Bahnstreck Plattling-Boarisch Eisnstoa

Links dazuafiang
Aus Wikipedia

De Bahnstreck Plattling-Boarisch Eisnstoa, aa Boarische Woidbahn gnennt, is a Hauptbahn in Bayern. Sie vabindt den zentraln Boarischn Woid um Reng und Zwiesl oanaseits mit Plattling und dem Doanatoi, andaraseits iba Boarisch Eisnstoi mit Tschechien. In Plattling trifft`s mit da Fernbahnstreck Nürnberg-Rengschburg-Bossa (KBS 880) und da Nahvakehrsstreck in Richtung Landshuat und Minga (KBS 931) zamma. In Boarisch Eisnstoa geht's in de Bahnstreck noch Pilsn und Prag iba.

Gschicht[Werkeln | Am Gwëntext werkeln]

Nochdem Plattling bereits seit 1860 an Bahnhof bsessn hot und sechs Joahr spada a Stichbahn noch Deggndorf baut worn is, hot da boarische Staat ab 1867 erste Studien fia a Eisnbahnvabindung vo Plattlingiba Deggndorf, Reng und Zwiesl zua beamischn Grenz zua Feadarung vo da Wirtschoft im Boarischn Woid entwicklt. Da boarisch-eastareichische Staatsvatrog vom 21. Juni 1851 hot neba de scho vawirklichtn Bahnoschliss noch Beahma in Furth i. Woid und in Bossa aa in Eisnstoa a Vabindung mit dem beamischn Eisnbahnnetz voa. De Eisnbahn Pilsn-Priesn(-Komotau) war bereit, ihra Streck Pilsn-Dux bis zua Grenz bei Eisnstoa zu valängarn. Aaf de Initiative vo manche eartliche Perseanlichkeitn hot de AG vo de Boarischn Ostbahnen mit da boarischn Konzession vom 25. Novemba 1872 de Genehmigung zum Bau vo da Bahnstreck. De ihr scho am 3. August 1869 erteilte Konzession zum Bau vo ana Streck vo Straubing noch Cham hot de Ostbahn doraufhi vafoin lassn. Scho 1873 ham de Voaorbatn an da nein Streck begonna. De Findung vo ana geeignatn Trass war duach den Aafstieg vo da Doanain den Boarischn Woid und de erfordaliche Querung vuia Täla außaordantlich aafwende und hot hohe Baukostn bei mäßiga Rentabilität vasprocha. Andaraseits hot ma se domit aba bei ana bessarn Obindung vo da nein Streck ab Plattling weida duach des Isardoi noch Minga a lukrative Vabindung mit Beahma vasprocha. 1874 hot mit dem Bau begonna wern kenna.

Strecknbau[Werkeln | Am Gwëntext werkeln]

Im Bahnhof Plattlingzweigt de Streck vo da Hauptbahn Rengschburg-Bossa noch Nordn noch Deggndorf ob und ibaquert do de Doana. Dozua is da Plattlinga Bahnhof noch Westn vaschom und nei baut worn. De do seit dem 1. März 1866 betriebne private 8,7 km lange Deggndorf-Plattlinga Giatabahn is obbrocha worn. Ihre zwoa 2/2 kuppetn und 1866 vo Maffei gliefatn Tendalokomotivn mit dem Nama Deggndorfund Boarischa Woidhot de Boarische Staatsbahn ois DII Nr. 1176 und 1177 ibanomma. Sie hot olle zwoa Maschina im Joahr 1895 ausgmustart. Fia den Aafstieg vo Deggndorf (320 m ü.NN) aaf de Heahn vo Gotteszell (600 m ü.NN) san vo Obaingenieur Badhauser zwoa Strecknvariantn ibapriaft worn: a direkte Vabindung iba Hirschbeag mit ana Steigung vo 20 ‰ und oane duach 9,794 km kianstliche Strecknvalängarung deitlich flachare, wejche nua a Steigung vo 12,5 ‰ aafgwiesn hot. Letztare is trotz heahare Baukostn aafgrund vom langfriste gianstigaran und schnellarn Betrieb mittls ana doppetn Kehrschleifn zwischn Obakandlboch und Grafling und dem Tunnl bei Ulrichsbeag realisiert worn. An de Bauorbatn fie den Strecknobschnitt warn teilweis bis zu 4.000 Orbata beteiligt. De im weitarn Strecknvalauf liegande Täla san mit ana langa Bruckn oda duach lange und hohe Dämme ibaquert worn. Nochstehand de wichtigstn Kunstbautn vo da Streck:

