Ö3

Aus Wikipedia
Der Artikl is im Dialekt Ostmittlboarisch gschriem worn.
As Sendestudio vo Ö3

Da Ö3, aa Hitradio Ö3, is a östareichischa Radiosenda und as dritte Heafunkprogramm vom ORF. Ea is der am meistn ghuachte Radiosenda vo Östareich, da Programmchef is da Georg Spatt. Ö3 is am Foamat Contemporary Hit Radio zuazoadnen.

Genaröö[Werkeln | Am Gwëntext werkeln]

Hitradio Ö3 spüüt Hits aus de Ochzga, de Neinzga und de aktuöön Hits vo heit. Außadem san a maunchmoi ötare Rockklassika zum hean. Hitradio Ö3 hot mit an Moaktauntäu vo iwa 40% in greßtn Hurchauntäu in Östareich. Da Ö3 is in Östareich, Sidtiroi und in a boa Täu vo de Aunrainastootn zum empfaungan.

Gschicht[Werkeln | Am Gwëntext werkeln]

Ö3 is s easchte Moi am 1. Oktoba 1967 iwan Ätha gongan. Zudem hod Ö3 an in Austropop gfördat.

Seit 1977 sendt Ö3 rund um di Ua und seit n Joar 1984 san olle Musiktitl digital oogspeichat.

Im Joar 1996 is Ö3 in a reins Foamatradio umgwondlt wuan, de Kultua und es oitanative Programm wead seitdem Ö1 und FM4 iwalossn. Außadem is Ö3 ausn ORF-Funkhaus auszogn und hod seitdem a neichs Studio in da Argentiniastrossn.

Ö3-Programmcheefs[Werkeln | Am Gwëntext werkeln]

  • 1967: Hermann Egger & Ernst Grissemann
  • 1979: Rudi Klausnitzer
  • 1987: Dieter Dorner
  • 1991: Edgar Böhm
  • 1994: Bogdan Roscic
  • 2002: Georg Spatt

Infoamationssendungen[Werkeln | Am Gwëntext werkeln]

Ö3-Nochrichtn[Werkeln | Am Gwëntext werkeln]

Jede volle Stund kumman de Ö3-Nochrichtn, außadem gibs vo 05:00 - 09:00 Uhr und vo 16:00 - 19:00 Uhr de Ö3-Schlogzäun.

Ö3-Wetter[Werkeln | Am Gwëntext werkeln]

Jede volle Stund noch de Ö3-Nochrichtn kummz Ö3-Weda.

Ö3-Vakeahrssöavis[Werkeln | Am Gwëntext werkeln]

Jede hoiwe Stund kummt des Ö3-Vakeahrssöavis, außadem gibz a Untabrechungean, z. B. bei Geistafoaramödungen. Vo 05:00 bis 19:00 Uhr eafoigt de Modaration vo de Vakeahrsredaktöör (am Wochnende vo 06:00 bis 19:00 Uhr).

Aktuölle Sendungan (Auswoi)[Werkeln | Am Gwëntext werkeln]

Ö3-Wecka[Werkeln | Am Gwëntext werkeln]

Da Ö3-Wecka is de meistghuachtaste Sendung vo Ö3 mit ca. 2 Milionen Heara. Ea läuft ollawäu vo Mondog bis Freidog vo fümfe bis neine. Es gibt im Ö3-Wecka a vüü Informaziaun und a de Ö3-Comedy wie z. B. Der Ö3-Callboy" (Gernot Kulis) und da Ö3-Mikromann (Tom Walek). De Moderatorn von da Sendung san deazeit da Robert Kratky und da Philipp Hansa. Ihnan stehgan da Sigi Fink, da Daniel Schrott und de Carmen Schüssling (Meteorologen) sowia de Sandra König und de Lisa Hotwagner (Verkehrsredakteure) ois Moderatorn zur Seitn. Bis Februar 2015 is die Sendung a vom Andi Knoll moderiert wordn, sei Nachfolger is da Philipp Hansa.

Die besten 40[Werkeln | Am Gwëntext werkeln]

Seitn August 2013 gibz auf Ö3 oiwäu von Mondog bis Freidog von sibane bis zehne aufd Nocht fümf vaschiedane Chartshows min Titl Die besten 40. Am Montag wean die Ö3-Onlinecharts vo da Susi Zuschmann präsentiat. Am Diensdog spüüt da Thomas Filzer in da Sendung Ö3 US-Charts de in da USA am meistn gspüütn, kauftn oda obeglodanan Songs, vatretungsweis aa modariat vo da Susi Zuschmann. Am Mittwoch werdn die Ö3 Euro Top40 vo da Sheyda Kharrazi oda da Verena Kicker moderiert, und am Dunnasdog spüüt da Senda in de Ö3-Hörercharts, modariat vo da Verena Kicker oda da Lisa Hotwagner, de von de Ö3-Höra meistgwunschanan Songs von da ganzn Wochn. Am Freidog werdn in da Sendung Ö3 Austria Top 40 mid da Elke Rock de 40 meistvakauftn Hits vo Österreichs gschpüüt.

