Maria Augusta Trapp
De Maria Augusta Trapp, geborene Kutschera, geboan am 26. Jenna 1905 in Wearn gstoam am 28. März 1987 in Morrisville, Vermont, USA) is a US-amerikanische Sängarin und Schriftstellarin vu österreichischa Heakunft gwesn.
Sie is a Waisnkind gweng. Und speda zu den Nonnen ins Klosda gsteckt word'n.
1926 hot se den Witwer Baron Georg Trapp (1880-1947) kennaglernt und se um seine sieben Gschrappen recht sche kümmat. 1927 ist donn de Hochzeit gwesen. Zwoa Dirdln hots donn kriegt.
De Famülie is amoi sehr reich gwesen. Oba donn hab's im Neinzehnneinazwanzga Joar olles Göd verlorn, wia de Börsn in Boch obigonangen is. Und so hab'n hoit zum Singa angfangen und söba Musi gmocht, um a bissal a Göd zum vadina.
1938 is de Famülie noch Amerika ausgwandat, wei de Nazis in Österreich einmarschiert sand. A Joar drauf woar'n die Trapps komplett, mit dem oanzigen gemeinsamen Buam.
Im Zweitn Wödkriag hobn da Rupert und da Werner eirucka miaßn. Dawei hab'n se de ondan Famülienmitglida um de Leit in Europa mit die Care-Packerln kiammat. Anfoch is dös net gwesen, oba se hob'ns dapockt. Mit da Singarei is dös Göd fia de Famülie vadient woard'n. De Trapps hob'n net nua auf Deitsch, sondan a auf Englisch gsunga und san so beim Publikum imma bekonnta gwoardn.
Lauta oida Voiksliadln und Kiarchnlida, um dös in da Wöt bekannt zu moch'n. Dem Publikum hod des voi daugt.
Da Rupert und da Werner sand späda wida gsund aus'n Kriag zruckkeman.
In de Neinzehnfuchzagjoar san anige von de "Kinda" in die Mission noch Fischi gogan und hob'n doart dö Leit dös Singa beibrocht. A auf da Logde (dem Haisl) in Vermont, is domois und wiard a heit nu, fia und mit de Leit gsunga.
D' Maria is in da Familie imma "Gustl" gnannt worden, um net mit ihra Stiaftochta da Maria vawöchset z'werdn.
1947 is da Georg auf dem Wohnsitz, da Logde in Vermont, gstorbn und die Kinda hobn de Familie valossn.
Da Maria Augusta is 1987 gstorbn.
Anige von de Kinda leb'n heit nu.
Inhoitsvazeichnis |
Kinda vom Georg aus da erstn und da zweitn Ehe [dro werkln]
| Name | Geburtsdatum | Todesdatum | Anmerkungen |
|---|---|---|---|
| Rupert von Trapp | 1 November 1911 | 22 Feba 1992 | hot 1) 1947 de Henriette Lajoie gheiratet und später 2) de Janice Tyre (1920-1996) und hot Kinda ghobt(zwoa Buam und fia Diandln von da erstn Frau) |
| Agathe von Trapp | 12 März 1913 | orbeitet ois Sängerin und Künstlerin, lebt in Baltimore, Maryland, hot koana Kinda | |
| Maria Franziska von Trapp | 28 August 1914 | orbeitet ois Sängerin und Missionarin in Papua Neuguinea, lebt in Vermont, hot koana Kinda | |
| Werner von Trapp | 21 Dezember 1915 | 11 Oktober 2007 | hot 1948 de Erika Klambauer (de is 1921 geborn und lebt nu) gheiratet und Kinder ghobt (fia Buam und zwoa Diandln) |
| Hedwig von Trapp | 28 Juli 1917 | 14 September 1972 | hot als Lehrerin goarbeitet, in Österreich glebt, is an Asthma gstorbn und liegt auf dem Friedhof von da Logde begrobn |
| Johanna von Trapp | 7 September 1919 | 25 November 1994 | hot 1948 den Ernst Florian Winter (der wos 1923 geborn is und nun lebt) geheiratet und Kinder ghobt (drei Buam - oana is mit Onfogn Zwanzig gstorbm - und fia Diandln) |
| Martina von Trapp | 17 Feba 1921 | 25 Feba 1951 | hat 1949 den Jean Dupiere (der is gstorbn voar 1998) gheiratet, ist kurz nach der Geburt ihrer Tochter Notburga (*/+ 25.02. 1951) an den Folgen fo oan Kaisaschnitt gstorbn und liegt auf dem Friedhof von da Logde begrobn |
| Rosemarie von Trapp | 8 Feba 1929 | orbeitet ois Sängerin und Missionarin in Papua Neuguinea, lebt in Vermont, hot koana Kinda | |
| Eleonore von Trapp | 14 Mai 1931 | hot 1954 den Hugh David Campbell gheiratet und hot Kinder (sieben Diandln), sie lebt mit ihrer Famülie in Waitsfield (Vermont) | |
| Johannes von Trapp | 17 Jenna 1939 | hot 1969 de Lynne Peterson geheiratet und hot Kinder (oan Buam und oa Diandl ) |
Auszeichnungen [dro werkln]
- 1949 Benemerenti Medal ois Anerkennung fia iah Hüifsprogramm fia notleidnde Östareicha (vum Papst Pius im Zwöftn)
- 1952 Aufnahm ois Mitglied vom Heiligen Grab
- 1956 Katholische Mutter des Jahres in de USA
- 1957 Goldenes Ehrenzeichen für Verdienste um die Republik Österreich durch'n Untarichtsminista Heinrich Drimmel
- 1967 Österreichisches Ehrenkreuz für Kunst und Wissenschaft I. Klasse durch'n Untarichtsminista Theodor Piffl-Percevic
D'Trapp-Familie hod am 29. Septemba 2007 in Braunau am Inn in Egon Ranshofen-Wertheimer Preis gkriagt.
Quön in Foam von a boar Biachaln [dro werkln]
William Anderson/Davide Wade, The World of the Trapp Family, 1998
Ulrike Kammerhofer-Aggermann (Hrsg.), The Sound of Music zwischen Mythos und Marketing, 2000
Maria Augusta von Trapp, Vom Kloster zum Welterfolg, 1949
dies., Von Welterfolg zu Welterfolg, 1959
dies., Gestern, heute, immerdar, 1960
Irmgard Wöhrl (Hrsg.), The Sound of cooking, 2007
Quön in Foam von an Weblink [dro werkln]
| Personendaten | |
|---|---|
| NAMA | Trapp, Maria Augusta |
| ALTERNATIVNAMEN | Kutschera, Maria Augusta, von Trapp, Maria Augusta |
| KURZBESCHREIBUNG | US-amerikanische Sängerin und Schriftstellerin österreichischer Herkunft |
| GEBURTSDATUM | 26. Jenna 1905 |
| GEBURTSORT | Wien |
| STERBEDATUM | 28. März 1987 |
| STERBEORT | Morrisville, Vermont, USA |
