Gschaftlhuawa

Der Artikl is im Dialekt Weanarisch gschrim worn.

A Gschaftlhuawa (aa Gschaftlhuber) is ana dea iwatriem gschäftig duat, dea wos si imma und iwaroi wichtig mocht, si um ollas kümmat, ois zgleich mocht owa nix richtig. Da Gschaftlhuawa is des bairische Pendant zum preissischen Hans Dampf in oin Gossn und zum englischen Jack of all trades (and master of none), oisdann ana dea olle Gschaftln kennt owa kans beheascht.

S Wuat is a Zaumensetzung vo Gschaftl (Gschäft) und an Famüliennaumen Huber (vgl. Grantlhuawa).

Synonyme

Wichtigmocha, Betriebsnudl, Vareinsmeier

Obleitungen

Gschaftlhuawarei, gschaftlhuawarisch, gschaftlhuawan

Beispü

• Dea Gschaftlhuawa do mischt si iwaroi ei, drängt si imma in an Vuadagrund owa bringt nix weida.

Bsundaheitn

• De Liga der außergewöhnlichen Gschaftlhuber is a Partei, de in Rengsburg an Bezirksrot stöit (Parteichef Kevin Wilke).
• Anna Hilaria von Eckhel: Nanni Gschaftlhuber. Ein Wiener Roman. Bergstadt Verlag, Breslau 1928

Drucksochn

• Wolfgang Teuschl: Wiener Dialekt-Lexikon. 2. Auflage. Schwarzer, Purkersdorf 1994, ISBN 3-900392-05-6.

Schaug aa

• Dorftrottel
• Suderer
• Bixlmadam
• Grantla
• Seichal

Externe Links

• österreichisch.net Gschaftlhuber obgruafn am 7. Mai 2009