Krimmö

Aus Wikipedia

Krimmö Krimml
Basisdatn
Bundeslånd:	Såizburg
Politischa Bezirk:	Zöi am See (ZE)
Flächn:	169,21 km²
Koordinatn:	Koordinaten: 47° 13' N, 12° 10' O 47° 13' N, 12° 10' O
Hechn:	1067 m ü. A.
Eiwohna:	876 (31. Dez. 2005)
Bevökarungsdichtn:	5 Eiwohna pro km²
Sunstige Datn
Postleitzoi:	5743
Vurwoi:	06564
Gmoakennziffa:	50 607
NUTS-Region:	AT322
Gmoavawoitung:	Oberkrimml 37, 5743 Krimml
Webseitn:	www.krimml.at
Politik
Burgamasta:	Erich Czerny (ÖVP)
Gmoarot: (2004)	7 ÖVP, 5 SPÖ, 1 ÜWK (Überparteiliche Wählergemeinschaft Krimml)
Log vo da Gmoand Krimmö
Krimmö vom Wossafoi aus gsechn

Krimmö is a hibsch a kloana Oscht an owastn Pinzgau an Soizburgischn, direkt a da Grenz za Nordtiroi (Gerlos und Züaschtoi), Südtiroi (Ahrntoi) und Osttiroi. Krimmö kescht owa zan Bezirk Zö (Zell am See) und so redn die Krimmöa, do gibs koan Zweifö nit, Pinzgarisch, owa a Variante, de scho a bissl as Tiroarischi umigeht.

Krimmö lig 1.076 m iwan Mee und hotr hibsch an Bekanntheitsgrod weng die Wassafoi, di wos circa 400 Meter hoch sand. Die Krimmöa Ochn rinnt ausm Ochentoi ausa und foid an Krimmöa Kessl oi. In Krimmö wohnand knopp 900 Leit, und weis an Summa attraktiv zan Wondern und an Winta a schneesichas Schigebiet is, kemman a oiwei a haufn Gest, die meran aus Deitschlond, Hollond und aus onderi Eschta in Esterreich.

Iwan Gerlosposs, kimb ma heit oafoch auf Nordtiroi umi, noch Süd- und Osttiroi kumma va da Krimmö aus hekstns umige (wos owa a sein Reiz hot).

Um Krimmö umadum rogn 30 Dreitausnda a`d Hech, und Krimmö kescht naturgemäß zan Nationalpark Hochi Tauan. Krimmö toid si auf a di Hochkrimmö, wo si des Schigebiet befind, des seit a nedla Jo za da Schiarena Züaschtoi kescht und wo hisch oani Gest ean Zweitwohnsitz homb. Des eigntlichi Dorf weascht a di Unta- und a di Owakrimmö toid, Stroßnnom und Pletz brauchts an an so an kloan Oscht oft noand nid.

Aus da Krimmö kemman oanige wichtigi Leit, da bekonnteste is sicha da Franz Innerhofer, a Schriftstöa, dea si traut hot, des Klischee va nan romantischn Bergbauanlebn a bissl z`relativieren, wei ois is an nit oiwei guat g´wesen und a dia oa hombs sicha nit leicht kob a den Mileu. A zweita hibsch umtoananda Krimmöa is da Anton Woinna gwesn, dea si mit die Tiroia an Widerstond geng an Napoleon und dem seini boairschn G´sön zòm tu hot. Owa des is hibsch long her. An drittn Krimmö hots a da esterreichischn Politik gem, da Geisler Simon is a Nationalratsobeordneter gwesn.