Titze Feignkafää
Titze-Feigenkafää is a Kafää-Easotz gwesn, den wos in Linz heagstööt haum.
Gschicht[Werkeln | Am Gwëntext werkeln]
Da Hea Adolf Julius Titze hod 1868 in Rottenegg (St. Gotthard im Mühlkreis) de Fiama „Erste oberösterreichische Feigenkaffee-Fabrik“ grindt. Im Joa 1894 hod daunn sei Bua, da Julius Theodor Titze, min Bau von aana Fabrik in Linz augfaungt. 1895 hoda in Gewerbeschein fia de Eazeigung von Feignkafää kriagt. De Fabrik is daunn 1910 in a Adolf J. Titze Gesellschaft m. b. H. umbaut wuan, 1926 woas daunn a Akziengsööschoft, a Hauptaktionär woa daumois scho da Karl Franck. Da Linza Pöstlingbeag is zua Schutzmarke von dem Feignkafää wuan, den wos ob 1928 in so Wiafe-Paket vaklopft haum. Des Veakaufsbüro is in Wean gwesn, in da Mariahüüfastroßn 88, im Zitahof.
1971 san de Maaknrecht aun de Schweiza Fiama Nestlé gaungan.
Wos heit no bekaunnt is san de Reklam-Beigom, de in de Kafääpackln drin woan, ungefea sowos wia des Klumpat in da heitign „Iwaroschungs-Eia“.[1]
Maakn[Werkeln | Am Gwëntext werkeln]
De foigendn Maakn hoz gem:
- Titze Gold
- Titzes Echter Feigenkaffee
- Kaiser-Feigenkaffee[2]
Beleg[Werkeln | Am Gwëntext werkeln]
- ↑ Titze -Lindefiguren ogruafn am 8. Oktoba 2015
- ↑ Spurn von da Geschichte, Titze Kaiser-Feignkafää in de Beziaksblatln fia Tööfs vom 31. Jänna 2012 ogruafn am 8. Oktoba 2015