Spanien

Der Artikl is im Dialekt Obaboarisch gschrim worn.

Spanien España Reino de España
Flaggn Woppm
Amtssproch	Spanisch, Regionale Amtssprochn: Katalanisch, Galizisch, Baskisch
Haptstod	Madrid
Stootsform	parlamentarische Eabmonarchie
Stootsobahapt	Kini Felipe VI
Premierminista	Regiarungspresident Mariano Rajoy
Flächn	505.970 km² (50. Plotz)
Eihwohnazoi	46.439.864 (2015)
Bevejkarungsdichtn	92 Eihwohna pro km²
BIP	$27.074 pro Kopf
Hymne	Marcha Real
Wearung	Euro
Zeitzona	UTC+1 MEZ UTC+2 MESZ (Meaz - Oktoba) Kanarische Inseln: UTC±0 UTC+1 (Meaz bis Oktoba)
Kfz-Kennzeichn	E
Internet-TLD	.es
Vorwoi	+34

Felipe VI.

Mariano Rajoy

Spanien (amtli: Kinigreich Spanien, spanisch: Reino de España [ˈräino ð(e) esˈpaɲa]) is a Stoot im Sidwestn vo Eiropa af da Iberischn Hoibinsl. De Haptstod is Madrid.

Eadkunde

Im Westen grenzt Spanien on Portugal, im Noadn on Frankreich und on an Zwergstoot Andorra und gonz im Sidn hängt no de britische Kolonie Gibraltar dro. Zu Spanien ghern a no de zwoa Städt Ceuta und Melilla, wo aufm afrikanischn Kontinent lieng und on Marokko grenzn, de Balearn im Middlmeea und außadem de kanarischn Insln, wo im Atlantik voa da marokkanischn Gstod lieng.

Am Festland hods zwoa grouße Gebiag: d'Sierra Nevada im Sidn und d'Pireneen on da Grenz noch Frankreich. Da hechste Beag is da Mulhacén mid 3482 Meta, owa af Teneriffa in de Kanaren hots mim Pico de Teide (3718 m) no an hechan Gipfe. De wichtigsten Fliss han da Duero, da Tejo und da Ebro.

In da Middn vo Spanien is im Summa recht hoaß und drockn, im Ostn hods a tippisch Middlmeeaklima. An da Atlantikgstod ko's a amoi a weng kejta wern und in de Beag scheits im Winta aa.

Flora

De Vegetation vo da Iberischn Hoibinsl teit si in dreiß Bereiche af:

• Vegetation s feichtn Spanien: Oacha, Buacha
• Vegetation vom drockanen Spanien: immagreane Oacha (Stoaoacha, Korkoacha), Pinien und Poimen
• Vegetation vo de Gebiag je noch Hee: Stoaoacha, Korkoacha, Oacha, Edlkastanien, Wiesn, oipine Mogarasn

Intensiva Obau vo Kuituapflonzn eafordat Bewessarungstechnik.

Gresste Städt

De zehn gresstn Städt (Stond: 1. Jenna 2015)

Stod	Eihwohna
Madrid	3.141.991
Barcelona	1.604.555
Valencia	786.189
Sevilla	693.878
Saragossa	664.953
Málaga	569.130
Murcia	439.889
Palma	400.578
Las Palmas de Gran Canaria	379.766
Bilbao	345.141

Bevejkarung

Vo de guad 40 Milliona Eihwohna han katholisch, da Rest han ondare Christn, Moslems, Judn oda ham gor koa Religion. Fost oi redn spanisch, owa danem hods aa an Haffa ondare Sprochn: im Ostn katalanisch, im Basknland und in Navarra baskisch und im Noadwestn galizisch. Grad as katalanische is in letzta Zeid recht aufm Voamarsch und lest in Katalonien as spanische imma meah ois Vakeassproch aa.