  • Doanabruck bei Deggndorf, Läng 365 m
  • Kochlbochdamm bei Grafling, Läng 390 m, 44 m hoch
  • Kühbeagkehrtunnl bei Ulrichsbeag, Läng 476 m
  • Hochbühltunnl bei Gotteszell, Läng 569 m
  • Zachnbeaga Eischnitt bei Zachnbeag, Läng 397 m, 29 m tiaf
  • Ohebruck bei Reng, Läng 308 m, 48 m hoch
  • Rengbruckbei Reng, Läng 114m, 25 m hoch
  • Rengbruck bei Schweinhütt, Läng 70 m, 19 m hoch
  • Rengbruckbei Zwiesl, Läng 135 m, 14 m hoch
  • Deffernikbruck bei Ludwigsthal, Läng 102 m, 30 m hoch

De Ohebruck is knapp hinta da Bahnbruck Königswart (Heah 50 m, Läng 279 m) bei Wassabuag am Inn de zwoatheachste Eisnbahnbruck in Bayern. Im Bahnhof Boarisch Eisnstoa is vo olle zwoa Bahngsejschaftn aaf da Staatsgrenz a groß Empfangsgebäude baut worn, duach dessn Mitt de Grenz valaaft. De Streck war oagleisig erbaut worn, aba fia an zwoagleisign Ausbau voabereitat. Der is jedo bis heit untabliebn, do aa da Anschluss an de 1875 ereaffnate Streck Muihdorf (Obb) - Plattling und de 1880 in Betrieb gangane Vabindungsstreck Pilsting-Lanshuat ned den erhofftn Vakehrszuwachs fia de Woidbahn und den Grenzvakehr brocht hot. Währand de Bauorbeitn hot Bayern mit dem Gesetz vom 15. Aprui 1875 de Vastaatlichung vo da Boarischn Ostbahn zum 10. Mai 1875 bschlossn und hot sie am 1. Januar 1876 mit da Boarischn Staatsbahn zammagfiahrt. Doduach is de Streck Plattling-Deggndorf-Gotteszell-Reng-Zwiesl-Ludwigsthal vo da Boarischn Staatsbahn am 16. Septemba 1877 in Betrieb gnomma worn. Noch Fertestellung vo da Deffernikbruck is de insgsamt 74,7 km lange Streck bis Eisnstoa am 15. Novemba 1877 in Betrib ganga. Aaf tschechischa Seitn war de Streck vo Neurn bis Eisnstoa bereits am 20. Oktoba 1877 fertegstejt und in Betrieb gnomma worn. Des Bahnhofsgebäude, dessn Bau de zwoa Bahngsejschaftn erst am 17. Mai 1877 bschlossn ham, is erst 1878 fertegstejt worn.

Anschlussbahna[Werkeln | Am Gwëntext werkeln]

A weitare Erschließung vom zentrola Boarischn Woid duach Eisnbahna is vo da Woidbahn-Streck aus duach mehrare Stichbahnan erfoigt.

