Nutza Dischkrian:Lou.gruber

Admin

Griasde Lou, iatz bist a a Admin. --Birnkammer fabian 12:51, 20. Feb. 2007 (UTC)

Merci, danke der Ehre. Und bitte tschuldigts das i den nächstn zwoa Wocha no ned so vui mach. Mir geht momentan de Zeit aus. Ber i wer mi dann scho auf de Hinterfüass stelln. --Lou.gruber 21:18, 11. Mär. 2007 (UTC)

Oberfläche

I bin grad dabei, de Wiki-Oberfläche a bisserl mehra auf boarisch zum macha. Wem de oa oda anda Schreibweis weh tuat, dann sagt's Bescheid. Des lasst si a wieda ändan. --Lou.gruber 14:41, 15. Apr. 2007 (UTC)

Vandalismus

Servas Lou, bitte sperr in Herrn Gardini ist ein Feigling! wegen Vandalismus. Dångsche! --Maxx82 11:37, 13. Mai 2007 (UTC)

Is scho erlédigt, danke. --Maxx82 19:09, 13. Mai 2007 (UTC)

Gibt's a Möglichkeit Sachan aus da Versionsgschicht so rausznemma, daß de normaln Benutza den Benutzanama nimma seng kenna. Oiso das ma den Vandalismus wia "Gardini is a Feigling" und "... Seewolf ... is a ..." loswerdn. Wei sonst erreicha de ja ihr Ziel, daß ihre Nachrichtn weidahin zum Lesn san, a wenn ma ihre Ändarunga rückgängig machan. Oda bleibt nua Löschn vo dem Artikl und eifügn vo dem oidn Inhoid, womit via alle Ned-Admins de Versionsgschicht komplett vaschwind? Wei so dostehn lassn kemmas eingli ned. Dann hättn de a erreicht wos woin, nämli se mit ihre "Nama" in da Versionsgschicht vaewigt. De Gschicht'n iaban "Seewolf" findt ma soga bei Google. --Florian Schott 19:52, 1. Jun. 2007 (CEST)

Ja, des geht scho, Sachan aus da Versionsgschicht so rausznemma, daß de normaln Benutza den Benutzanama nimma seng kenna. Aba wia ma des aus Google so schnell wieda nausbringt, wissat i aa gern... --Lou.gruber 00:06, 2. Jun. 2007 (CEST)

Des "Ja" stimmt mi hoffnungsvoll, wennsd ma jetz no sogst, wia, oda de seiba drum kümmerst, warn ma scho weida ;-) Bei Google hob i scho amoi an Link löschn lassn, des war aba zua na Seitn, des nimma gem hod. Aba vielleicht ko ma mit dene redn. I woas a ned, wos des jemand bringa soi, daß a bei Google wos aus da Versionsgschicht findt, de Artikl seiba han doch fui intressanter. --Florian Schott 12:01, 2. Jun. 2007 (CEST)

Vandalin an Bord

Servus Lou, sperr doch bitte die sonja sunkist, de hots aufn Gardini obgseng und müllt dem sei Seitn zua. Dankschee.172.181.11.192 21:23, 26. Mai 2007 (CEST)

Umbenamsung

Tschuldige, daß i di damit neav. Sicha håst wos bessas z'tuan, owa I wuit mi auf den Namen Yamavu umtaufen und i hob neamd g'fundn dea des deaf. Hob scho do und á am Stammtisch gfrågt. Kånnst ma du leicht höfn?--StalkerAT 16:01, 1. Aug. 2007 (CEST)

Duad ma leid, da brauchts an Bürokratn,den ma ned ham. Da war scho richtig ! --Lou.gruber 20:57, 2. Aug. 2007 (CEST)

Hawideri

Den Artikl Adolf Hitler houst guad hikriag. Hoffntlich weascht dea a Moi so long wia a da deitschn WP. Dou wea i fui beitrogn, wei i jo Admin wean mecht und des is jjo Voraussetzung.--Hons 19:50, 16. Aug. 2007 (CEST)

moveEditsection() in da boarischn monobook.js

Griasde Lou, kennst Du Di mit dera monobook a wengal aus? Mi hätt intressiert, warum des moveEditsection in da deitschn Wikipedia funktioniert und bei uns neda. Da Quelltext schaugt se gleich aus, i konn ned findn ob des auskommentiert is oder wos da Grund is. De Funktion waar scho a Dusch, wei's hoid ollawei greislig ausschaugt mit de [dro werkln] [dro werkln] [dro werkln] [dro werkln]-Links, de se unta de Buidln zsammschiam. I daad ma sonst a private monobook.js ooleng, oba i denk dass ma grod de Gschicht eingtle zentral regln kannt. --Libellulia 20:02, 20. Aug. 2007 (CEST)

Is des Problem scho glöst ????? --Lou.gruber 11:14, 9. Sep. 2007 (CEST)

Na, weil si scheints koana damid auskennt. --Libellulia 11:19, 9. Sep. 2007 (CEST)

Griasti Lou

I und da Chaddy hednd ins denkt, dass di du bei Geschichte guad auskennst, houd ins zumindest ebban gsoug. Wei in da deitschn WP gibs jo so vui Artikl iwa Nazis und SS Mitglieda und dou hed i ma denkt, dass so wous dou a hea kearat, is jo nid unintressant.Drum mechat i wissn, ob du di dou bessa auskennst, bei dem Thema.--Hons 11:51, 25. Aug. 2007 (CEST)