De moastn Spanier lem heit in da Stod. De gresstn Städt san:

• Madrid (3.155.359 Eihwohna am 1.1. 2005)
• Barcelona (1.593.075)
• Valencia (796.549)
• Sevilla (704.154)
• Zaragoza (647.373)
• Málaga (558.287)

Bevejkarungsentwicklung

Joar	Tsd. Eihwohna	Joar	Tsd. Eihwohna	Joar	Tsd. Eihwohna	Joar	Tsd. Eihwohna	Joar	Tsd. Eihwohna
1998	39.852	2001	41.116	2004	43.197	2007	45.200	2010	46.951
1999	40.202	2002	41.837	2005	44.108	2008	46.063
2000	40.499	2003	42.717	2006	44.708	2009	46.661	2015	46.440

Sprochn

Sprochn z Spanien:

██ nur Kastilisch ██ Katalanisch ██ Baskisch ██ Galicisch ██ A Fala

██ Asturleonesisch ██ Extremadurisch ██ Aragonesisch ██ Aranesisch

Ausbroadung vo Sprochn af da iberischn Hoibinsl vom 13. bis zan 21. Joarhundat:

██ nur Kastilisch ██ Katalanisch ██ Aragonesisch ██ Baskisch

██ Asturleonesisch ██ Galicisch-Portugiesisch ██ Arabisch

In Spanien wead iwawiegnd Kastilisch (Spanisch), Katalanisch, Galicisch und Baskisch gredd. Kastilisch is im gsomtn Stootsgebiet Amtssproch. Katalanisch is in de Autonoman Gmoaschoftn Katalonien, Valencia (duatn ois Valencianischt) und af de Balearen, Baskisch im Basknland und Tein vo Navarra und Galicisch in Galicien nem Kastilisch emfois Amtssproch (lenguas co-oficiales). Im Val d’Aran hod Aranesisch, a Varietät vom Gascognischen, offiziejn Status.

Danem existian oanige Sprochn, wo nua no vo oana gringan Ozoi vo Menschn gredd wead und ned an Status vo oana Amtssproch ham. Dazua ghean Asturleonesisch und Aragonesisch. Im Jálama-Toi (Provinz Cáceres) on da portugiesischn Grenz, wead A Fala, a iwakommena Dialekt vo da galicisch-portugiesischn Sproch, gredd. In Melilla redd de masirische Mindaheit aa Tamazight.

Politik

Spanien is seit 1978 (neie Vafossung) a parlamentarische Monarchie. Da Titl vom Kini wead vaeabt. Da etzige Kini is da Felipe VI. Damit is a Stootsowahapt und Owabefejshowa vo da Armee.

De wichtigstn Partein in Spanien san de konservative Voikspartei (PP) und de Sozialistn (PSOE). Da Premierminista, wo vom Parlament gwejd werd, is etz da Mariano Rajoy vo da PP.

Spanien is in 17 autonome Regionen eiteit, so ähnli wia in Deitschland und Östareich de Bundeslända. S bsundare is owa, doss de Regionen in Spanien iare autonomen Rechte untaschiadli handham. Za de 17 Regiona keman no de zwoa Städt Ceuta und Melilla afm afrikanischn Kontinent, wo za koana Region ghern. De Regiona han wiedarum in Provinzen eiteit.