Frühstück bei mir[Werkeln | Am Gwëntext werkeln]

Des Frühstück bei mir rennt am Sunndog vo neine bis ööfe Vurmiddog und wiad von da Claudia Stöckl modariat, dee dabei aa bekaunnte Peasönlichkeitn intawiut. In de Semster-, in de Oster- und im August in de Sommerferien lafft statt "Frühstück bei mir" "Walek wandert", wo da Tom Walek mit Prominente in Österreichische Wandergebiet wandern geht.

Ö3-Dabei[Werkeln | Am Gwëntext werkeln]

Ö3-Dabei rennt am Sunndog vo viere bis siebane aufd Nocht und wiad vo da Susi Zuschmann modariat.

Ö3-Drivetime-Show[Werkeln | Am Gwëntext werkeln]

De Ö3-Drivetime-Show rennt vo Mondog bis Freidog von viere bis siebane, modariat von'm Philipp Hansa und da Olivia Peter. Die Sendung is so ähnlich wa Ö3-Dabei.

Ö3 Frag das ganze Land[Werkeln | Am Gwëntext werkeln]

Frag das ganze Land is am Samsdog von viere bis siebane aufd Nocht. Des is de Ö3 Communityshow mit da Gabi Hiller und'm Philipp Hansa. Da schüüdan Ö3-Heara eanare Probleme, und dazua gibz daunn a Voting von de andan, wos de dazua maanan.

Treffpunkt Ö3[Werkeln | Am Gwëntext werkeln]

Da Treffpunkt Ö3 rennt von Mondog bis Dunnasdog vo zehne aufd Nochd bis Mittanocht. Do spüüns hauptsächlich aktölle Liadln. Modarian tan de Sylvia Graf und da Thomas Kamenar.

Forchers Friday Music Club[Werkeln | Am Gwëntext werkeln]

Da Forchers Friday Music Club rennt am Freidog aufd Nocht vo zehne bis zwööfe und is a unmodariate Sendung. De Playlist wiad vom Eberhard Forcher erstöd und is auf da Homepage vom Sendna nochzlesn.

Ö3 Solid Gold[Werkeln | Am Gwëntext werkeln]

Ö3 Solid Gold rennt imma am Sunndog vo sieme bis zehne aufd Nocht und wiad vom Eberhard Forcher modariat. Gspüüd wean do hauptsächlich ötare Klassika aus die 80er und 90er, manchmal a aus die 70er.

Ö3 Steanstundn[Werkeln | Am Gwëntext werkeln]

Die Ö3 Steanstundn is am Sunndog vo zehne bis zwööfe aufd Nacht und wiad vo da Sylvia Graf modariat und de Gerda Rogers schaut fia Hera, de wos an sowas glaum, in de Stean. Gelegentlich moderiert a da Thomas Kamenar und de Olivia Peter.

Ö3-Wunschnocht[Werkeln | Am Gwëntext werkeln]

Die Ö3-Wunschnocht rennt aktuell wegn "Generation... What?" vo eins auf'd Nocht bis fümfe in der Fruah (am Wochnend sogoa bis sexe), se hod im Aprüü 2014 de Ö3-Musiknacht easetzt. Do wean nur Musikwinsch vo de Hera gspüüd und somid wia aa de fixe Playlist og'ändat.

Ö3-Musikshow[Werkeln | Am Gwëntext werkeln]

Die Ö3-Musikshow is Mondog bis Freidog von Middog bis viere nochmittag. Es präsentian da Benny Hörtnagl und gelegentlich da Thomas Filzer eftas Intawius mit Staas und valosen Tickets fia Konzerte.

