Grantla

Der Artikl is im Dialekt Weanarisch gschrim worn.

Da Deanstmo Aloisius Hingerl (Wand im Hofbräuhaus)

Da Grantla, aa Grantler is a mürrischa, owa im Heazn guadmiatiga Mensch. Ana dea gean grantlt, dea imma unzufriedn is, schimpft, schlecht aufglegt und zänkisch is. Des Wuat kummt vo grennen, wos murrn, brumman und knurrn haßt.

Noch Bayern oda Österreich Zuagroaste fiachtn an Grantla. Da Grantla is owa im Untaschied zum Suderer (Raunza, Nörgler) - dem ma nia nix Recht mochn kaun - durchaus sympathisch und wiad in da Kunst und in de Medien gean doargstöd. Archetypische Grantla san zan Beispü da Alois Hingerl (Ein Münchner im Himmel vom Ludwig Thoma) und da Mundl (A echta Weana geht net unta).

Variantn

• Grantlhuaba (Grantlhuber)
• Grantscheam (Grantscherben)

Beispü fia bekaunte Grantla

• Karl Valentin is da bayerische Archetyp vo an Grantla
• Ernst Happel ana vo de berühmtestn östarreichischn Fuassboitraina.
• Arthur Schopenhauer, da philosophische Grantla
• Da Mundl aus der Serie "A echta Weana geht net unta" is a typischa Weana Grantla.
• Da Schauspüla Walter Sedlmayr woa a berühmta Doastölla vo bairischn Grantlan.
• De Figuan vum Kabarettistn Gerhard Polt san meistns typische Grantla.
• Alois Hingerl, de Hauptfigua in "Ein Münchner im Himmel" von Ludwig Thoma

Schaug aa

• Dorftrottel
• Seichal
• Suderer
• Bixlmadam
• Gschaftlhuawa

Im Netz

BR-Online üba Grantla