Voaspeis
A Voaspeis (dt.: Vorspeise, franz.: entrée) is a kloane Speis, de voa 'm Haptgricht vazeahd wead und de'n Appetit oreng und'n gressdn Hunga dempfn soi. Da Begriff Voaspeis kimmd aus da klassischn Speisnfoige. Ma untascheidd grob zwischn woamen und koidn Voaspeisn. Im klassischn Menü kimmd da easchte Gong aus da koidn Kuche, de woame Voaspeis, uaspringli 's Voaessn, stejd's Bindeglied zwischn Suppm und Fiisch- bzw. Haptgong.
Ois Voaspeis wean leichte, appetitorengde Grichte greichd. Haifig a kloana Salod oda a Toastbrod mid Fleisch- oda Fiischbelog, owa aa Terrinen und Pastetn. A Suppm stejd sowoi im klassischn ois aa im modeana Menü on eingna Gong doa, wead owa im weidan Sinn dennoch ofdmois ois Voaspeis bezeichnd.
De Bedeitung vo de Voaspeisn is in de internationaln Kuchen untaschiedli. In da franzesischn Kuche gibd's a meisd koids Hors d’œuvre, in da italienischn ofd meahrare Antipasti. De gleizeidige Vaobreichung vo ana großn Ozoih vo Voaspeisn in Spanien (Tapas) und in da Tiakei (Mezze) reichd duachaus za Sättigung ohne a draf foingds Haptgricht.
Es ko aa scho voa da Voaspeis zua Appetitoregung a Amuse-Gueule (aa: Amuse-Bouche oda Gruaß aus da Kuche gnennd) seaviad wean.