Zugvakehr[Werkeln | Am Gwëntext werkeln]

De Boarische Staatsbahn hot am 31. Januar 1877 be da Lokomotivfabrik Maffei in MInga sechs recht storke Tendalokomotivn mit da Achsfoig C bstejt. Oan Monat noch Ereaffnung vo da Woidbahn hot's vier weitare Maschinan nochbstejt, die im Februar/März 1878 gliefart worn san. Sie ham de Naman Ulrichsbeag, Gotteszell, Ludwigsthal und Eisnstoa erhoitn. Bei da DR ham se no de Nummarn 89 8107 bis 110 griagt und san zwischn 1925 und 1928 ausgmustart worn. De Tendalokomotivn san aaf da Woidbahn vui Joahr lang voawiegand im Gütazugdienst eigsetzt worn. Den Personazugdienst ham ofangs die zwoa Ostbahnmaschinan E1 und E2 vasengt, Schlepptendamaschinan mit da Achsfoig A, Achsfoig 1 B, san do im Personanzugdienst eigsetzt worn. Sie san bei da Staatsbahn ind da Klass B V mit de Nummarn 1003-1068 gfiaht worn. Am 15. Mai 1880 san im Personanvakehr aaf da Woidbahn tägle vier Zugpaare glaffa. Zwoa bschleinigte Zugpaare ham Anschluss vo/noch Prag und san ab/vo Landau glaffa. Sie ham fia de Streck Eisnstoa-Plattling zwoa Stund und zwanzg Minutn braucht, de andarn Zugpoar jeweis vier Stund. Im Mai 1897 san tägle vier Züg vo Eisnstoa noch Plattling und in Gengrichtung finf Züg glaffa. De Fahrzeit is zwischn zwoa und zwoarahoib Stund gleng. Olladings hots aa an Zug noch Eisnsto gebn, vamutle mit Gütabefördarung, de fia de Streck fianf Stundn bnötigt hot. A Zugpoar hot Kurswäng ersta bis dritta Klass fia de Streck Landshuat-Pilsn ghabt. Zwoa weitare Zugpoar san aaf da Strck Deggndorf-Pilsting-Neimarkt-Miuhdorf-Rosnheim glaffa. A duachlaffade Vabindung noch Landshuat hots ned gebn. Im Oktoba 1913hot de Kursbuachtabejn statt bisher Eisnstoa-Plattling-Rosnheim jetzt Landshuat-Landau-Eisnstoa glaut. Es san aaf da Streck Plattling-Eisnstoa tägle fianf Zugpoar mit Wong zwoata und dritta Klass glaffa. In Richtung Eisnstoa ham de Züg um zwoa Stund und zwanzg Minutn, in Richtung Plattling nua no 1 Stund und 40 Mnutn bis zwoa Stund braucht. Weitare vier Zugpoar san tägle zwischn Deggndorf und Landshuat glaffa. In Richtung Miuhdorf/Rosnheim hot ma jetzt in Landau umsteing miassn. Duachlaffade Wäng noch Beahmen san nimma vamerkt. 1936 nennt de Deitsche Reichsbahnin ihra Kursbuachtabejn 426 Landshuat-Plattling-Eisnstoa tägle siebn Zugpoar, dovo sechs Zugpoar vo/noch Landshuat. De Züg ham aa de 2. Wongklass gführt. Do bei zwoa Zugpoar de Gepäck- und Radlmitnahm eigschränkt is, hot es se dobei um Triebwong handln kenna. A Friahzug hot de Streck in ana Stund und dreißg Minutn gschafft, de andarn Züg san zehn bis fuchzehn Minutn länga gfahrn. Aßadem san no vier Zugpoar tägle zwischn Deggndorf und Plattling pendlt. A Weitafohrt noch Beahmen war finfmoi tägle meagle, olladings imma mit Aafenthoitn vo ana oda mehrare Stundn in Eisnstoa.

Zugvakehr noch dem Zwoitn Wejtkriag[Werkeln | Am Gwëntext werkeln]

