Osaka

Der Artikl is im Dialekt Såizkãmmaguadlarisch gschrim worn.

A Blick auf Osaka

Ōsaka (jap. 大阪市, -shi) is mid 2,6 Millionen Eiwohna nåch Tokio und Yokohama de drittgreßte Stådt vo Japan. Osaka liegt im Westn vo da japanischn Hauptinsl Honshū aun da Mündung vom Fluss Yodo. Mid de ca. 17,5 Mio. Eiwohna im Ballungsgebiet Kansai (um Ōsaka, Kioto und Kobe) büdt Osaka oane vo de greßtn Metropolregionen von da gaunzn Wöd und innahoib von Japans an Gegnpol zum Kantō-Gebiet um Tokio.

De Stådt is des traditionelle Haundlszentrum vo Japan und heid oans vo de wichtigstn Industriezentren, Osaka hod a an Håfn. S'oide Stådtzentrum vo Ōsaka um Shinsaibashi liegt im Südn, s'nördliche Zentrum håd owa mea Gschäfte und Einkaufsmöglichkeitn.

De Einwohna vo Ōsaka redn an japanischen Dialekt, dea wos Ōsaka-ben hoaßt. Ōsaka is a nu ois „Küch vo Japan“ und fia seine Manzai bekaunt.

Bürgermeister vo Ōsaka is seidn Dezemba 2007 da Kunio Hiramatsu.

Stådtgliedarung

Ōsaka is in 24 Stådtbeziak (区, -ku) eiteid:

Abeno-ku Asahi-ku Chūō-ku Fukushima-ku Higashinari-ku Higashisumiyoshi-ku Higashiyodogawa-ku Hirano-ku Ikuno-ku Joto-ku Kita-ku Konohana-ku

Minato-ku Miyakojima-ku Naniwa-ku Nishi-ku Nishinari-ku Nishiyodogawa-ku Suminoe-ku Sumiyoshi-ku Taisho-ku Tennoji-ku Tsurumi-ku Yodogawa-ku

• 

  Burg vo Ōsaka

• 

  Sumiyoshi-Taisha

• 

  A Blick aufn Fluss

• 

  Sky Building in Umeda

• 

  Pagode am Shitennō-ji

• 

  Umeda

• 

  Stådthalle Nakanoshima

• 

  Da 'Tower of Life' im Tsurumi-Ryokuchi Park

Städtepatnaschåftn

Osaka hod åcht offizielle Patnastädt:

• USA: San Francisco
• BRA: São Paulo
• USA: Chicago
• CHN: Shanghai
• AUS: Melbourne
• RUS: St. Petersburg
• ITA: Mailand
• DE: Hamburg

Weblinks

Commons: Ōsaka – Buidl, Videos und/oda Audiodatein

• Offizielle Hompeidsch (engl., jap., frz., chin., kor.)
• Osaka Guide