Noma vo da autonomen Region	Haptstod	Amtssprochn	Provinzn	Flächn (Otei)	Eihwohna 2005 (Otei)
Andalusien (spanisch Andalucía)	Sevilla	Spanisch	Almería, Cádiz, Córdoba, Granada, Huelva, Jaén, Málaga, Sevilla	87.268 km² (17,2%)	7.849.799 (17,8%)
Aragonien (spanisch Aragón, katalanisch Aragó)	Saragossa (span. Zaragoza)	Spanisch	Huesca, Teruel, Saragossa	47.719 km² (9,4%)	1.269.027 (2,9%)
Asturien (asturisch Asturies, spanisch Asturias)	Oviedo	Spanisch	Asturien	10.604 km² (2,1%)	1.076.635 (2,4%)
Balearische Inseln (katalanisch Illes Balears, spanisch Islas Baleares)	Palma de Mallorca	Spanisch, Katalanisch	Balearische Inseln	4.992 km² (1,0%)	983.131 (2,2%)
Baskenland (baskisch Euskadi, spanisch País Vasco)	Vitoria	Spanisch, Baskisch	Álava, Guipúzcoa, Vizcaya	7.234 km² (1,4%)	2.124.846 (4,8%)
Extremadura	Mérida	Spanisch	Badajoz, Cáceres	41.634 km² (8,2%)	1.083.879 (2,5%)
Galicien (galicisch Galiza oda Galicia, spanisch Galicia)	Santiago de Compostela	Spanisch, Galizisch	La Coruña, Lugo, Orense, Pontevedra	29.574 km² (5,8%)	2.762.198 (6,3%)
Kanarische Inseln (spanisch Islas Canarias)	Santa Cruz de Tenerife und Las Palmas de Gran Canaria	Spanisch	Santa Cruz de Tenerife, Las Palmas	7.447 km² (1,5%)	1.968.280 (4,5%)
Kantabrien (spanisch Cantabria)	Santander	Spanisch	Kantabrien	5.321 km² (1,0%)	542.275 (1,3%)
Kastilien-La Mancha (spanisch Castilla-La Mancha)	Toledo	Spanisch	Albacete, Ciudad Real, Cuenca, Guadalajara, Toledo	79.463 km² (15,7%)	1.894.667 (4,3%)
Kastilien-León (spanisch Castilla y León)	Valladolid	Spanisch	Ávila, Burgos, León, Palencia, Salamanca, Segovia, Soria, Valladolid, Zamora	94.223 km² (18,6%)	2.510.849 (5,7%)
Katalonien (katalanisch Catalunya, spanisch Cataluña)	Barcelona	Spanisch, Katalanisch, Aranesisch	Barcelona, Girona, Lleida, Tarragona	32.114 km² (6,3%)	6.506.440 (15,9%)
La Rioja	Logroño	Spanisch	La Rioja	5.045 km² (1,0%)	301.084 (0,7%)
Madrid (spanisch Comunidad de Madrid)	Madrid	Spanisch	Madrid	8.028 km² (1,6%)	5.964.143 (13,5%)
Murcia (spanisch Región de Murcia)	Murcia	Spanisch	Murcia	11.313 km² (2,2%)	1.335.792 (3,0%)
Navarra (baskisch Nafarroa)	Pamplona	Spanisch, Baskisch	Navarra	10.391 km² (2,1%)	593.472 (1,3%)
Valencia (valencianisch Comunitat Valenciana, spanisch Comunidad Valenciana)	Valencia	Spanisch, Valencianisch (Katalanisch)	Alicante, Castellón, Valencia	23.255 km² (4,6%)	4.692.449 (10,6%)
Noma vo da autonomen Stod
Ceuta		Spanisch		18,5 km²	75.276 (0,2%)
Melilla		Spanisch		20 km²	65.488 (0,1%)

Literatua

• Walther L. Bernecker (Hrsg.): Spanien-Handbuch. Geschichte und Gegenwart. Francke, Tübingen 2006, ISBN 3-8252-2827-4 (UTB 2827).
• Walther L. Bernecker (Hrsg.): Spanien heute. Politik - Wirtschaft - Kultur. 5. Auflage. Vervuert, Frankfurt am Main 2008, ISBN 3-86527-418-8.

Im Netz

•  Commons: Spanien – Sammlung vo Buidl, Videos und Audiodateien
•  Wikimedia-Atlas: Spanien – geografische und historische Koartn

Stootn in Eiropa

Albanien | Andorra | Bejgien | Bosnien-Herzegowina | Buigarien | Denemark² | Deitschland | Estland | Finnland | Frankreich² | Griachaland | Georgien | Holland² | Irland | Island | Italien² | Kasachstan¹ | Kosovo | Krowozien | Lettland | Liachtnstoa | Litaun | Luxnbuag | Malta | Mazedonien | Moldawien | Monaco | Montenegro | Norwegn² | Östareich | Poin | Portugal² | Rumänien | Russland¹ | San Marino | Schweden | Schweiz | Serbien | Slowakei | Slowenien | Spanien² | Tiakei¹ | Tschechei | Ukraine | Ungarn | Vaoanigts Kinireich (UK)² | Vatikanstod | Weißrussland

¹ Liegt zan gresstn Tei in Asien.  ² Hod aa Gebiete aussahoib vo Eiropa.

 

Mitgliedsstootn vo da Eiropäischn Union

Bejgien | Buigarien | Denemark | Deitschland | Estland | Finnland | Frankreich | Griachaland | Holland | Irland | Italien | Krowozien | Lettland | Litaun | Luxnbuag | Malta | Östareich | Poin | Portugal | Rumänien | Schweden | Slowakei | Slowenien | Spanien | Tschechei | Ungarn | Vaoanigts Kinireich (UK) | Zypan

 

Mitgliedstootn vo da OECD

Australien | Bejgien | Chile | Denemark | Deitschland | Finnland | Frankreich | Griachaland | Irland | Island | Israel | Italien | Japan | Kanada | Luxnbuag | Mexiko | Neiseeland | Holland | Norwegn | Östareich | Poin | Portugal | Schwedn | Schweiz | Sidkorea | Slowakei | Slowenien | Spanien | Tschechei | Tiakei | Ungarn | USA | Vaoanigts Kinireich (UK)