Noch Kriagsend is da Zugvakehr mit Beahma veallig zum Erlieng kemma. Mit da Errichtung vom Eisarn Vorhang is vo da CSSR aaf da Grenz a Drohtzaun quer iba de Bahnanlag zong worn und hot de Gleis untabrocha. De tschechischn Züg endatn jetzat im einige Kilometa neardlich vo da Grenz glengna Ort Zelezna Ruda. De DB is mit ihre Züg bis zum Prellbock am Grenzzaun vom Bahnhof Boarisch Eisnstoa gfahrn und hot de südliche Hejftn vom teiltn Empfangsgebäude gnutzt. Im Gebäude hot ma de Trennung duach Mauarn voizong. Da Dampfbetrieb vo da DB is aa fia den Gütavakehr in de 1970er Joahr gendt. Am 6. März 1974 is ois letzte planmäßige Dampflokomotiv 053 063-4 dem N 2964 vo Plattling noch Boarisch Eisnstoa und den Gengzug N 2977 am 7. März gfahrn. Seit Aprui 1952 san aaf dera Streck Schienenbuss eigsetzt worn. Die zwoa Schienenbuss VT 95 953 und 955 san jedo zu Beginn vom Sommafahrplan 1952 znächst an des Betriebswerk Rengschburg ausgliehn worn. Erst zu Beginn vom Sommafahrplan 1953 san de dann regulär aaf dera Streck eigsetzt worn. In de Foigejoahr san weitare VT 95 noch Plattling umbehoamatet worn und san do und aaf de Zweigstreckn zum Eisotz kemma. Ab Oktoba 1955 san dem Betriebswerk Plattling stärkare Schienenbuss vom Typ VT 98 mit de Nummarn 9517 bis 9521 zuagwiesn worn. Aaf dera Streck san ab Aprui 1962 Diesllokomotivn vo da Baureih V 100. 10 und kurz danoch ab Septemba 1963 ihre Schwestalokomotivn vo da Baureih V 100.2. Zum Sommafahrplan vom Joahr 1965 wan duach de zwoamotorign Schienenbuss und de Diesllokomotivn de oamotorign Schienenbuss vo da Baureih VT 95 komplett obgleast worn. Des Betriebswerk Plattling is im Juni 1985 aafgleast worn. De Fahrzeig san doraafhi aaf des Betriebswerk Hof ibaganga. Zum Wintafahrplan 1985/86 san da gsamte Betrieb aaf lokbespannte Wongzüg umgstejt worn. In den Sommafahrplän 1980 bis 1987 san oa bis zwoamoi pro Woch aaf dera Streck vom DER organisierte Fohrtn vom Oipn-See-Express vakehrt. De san mit Baureih VT 11.5 -Triebzüg duachführt worn und führtn vo Hamburg noch Bodnmoas bzw. vo Dortmund noch Grafanau. Aaf der Streck Plattling-Zwiesl vakehrtn de vaeinigt ois 20-Wong-Züg. Donebn vakehrtn de Triebzüg aa aaf Sondabstellung im Industrieturnusvakehr iba de Streck vo Dortmund noch Bodnmoas. Noch Obstellung vo de Triebwong san a IC-Kurswong-Vakehr noch Zwiesl eigricht worn, der im Joahr 2002 eigstejt worn is. Der is mit Lokomotivn vo da DB-Baureih 2018 zong worn. Da Grenzibagang Boarisch Eisnstoa is am 2. Juni 1991 wida göffnet worn. Bei Rangierfohrtn ham olle zwoa Bahngsejschafftn de Gleisanlagn ohne Rücksicht aaf de Grenz gnutzt.

Bahnvakehr heit[Werkeln | Am Gwëntext werkeln]

