Nutza:Luki/Chichimekn

Der Artikl is im Dialekt Owaöstareichisch gschriem worn.

Schpedare Chichimeknvöka umma 1550, des woa scho unta de Schpania

De Chichimekn, dt Chichimeken woan nia a Voik. Ma hod olle Schtämm de von Nuadn in Sidn owizogn san ois Chichimekn ghoassn. Se hom sogoa mera Schprochfamülien augheat. Des oanzige wos gmoasaum ghobd hom woa eana hoibnoamadische Lebnswoas. Se woan a gegniwa de sidliga ligandn Schtämm und Vöka kuiturö weida hint. Dahea hod des Wuat Chichimekn, launge Zeit ois Oweatung goidn. So wia fia de Griechn olle nuadligan Vöka nua de Barbarn woan.

Wea woans

De Mythischn 7 Höln vo Chicomoztoc, aus da Historia Tolteca-Chichimeca

De Chichimeknschtämm haum fria und a nu Heid merare Schprochfamülin aughead. Scho de Iwalebandn Aztekn und enare Nochkummandn, unta da Heaschoft da Schpania haum nimma gwißt, wohe da da Nam heakimmt und wos a ggnau bdeit hod. Ob a af des Wuat Säugn oda ob a Hundsleid bdeit hod? Ma hod vo eana vaechtli gred und hods ois Barbarn oda de Kuitualosn gschimpft. Des Wuat Chichimekn kimmt aus da Nahuaschproch. De Chichimeknschtämm san bei se vaschlechtandn Umwödbdingungan eaowand in de sidlign Kuitualaundschoftn eigfoin. Oda se san vom Woihschtaundsgfö auzon wuan. Eigentli woa des a iwa tausand Joa audauande Vökawaundarung.

Wauns noch da Eaowarung sesshoft wuan san und se mid da Vuabvökarung vamischt haum, haum Maunche gean vagessn, das jo aa fria Chichimekn woan. De Toltekn, Otomi, Tepanekn, Acolhua, Tlaxcaltekn, Mexica woan fria gaunz sicha nuadlige Chichimeknschtämm. Megligawoas woan a de Totonakn, Zapotekn und a de Taraskn fria Chichimekn.

De oidn Chichimekn

A Zoachnung wia de vaschiedanan Schtämm aus de 7 Höhln vo Chicomoztoc kema san.

De moastn Chichimekn hom in enane Iwalifarungan weidagem daß se in de 7 Höhn vo Chichomoztoc grost hedn, bevus weida zogn san. Obs spoda so schtoize und machtige Vöka wuan san wia de Toltekn oda Mexica, se woan zescht vaechte und ned gean gsenge Barbarn und se san blofiaßi und mid oafocha Kuitua vom Nuadn eigwaundat. Moast woans recht kriagarisch und zweng dem hom se a efta de odlign vo da Vuabvökarung mid eana vabünt und so san de zwoa Vöka Schtämm zu oan Neichn zaumgwoxn.

Toltekn-Chichimeca

Ois de Toltekn vo Tollan ozogn san, woahscheinli ned freiwülli, haums nu a boa hoibwüde Chichimeknschtämm augwoam. Den de woan ois Södna recht begeaht. Und so haums midanaunda de Olmeca-Xingalanga aus da eahwüdign oin Schtod Cholula (Chollolan) vatriem. Do de Chichimekn mid Pfei und Bogn kempft hom, woans de oidn Eiwohna mid dene eanane Atlatl (Schpeaschleidan) iwalegn.

Eiwaundarung ins Toi vo Mexico

Da mythische Heibtling Xolotl soid oanige Chichimeknschtämm vaeinigt hom und mid Dene de Haubtschod vo de Toltekn zaschteat hom.

Schaug aa

• Teotihuacan
• Toltekn
• Olmeca-Xicallanga
• Tlaxcaltekn
• Acolhua
• Tepanekn
• De Mexica
• Oidamerikanische Schriftsystem
• Boischpü in Mesoamerica

Litaradua

• Hanns.J.Prem. Geschichte Altamerikas, R. Oldenburg Verlag, Minga 2008. ISBN 978-3-486-53032-2
• Berthold Riese, Das Reich der Azteken- Geschichte und Kultur. C.H.Beck, Minga 2011. ISBN 978-3-406-61400-2
• T. S. Denison: Primitive Aryans of American: Origin of the Aztecs and Kindred Tribes. Kessinger Publishing, 2003, ISBN 0-7661-6600-7
• Philip W. Powell: La guerra chichimeca. Enciclopedia de los Municipios de México, 1988, ISBN 968-16-1981-1

Im Netz

• http://es.wikipedia.org/wiki/Chichimeca
• http://www.artehistoria.jcyl.es/v2/contextos/10087.htm%7C Historia Chichimeca vom Don Fernando de Alva Ixtlilxochitl; Schpanisch
• http://www.indianerwww.de/indian/chichimeken.htm
• http://www.antorcha.net/biblioteca_virtual/historia/chichimeca/indice.html%7C Schpanisch
• http://www.historia-mexico.info/2011/10/los-chichimecas.html

Heidige Chichimekn:

• http://es.wikipedia.org/wiki/Chichimeca

Kategorie:Geschichte Mittelamerikas Kategorie:Indianische Kultur