamoastaschaft 2000 Goid Doppltrap und Brongse Trap
• Europamoastaschaft 2001 Brongse Doppltrap
• Europamoastaschaft 2003 Brongse Doppltrap
• Europamoastaschaft 2004 Brongse Doppltrap
• Wötranglistnerste 2007 Trap
• Europamoastaschaft 2008 Goid Trap
• Europamoastaschaft 2010 Goid Trap

Mannschaft

• Wötmoastaschaft 1993 Suiba Trap
• Europamoastaschaft 1993 Brongse Trap
• Wötmoastaschaft 1994 Brongse Trap
• Europamoastaschaft 1994 Suiba Trap und Brongse Doppltrap
• Europamoastaschaft 1997 Goid Trap
• Wötmoastaschaft 1998 Brongse Doppltrap
• Europamoastaschaft 1999 Brongse Doppltrap
• Europamoastaschaft 2000 Suiba Trap
• Europamoastaschaft 2001 Suiba Doppltrap und Brongse Trap

Deitsche Moastaschaftn

• Trap: 1988, 1995, 2000, 2001
• Doppltrap: 1995, 1996, 1997, 1998, 1999, 2000, 2001, 2002