Vinschgau

Aus Wikipedia
Wexln zua: Navigation, Suach
Der Artikl is im Dialekt Sidtiroularisch gschrim worn.
Kloster Marienberg
Die Churburg

Dr Vinschgau oder Vintschgau isch a Toul im Westn von Sidtiroul und wert von dr Etsch durchflossn.

Es Etschtoul hoaßt lei zwischen Reschn und Naturns Vinschgau. Es Vinschgau werd in Ouber- Mittl- und Untervinschgau untertoalt, und iber di Grenzn losst sich streitn, a ob es Vinschgau bis noch Naturns geat oder bis af dr Töll oi (politisch und geografisch gsechn). Schlånders isch der Hauptort vom Vintschgau semm, sell isch di greaste Gmoa, und sem isch a es Gericht, es Kronknhaus, es uanzigste "Kino"...

Di greastn Derfer nebm Schlondersch sein Mols und Naturns.

Sechnswerts[VE | Weakln]

Im Vintschgau gibts a Haufn ounzuschaugn, z.B.:

  • die Churburg (Schluderns)
  • Glurns (uanzige Stod in Vinschgau, und nebmbei uane fa di klianstn Stadtln in di Olpm
  • Grauner Kirchturm
  • Kloster Marienberg (Burgeis)
  • MMM Museum vom Messner und seine Yak (Sulden)
  • Prokulus Kirchl (Naturns - di ältestn freskn in Deitschn Sprochraum....)
  • Schloss Juval (zwischen Kaschtlbell und Naturns ban ingong zan Schnolstol)
  • Wossafälle (Partschins)

und nu an haufn mear...

In Vinschgau und seine Seitntäler gibs 4 greasere Sean, di meistn wern drzua gnummen Stroum za mochn. Dr greaste sea isch dr Reschner stauseasea, wou a dr Bekonnte Grauner Kirchturm drinn steat, donn nit weit drunter isch dr Hoadersea dr uanzigste richtige natürliche Sea fa dia poor. In Martell gibs a an Stausea, wou ober vour a poor Johr a mol di schleiss gebrochn isch und an haufn Haiser... iberschwämmp hot. und dr leste greasere Sea in Vinschgau isch in Schnols drinn... dr Vrnoger Stausea, semm isches gleiche passiert wia in Graun, semm hobm si a a gonzes Dorf ogrissn um in Stausea za mochn, und in Winter wenn nit viel wosser drinn isch sigg men a no a bissl fa an Kirchturm...

Bsunderheitn[VE | Weakln]

Di Haubtspezialitet fa Vinschgau sein di gonzn Äpfl wou si mitn spruch: Vinschgau- natürlich gute Äpfel; werbm. Ober di Epflbauern sein nit di uanzigstn, wenn a di reichern Bauern, es gib decht nu a poor Bergbauern in Vinschgau. Dia es lebm nit goraso uanfoch hobm weil dr Vinschger Sunnenberg uaner fa di tricknstn toaler Italiens isch. Vor a poor hundert Johr, wennmen in Tol no nit lebm hot kennt, weil semm groastoals ols Sumpf und Mous wor hot men holt viel afn Berg gwohnt und um za an Wossa zakemmen hobm sich di Bauern an haufn Wole fa irgendwo in di Berg hergegrobm und ba de zui gibs haint di schianstn Wolweg, meistns afn Vinschger Sunnenberg. Haint za tog tian si mittlerweile olle, bis af a poor toale in Obervinschgau (af dr molser Hoad.....) mit Beregner wassern.

A ondere Bsunderheit fan Vinschgau isch dr tippische Vinschgerwind. In Vinschgau geat olm dr Wind meistns owärts und sell war dr Vinschgerwind, aufwerts sog men Unterwind. In Oberlond sein wegnen Vinschgerwind a an haufn bam schräg gwochsn, und vor a poor Jahrlen hobm si af dr Hoad 2 Windradln aufgstellt. (De si iat ober wieder obauen welln, weils hoast dasses es Londschoftsbild zrsteart)

Es gip die Pezeichnung Vinschger - Dialekt. Er isch ober net in gonzn Tol einheitlich. Je weiter "obm" man in Vinschgau isch desto sterker wert dr Dialekt, speziell in di hintern Talelen.... tippisch sein die Wertr „sui“ ('sie, Mehrzohl; ihnen) unt „dia“ (diese); „onni“ (hinüber) glongg pis zun Passeiertol. oft heart man in Ausdruck „a Readl“ (eine kurze Weile); „Zóch“ unt „Pfótt“ sein Monn unt Frau. „Pfróslen“ fir die Hagebuttn isch aa no nerdlich van Reschnposs in Verwendung. In obern Vinschgau sogg man zun Toal „dert“ (dort) gleich wia in oberinntol, in untern Vinschgau sogg man „zem", wias a in Meran Prauch isch.

Im Netz[VE | Weakln]

 Commons: Vinschgau – Oibum mit Buidl, Videos und Audiodateien