Wikipedia:Hoamseitn

Boarische WIKIPEDIA Griass di! Servus! Hawedere! in da boarischn Wikipedia mid 27.169 Artike. Des is de Wikipedia in Boarischa Sproch und in de boarischn Dialekt in Bayern, Esterreich, Sidtiroi.
Beschreibung • Description • Descripción • Description • Descrizione

A beriga Artike

De Spinnarin am Kreiz (Spinnerin am Kreuz) steht im 10.Hieb (Favoritn) aun da Triesta Stroßn, es is a oiz Woazeichn in an gotischn Stüü des a jeda kennt, der scho amoi durtn voabeikumman is, wauna in de Stod eine oda ausse hod miassn. Gwiß is, doss an dera Stöö scho vuam Joa 1446 a „Staananes Kreiz“ gstaundn is. Es kaunn oba weda de Grenz vom Weana Burgfriedn auzaagt haum, de is goa ned soweit gaugan, no de Grenz vom Weana Laundesgrichtssprengl, wäu dea wor weida draußt.

Woascheinlich is de Säun durtn gstaundn, wäu glei danem de Hiirichtungsstättn gwesn is... weida lesn (Artike af Weanarisch)

Hosd scho gwisst?

...dass Kreisl koa echt boarisches Wort ned is, aa ned Kroasl oda Krasl.
...dass af echt Boarisch dafia Dralla, Bea, Tranl, Woifal, damischa Hansl oda Drahdiwaberl hoasst.
...dass Drahdiwaberl vo "Drah di Waberl" kimmt, wos sovui wia "Drah di Barbara" moant.
...dass Drahdiwaberl aa a Kindaliad is, wo in Bayern a weng vaendat aa zan Woidjaga an Drahadanz gsunga wead.
...dass des jidische Drallaspui Dreidl vom oiddeitschn Drallaspui Toton hea kimmt.

A berigs Buidl

Dass de Pinguin danzn kina, hamma scho aus Hollywoodfuim gleant, z.B. in Happy Feet.

Oba kinan de Pinguin aa fliagn? Af dem Buidl schaugts ganz danoch aus. De Frog is nua wia de Landung ausschaug, wei afd Babbn fliagn ko unsaoana aa...