De aktuelln Ö3-Moderatorn und eanare Sendungen[Werkeln | Am Gwëntext werkeln]

Moderator regelmäßig moderiade Sendung/en gelegentlich moderiade Sendung/en
Tarek Adamski Ö3-Wunschnacht Ö3 Austria Top 40
Kati Bellowitsch Ö3-Vormittagsshow Radio Holiday
Thomas Filzer Ö3 Austria Top 40, Ö3 US-Charts Ö3-Wunschnacht, Ö3-Musikshow, Ö3-Supersamstag, Ö3-Wochenendplaylist, Ö3-Drivetimeshow, Der Song deines Lebens - Die Stunde der Top 1000
Sigi Fink Ö3-Wecker (Wetter, Co-Moderation)
Eberhard Forcher Ö3 Solid Gold, Forchers Friday Music Club (unmoderiert, Playlist)
Mariella Gittler Ö3-Wunschnacht
Sylvia Graf Ö3-Sternstunden Ö3-Dabei, Ö3-Drivetimeshow, Ö3-Wochenendplaylist, Ö3 Solid Gold, Radio Holiday
Philipp Hansa Ö3-Wecker, Ö3 Frag das ganze Land, Ö3-Drivetime-Show
Gabi Hiller Ö3 Frag das ganze Land, Ö3-Weihnachtswunder
Michael Heininger Moderiert bei Ö3 nur in Vertretungsfällen
Thomas Hochwarter moderiert hauptsächlich auf Radio Burgenland Moderiert bei Ö3 nur in Vertretungsfällen
Philipp Luther Ö3-Wunschnacht
Benny Hörtnagl Ö3-Musikshow Radio Holiday, Ö3 Solid Gold
Lisa Hotwagner Ö3-Wecker (Verkehrsservice, Co-Moderation) Ö3-Wochenendplaylist, Ö3 US-Charts
Thomas Kamenar Ö3-Supersamstag, Ö3 NU STUFF Ö3-Sternstunden, Ö3-Musikshow, Ö3 Solid Gold, Ö3-Drivetimeshow, Guten Morgen am Sonntag
Sheyda Kharrazi Ö3-Dabei, Ö3-Wochenendplaylist, Ö3 NU STUFF Ö3-Wunschnacht, Radio Holiday, Ö3 US-Charts, Ö3-Vormittagsshow, Ö3-Drivetimeshow
Verena Kicker Ö3-Wochenendplaylist, Ö3 Top 12 bis 12, Ö3-Hitnacht Ö3 Hauptabendshow, Ö3x
Andi Knoll Ö3-Vormittagsshow, Ö3-Weihnachtswunder Radio Holiday, Ö3 Solid Gold
Sandra König Ö3-Wecker (Verkehrsservice, Co-Moderation), Ö3-Wochenendplaylist, Ö3-Supersamstag Guten Morgen am Sonntag, Ö3-Drivetimeshow
Robert Kratky Ö3-Wecker, Ö3-Weihnachtswunder
Christina Pausch Ö3-Wunschnacht Ö3-Wochenendplaylist, Ö3-Dabei
Olivia Peter Ö3-Drivetime-Show Ö3-Sternstunden
Elke Rock aktuell Karenz
Gerda Rogers Ö3-Sternstunden (Co-Moderation)
Martina Rupp Guten Morgen am Sonntag
Tobi Schmidhammer Ö3-Wunschnacht
Daniel Schrott Ö3-Wecker (Wetter, Co-Moderation)
Carmen Schüssling Ö3-Wecker (Wetter, Co-Moderation)
Claudia Stöckl Ö3 Frühstück bei mir
Susi Zuschmann Ö3-Dabei, Der Song deines Lebens - Die Stunde der Top 1000 Ö3-Wunschnacht, Ö3 US-Charts,

Ö3-Eignvaaunstoitungan[Werkeln | Am Gwëntext werkeln]

Hitradio Ö3 organisiad jealich 150 Events, de vo da Eventmarketingobtäulung vom Senda durchgfiad wean. Di Palettn reicht doo von Freiluftvaaunstoitungan bis zua Privatkonzeat, Discos, Clubbings, ezetara.

Ö3-Disco[Werkeln | Am Gwëntext werkeln]

De Ö3-Disco wiad seid 20 Joa in Vaaunstoitungshoin, Zöttn und Diskothekn duachgfiat, wo de Ö3-DJs des Musikaungebot vom Senda spüün. De Ö3-Disco wiad aanzln buucht und kummt je noch Teaminvaeinboarung zum jewäulign Vaaunstoitungsurt.

Ö3-Privatkonzeat[Werkeln | Am Gwëntext werkeln]

Fias Ö3-Privatkonzeat wean intanationäule Topstaars wia z. B. Bryan Adams oda Juanes noch Estarreich brocht. Si spüün daunn in an intiman Rohman vo vielleicht 200 Zuhera. Fia Koatn kau ma si auf da Intanetseitn vom Senda aumödn. Weitare Koatn wean in vaschiedane Gwinnspüü valost.

Im Netz[Werkeln | Am Gwëntext werkeln]