Speis
| Der Artikl is im Dialekt Weanarisch gschrim worn. |
A Speis is a klaana Raum, dea wos ois Vuarotskauma fia Speisn und Drangln gnutzt wiad.
Meistns is de Speis a Nemraum vo da Kuchl, se kaun owa a im Kölla plaziat sei. A Speis hot Regale, Kistn und Behöta zum Logan vo Lemsmittl und Drangln.
Vua da Moakteifiahrung vom Kühschraunk und vo da Gfriatruchn hod praktisch a jeds Haus a Speis ghobt, wei des fia de Vuarotshoitung lemswichtig woa. Heit san Speiskauman wieda a wengal meah gfrogt. Zum aan, zweng da Nostalgie und zum aundan zwegn da Vuarotshoitung fia Krisnzeitn.[1]
Inhoitsvazeichnis |
Planung und Bautechnik [dro werkln]
A Speis wiad in da Regl auf da Noadseitn vom Haus eigricht, weu so de Wäamestrohlung duach de Sun vahindat wiad. A Vuarotskauma soi meglichst dunkl sein und konstante Temperatuan aufweisen. Hoche Regale suagn fia de entsprechendn Stöflächn.[2] Aus praktischn Gründn is de Speisekauma a Nemraum vo da Kuchl oda si wean im Kölla eigricht. A modeane Speis hod zmindast no an Ventilator eibaut, maungmoi a Klimatechnik.
Wos glogad wiad [dro werkln]
Tradionö [dro werkln]
- Blechkonseavn
- Eimochglasln
- Derrobst
- Eadäpfen, Hüsnfrüchte, Äpfen
- Soiz, Zucka, Möh, Kafää
- Trocknate Schwammal, Kraita usw.
- Gsöchts Fleisch: Schinkn, Speck und graichate Wuascht
- Schmoiz, Essig und Öi
- In a Sur einglegts Fleisch (pökln)
- Eigsaiats Gemüse, vo oim Sauakraut
- Drangln: Wein, Most, Bier, Saftln
Modean [dro werkln]
- Ois wos in de Gfriatruchn passt
- Konservn olla Oat
- Drangln olla Oat
Literadua [dro werkln]
- Hildegard Rust: Praktische Vorratshaltung zu Hause. Gefrieren, Haltbarmachen, Lagern. Ratgeber Haushalt, Knürr Verlag, 4. Auflage, 2008. ISBN 3928432176