Währand de zwoa Oschlussbahnan Deggndorf-Mettn 1984 im Personan- und 1991 im Gütavakehr und Deggndorf-Kaltneck 1972 (Eging-Kaltneck) bzw. 1981 (Deggndorf-Eging) im Personanvakehr stillglegt und 1999 (Eging-Kaltneck) bzw. 2004 (Hengasbeag-Eging) obbaut worn san, san de andarn Oschlussstreckn vo da Woidbahn erhoitn bliebn. Vo Deggndorf bis Hengersberg liegt no des Gleis. Vo Gotteszell noch Viechtach is da reguläre Personanvakehr seit 1. Mai 1991 eigstejt worn. Heit vakehrn do nua no Fahrzeig, de zua Werkstättn vo da Rengtoibahn in Viechtach ibaführt wern, sowia, hauptsächle in de Sommamonat, de Touristikzüg vo da "Wandabahn" (KBS 12905) mit am im historischen Farbkleid vo da Rengdoibahn renoviertn Esslinga Triebwong. Im Heabst 2016 hot de Wandabahn wieda regulär den Betrieb aafgnomma. De typischn NE-Triebwong ham vo 1993 bis 1997 de zwoa Oschlussstreckn Zwiesl-Bodnmoas und Zwiesl-Grafanau bedient. Aaf da stillglegtn Streck Gotteszell-Blaiboch findt seit 13. Septemba 2016 a Probebetrieb zwischn Gotteszell und Viechtach fia voraussichtle zwoa Joahr statt. In dera Zeit soi ermittlt wern, ob des Fahrgastaafkommen fia an dauahaftn Betrieb gebn is. Seit dem Sommafahrplan 1997 betreibt de Rengtoibahn, ois Subuntanehma vo da DB Regio Baiern, de Boarische Woidbahn (KBS 905) und de Anschlussstreck noch Grafanau (KBS 906) und Bodnmoas (KBS 907) mit Regio-Shuttle unta dem Marknnamma "Woidbahn". Nodem im Joahr 2002 de Urlauba-IC-Vabindung noch Zwiesl eigstejt worn war, is im Joahr 2007 a Zubringavakehr an de samstogs vakehrendn Urlauba-IC "Rottala Land" vo Hambuag noch Miahdorf gschaffn worn. Der hoit außahoi vom Taktknotn in Plattling, so dass mit reguläre Züg lange Wartezeitn entstandn san. Aus dem Grund san zwoa Vabindunga vo Zwiesl noch Plattling eigricht worn, de kurze Umsteigvabindunga zu dem Zugpoar in Richtung Nordn ermeaglich. Da IC, vo dem ab Bossa Kurwong noch Muihdorf vakehrt san, is mit dem Fahrplanwechsl im Dezemba 2015 eigstejt worn, de Bahn hot eahm duach an IC-Bus vo/noch Bad Füssing ersetzt. Zwiesl is seit dem Fahrplanwechsl am 13. Dezemba 2003 Taktknotnmit gringe Umsteigezeitn kuaz voa da volln Stund in olle beteiligtn Richtunga, seit da Kreizung aaf da Woidbahn voa einige Joahr vo Reng doher valegt worn. Meagle is des worn wiedarum duach de Valegung vo da früharn Kreizung in Ulrichsbeag zu ana nei bautn Ausweich weita nördle (bei Grafling). Duach de Maßnahm hot aa de Umsteigzeit im Taktknotn Plattling um sechs Minutn vakiazt wern kenna. Zu dem Termin san aa de Stellwerk in Ulrichsbeag und Reng außa Betrieb gnomma worn. Noch Bodnmoas besteht ab Plattling mit Umsteing in Zwiesl a Stundntakt, noch Grafanau fahrn de Triebwong ab Zwiesl olle zwoa Stund. Im Zug vo da Modanisierung vom Bahnvakehr aaf dera Streck und um den ÖPNV fia Touristn und Eihoamische attraktiva zum gstoitn, is 1999 a speziells Fohrkartnangebot, des Bayawoid-Ticket, entworfn worn - a Dogesfohrkartn, wejche aaf da Streck vo da Woidbahn sowia aaf vui Buslinien vom Landkroas Reng und Freyung-Grafanau sowia Cham guit. Des is seit Mai 2010 duach des Gästeservice-Umwejtticket (GUTi) ergänzt worn. Des integriert de Gültigkeit vo am Bayerwoid-Ticket in de Kurkartn vo teilnehmande Gmoa. Vo Plattling aus ko ma stündle