Taunton

Aus Wikipedia
Zur Navigation springen Zur Suche springen
Disambig-dark.svg Dea Artikl do bschreibd de Stod in England; wedare Bedeitunga schau: Taunton (Begriffsklearung).

51.015-3.1030555555556Koordinaten: 51° 1′ N, 3° 6′ W

Karte: Erde
marker
Taunton
Magnify-clip.png
Erde
Stodzentrum und Kriagsdenkmoi

Taunton is da Haptort und Vawoitungssiez vo da Grofschoft Somerset, England und gleizeidig Vawoitungssiez van Beziak Taunton Deane. Im Taunton-Deane-Toi gleng, wead da Ort vo den Higln vo de: Quantock Hills, Black Downs und Brendons umgem. Grindd is de Stod 710 van anglsäxischn Kini Ine grindd worn. Es wead owa vamuadd, doss es in da Näh scho voahea a britisch-remischs Doaf gem hod. Da Nam van Ort leitd se vo: Town on the river Tone oda Tone Town ob.

Taunton hod zamm mid sei Umlandgmoana 58.241 Eihwohna (Stond: 2001), wobei gmeß Schetzung vo 2002 af de Stod sejbsd 44.050 Eihwohna entfoin. Domid is se de gressde Stod vo Somerset.

Kuitua[VE | Weakln]

Zu de Sengswiadigkeitn vo da Stod ghean de "Almhouses" on da East Street, Castle, Mary Street Unitarian Chapel und de Kiach St Mary Magdalene in da Näh van Stodzentrum.

Taunton vafigd iwa a Theata und a Museum fia Stodgschicht, wos im ehemoiing Schloss untabrochd is.

Wiatschoft und Vakeah[VE | Weakln]

Bekonnd is Taunton fia sein druckane Cider dovo da Somerset Cider Brandy Company. Aussadem ghead's sengsweate King’s College Taunton om Stodrond zu de bestn britischn Privatintanate. Ois Haptort is de Stod nem Bridgwater aa da zentroie Eihkaffsort vo da Region. Es gibd duat on Wochnmoakt.

De Stod is Siez van United Kingdom Hydrographic Office.

Vakeahstechnisch is Taunton iwa de M5 (Wolverhampton/Birmingham-Bristol-Exeter) und de Eisnbohhaptstreckn vo London/Bristol noch Exeter/Penzance guad on an Rest van Land obundn. Z'dem is de Stod mid reglmeßing Linienbusse vo großn Zentren van Land eareichboa. De näxdn Vakeahsflughefn san de vo Bristol und Exeter.

Partnastädt[VE | Weakln]

Partnastädt vo Tauntons san: Königslutter in Deitschland und Lisieux in Frankreich.

Sunstigs[VE | Weakln]

Vo 1927 bis 1936 hod da Science-Fiction Autoa Arthur C. Clarke de Huish's Grammar School in Taunton bsuachd. Taunton spuid des Efdan a (Nem-)Roi in Literatua und Fuime. As is z. B. da Foi in Per Anhalter durch die Galaxis vo Douglas Adams oda britischn Comedy Serien wia: Monty Python’s Flying Circus ("historically, Taunton was always a part of Minehead"), Blackadder und Vic Reeves.

Berihmtheitn[VE | Weakln]

Im Netz[VE | Weakln]

 Commons: Taunton, Somerset – Sammlung vo Buidl, Videos und Audiodateien