ohne Umstieg noch Boarisch Eisnstoa fahrn. Im gsamtn Woidbahnnetz (mit Ausnahm vo da Wandabahn) guit des Baiern-Ticket vo da DB. Zum Inkrafttretn vom Sommafahrplan am 28. Mai 2006 san erstmois Reglzüg vo da Woidbahn im Zwoa-Stundn-Takt direkt vo Plattling iba Boarisch Eisnstoa bis zum tschechischn Bahnhof Spicak (Spitzbeag) und zruck gfarn. Im Fahrplanjoahr 2008 san tägle zwoa Zugboar bis Spicak gfahrn. Zusätzle dozu is in da Wintasaison dozua drei Zugpoar wochndogs und fünf Zugpoar am Wochnend gfahrn. In da Sommasaison vakehrtn drei zusätzliche Züg tägle. Seit 1. März 2012 san de Züg wieda in Boarisch Eisnstoa kurzfirste brocha worn, do de Gsetzeslag für grenzibaschreitende Züg se in Tschechien gändart hot. Im Fahrplan 2014 san werkdogs wieda zwoa Zugpoar bis und ab Spicak gfahrn. Zum Fahrplanwechsl am 14. Dezemba 2014 san de Züg zwischn Boarisch Eisnstoa und Spicak vo da Region Pilsn (Plzensky kraj) obbstejt worn. Somit vakehr koane grenzibaschreitendn Züg mehr aaf dera Streck. Im Rahma vo ana Ausschreibung "Regionoizügnetz Ostbaiern" duach de Boarische Eisnbahngsejschaftis de Zugleistung vo dera Bahnstreck nei vageben worn. De Rengdoibahn ibanimmt seit Dezemba 2013 de Leistunga in Eignregie. Sie befahrt de Streck bereits seit 1997 im Auftrog von DB Regio. Des Angebot zwischn Plattling und Deggndorf is in de Hauptvakehrszeitn zu am Hoibstundntakt vadicht worn. A ogedachte Ausweitung vo de Direktvabindunga noch Tschechien is von da Region Pilsn (Plzensky kraj) obglehnt worn. Nochdem a Gleismesszug mehrare Schienanlagefehla entdeckt hot und a Schienanschleifzug, wejcha de behebn soit, defekt worn is, is de Bahnstreck vom 5. August bis 25. August 2013 fia mehrare Wochen zwischn Deggndorf und Zwiesln gsperrt worn. Im Rahma vo vier Brücksanierunga is de Streck zwischen Gotteszell und Boarisch Eisnstoa ab dem 30. März 2015 gsperrt. Des Bauend hot aafgrund vo schlechte Wittarungsbedingunga und Mengenmehrunga an da Sanierung vo da Ohedoibruckn Mitte Juni 2015 vom 27. Juni 2015 aaf den 17. Juli vaschom wern miassn. In da 16-weachign und 5 Millionan Euro teiarn Bauphas is de Ohedoibruckn bei Reng, de Fällrechnbrückn bei Zwiesl, de Deffernikbrückn bei Zwieslawoidhaus und de Nagerlbruckn bei Bettmannsäge saniert worn. Sie san domit fia a voraussichtliche Nutzungsdaua bis zu Joahr 2027 ertüchtigt. Da Infrastrukturbetreiba DB Netz AG geht dovo aus, dass die Bruckn oschließnd durch Neibautn ersetzt wern miassn. De Woidbahn vo da Ländabahn betreibt de Streck unta da Linie WBA1 in da Relation Plattling-Boarisch Eisnstoa. Voa a poar Joahr san a poar Züg vo da Woidbahn weita bis ins tschechische Spicak (Spitzberg) gfahrn. De Vabindung is olladings obgschafft worn und seither vakehrn aaf da Streck bis noch Klatovy (Klattau) ausschließle Züg vo da Tschechischn Bahn. De Idee, de Woidbahn-Züg bis noch Klatovy zu valängarn, is bis heit gscheitart. Im Gmeinschoftsbahnhof Boarisch Eisnstoa/Zelezna Ruda-Alzbetin besteht a Umsteigmeaglichkeit zwischn Züg vo da CD sowia da Ländabahn. Dofia muass jedo a längare Wartezeit in Kauf gnomma wern. Des resultiert aa doraus, dass CD-Züg meistns kurz voa da Okunft vo de WBA1-Züg obfahrn und de WBA1-Züg ebnso voa da Okunft vo de CD-Züg den Gmoaschaftsbahnhof valassn.

Ausbau[Werkeln | Am Gwëntext werkeln]

Hoitestejn[Werkeln | Am Gwëntext werkeln]

Zwischen 2005 und 2007 san mehrare Hoitestejn erneiert worn. Dobei is a durchgängige Nutzungsläng olla Bahnsteig von 100 m erreicht worn, so dass a Vierfach-Traktion vo da aktuell do vakehrandan Regioshuttles an de Bahnsteig hoitn konn. In da Gmoa Grafling is fia 370.000 Eiro im Ortsteil Arzting vom 16. Septemba bis Ende Novemba 2013 a 120 m langa und 55 cm hoha Bahnsteig durch de Strabag Railin nächtliche Sperrpausn erricht worn. Er is zum Fahrplanwechsl am 15. Dezemba 2013 ereaffnet worn. Duach den neien Hoitepunkt werd seitdem des Fahrgastpotential erschlossn, des seit da Aaflassug vo de ehemolign Bahnheaf Ulrichsbeag und Grafling zehn Joahr zvor aaf dem 23 km langa Strecknobschnitt brach gleng is.

Neie Doanabruckn[Werkeln | Am Gwëntext werkeln]

Neba kloanare Strecknbaumaßnahman is ois greaßars Bauwerk a Neibau vo da Doanabruckn bei Deggndorf seit 28. Juni 2010 offiziell in Betrieb. De oide Bruckn hot no bis zum 28. Juni 2010 gnutzt wern dearfa. Am spadn Oibnd vom 23. Juni 2010 hot da letzte planmäßige Personanzug mit da Zugnumma 32446 (Obfahrt in Plattling planmäße 23:10 Uhr) de historische Bruckn in Richtung Zwiesl befahrn. Um de zum ersetztn, war seit März 2008 a Neibau 15 m flussaafwärts erstejt worn und de gsamte Bahnstreck aaf zwoa Kilometa Strecknläng valedt worn. De 466 m lange Bruckn is gengiba da heitign Duachfahrtsheah fia Schiff vo 4,30 m aaf ca. 8 m erheaht worn. De Baukosten ham 32 Millionen Eiro betrong. Kostnträga vo dem Bau san jeweils zur Häjftn de Rhein-Main-Donau-Wasserstrassen AG und de DB Netz AG. Danebn san aa a Ersatzbau fia de voaglagerte Bruckn iba de Staatsstrass 2074 erstejt worn. Do trogt de Stodt Deggndorf 80 % vo de Kostn vo dem 2,9 Millionan Eiro deiarn Bau, da Rest werd vo da DB Netz AG aafbrocht. A Teil vo de Pfeila vo da oidn Eisnbahnbruck wern fia a Fuißgängabruckn weitavawendt, wejche de zwoa Teile vo da Landesgortnschau 2014 aaf beide Ufa vo da Doana vabundn hot. Zwoa vo de oidn Pfeila, de se in da Fahrinna befundn ham, san obtrong worn. Seit dem Obbau vom Mittlteil vo da oidn Bruckn am 29. Septemba 2010 ham de Schiff im Bereich Deggndorf duachgehand mindastens 8 m Duachfohrtsheah.

Rengdoibahn-Werkstättn[Werkeln | Am Gwëntext werkeln]

Im Bahnhof Zwiesl hot de Rengdoibahn bis Juni 2014 a zwoagleisige Werkstätten fia de leichte Instandhoitung eigricht, um Ibafiehrungsfohrtn noch Viechtach eisparn z'kenna. Siem Mitorbata hoitn da die 14 Woidbahn-Triebwong instand.

Sonstigs[Werkeln | Am Gwëntext werkeln]

  • De Streck is in ihrm Bauzustand vo 1983 Teil vo der am 22. Oktoba 2006 erschienanen Erweitarung German Railroads, Volume 7 Da Boarische Woid vom Microsoft Train Simulator.
Voh „https://bar.wikipedia.org/w/index.php?title=Bahnstreck_Plattling-Boarisch_Eisnstoa&oldid=737934“