Es kennts freili ebbas iber SS Mitglieda und Nazis schreibm. I persenlich find SS Mitglieder net aso intressant. Des gonze is scho a hoakls Thema wo ma grod aufbassn muaß, daß ma nix foisches schreibt. Iba Nazis und de Gschicht von friara bis heint kon ma leichter ebbas schreibm. Do kon ma nacha aa af de Hauptverbrechner eigehn. Des kannt ma higriang. No mehrer daat mi oba da Artikl Pinzgau/pinzgauerisch intressiern. Geits do net mehrer zum schreibm? ;) --Roland 15:39, 6. Sep. 2007 (CEST)

Servus. I kimm grad aus Japan zruck und hab des iatzat erscht glesn. I vo mir aus dad ganz gern no mehra zum Hitler-Putsch schreim und zua Freiheitsaktion Bayern, ansunsten håb i koane greßern Ambitiona, was zum Nationalsozialismus zum schreim. Zum Pinzgau muaß i sang, woaß I net recht väi mehra ois was i im deitschn Wikipedia-Artikl gschriem håb. --Lou.gruber 11:14, 9. Sep. 2007 (CEST)

Bürokratnwoih

Griasde Lou, kanntst Du bitte moi auf de Adminkandidaturen schaung, i moan do soiadn se olle Admins äußern, weils um an Bürokratn geht. Mehra dazua is dortn gschriem. --Libellulia 13:28, 26. Sep. 2007 (CEST)

Jänner

Servus Ludwig, es hot am Stammtisch a Obstimmung gebm ob ma des automatisch generierte Januar und Jan. noch Jänner und Jän. umändern kanntn (eventuell aa Februar => Feber). Es schaugt fast aso aus wia wenn nur no oana von de Admins des in do bei Systemnachrichten umändern miassat. Kanntest Du Dir amoi oschaugn und wenn's is ändern (I schreib aa no de andern Admins o)? Pfiat Di, --Roland 23:54, 30. Jan. 2008 (CET)

Vergelts Gott firs Ändern, servus --Roland 21:22, 31. Jän. 2008 (CET)

Intaview mim Traunstoana Anzeiga?

Griasde Lou, da Mucalexx hod ma de Telefonnumma vora Journalistin gemm, de ebban aus da Region zum intaviewn mechad. Mogst'ra wos vazäihn? Du kimmst doch aus dera Gengd... Numma etc. steht do auf meina Diskussion. Hobs leida grod erscht gseng. --Libellulia 16:36, 12. Apr. 2008 (CEST)

Griasde Lou, gestan hod mi de Journalistin aus Traustoa ogruaffa. Sie hod den Artikl aa gestan nomiddog no gschriem und mia zum Nochschaung gschickt. Hod ma ganz guad gfoin, wia se's gschriem hod. I woas owa jetzad ned, wann der druckt werd, hod bloß gsogt sie muasn bis heid fertig ham. De Telefonnumma wo da Mucalexx in mei Diskussion gschriem hod war foisch, desweng hod de Frau mi ned friara daglangt, erscht wo ra da Mucalexx nachad meine gemm ghabt hod. --Libellulia 14:13, 18. Apr. 2008 (CEST)

Bin ja scho gspannt auf den Artikl. S` Traunstoana Tagblatt is wia i moan oane vo de bessern Zeitunga mit a recht eignständign Readktion. --Lou.gruber 11:45, 19. Apr. 2008 (CEST)

Kategorie:Altbayerische_Literatur

Griasde Lou, du håst de Kategoari:Åidboarische Litaratua nåch "Altbayerische_Literatur" faschom, wås grundsezli ok is, wãn ma wiakli ole Kategoari-Nãmen auf Hochdaidsch måcha woin. Åwa "Bayrisch" is in dém Fåi wida amåi ned dés glaiche wia "Bairisch" und déswéng basst dés aso néd. Wai bai dénane Dext, ged's um dé ödasdn Manuskript aus da Zaid foa 1200 Joa, dé in da ödasdn gschriwanen Foam fum Boarischn aufgschrim woan han, oiso fum Bairischen. Richdig wa oiso, wãns wiakli Hochdaidsch sâi muas, Altbairische Literatur. --El bes 02:55, 24. Jun. 2008 (CEST)

Du hast recht. I mach des glei --Lou.gruber 19:41, 24. Jun. 2008 (CEST)

Städte in Frankn

Servus, danke füa de Antwort im Stammdisch. Ich wart dan amol un kann dann sicher viel lerna vo deine Artikeln. --SabineCretella 13:12, 10. Jul. 2008 (CEST)

Servus! Eine Frage: vielleicht wäre es eine Idee für die fränkischen Orte (also die Regierungsbezirke Ober-, Unter- und Mittelfranken) auch etwaige örtliche Bezeichnungen anzugeben. Hättest Du Interesse da mitzumachen? Ich könnte Dir eine Exceltabelle mit den deutschen und bairischen Ortsbezeichnungen schicken, wo man dann nur die fränkischen Bezeichnungen n eine Spalte eintragen müßte. Gruß --Lou.gruber 22:44, 10. Jul. 2008 (CEST)

Hier habe ich jetzt wirklich nur zufällig hingeschaut ... also: das hier ist wirklich interessant und es würde Spass machen daran mitzuarbeiten. Viele Städte kann ich im Moment nicht nennen, aber ich hätte dann einen Grund viele Franken anzuschreiben und zu fragen :-D Es würde halt seine Zeit dauern. Coburg = Cobarch (den habe ich erst gestern gefunden). Sonneberg in Thüringen, sollte es interessieren, ist Sumbarch (gehört auch zu Itzgründisch, deshalb habe ich den Namen). Rausfinden tun wirs bestimmt. Ich bräuchte eine Sprachenkarte, bei der man sieht, was genau zu welchem Sprachcode gehört - also in den Fränkischen Gebieten, denn Mainfräkisch (vmf) ist ja nur ein kleiner Teil. Geh mal zu SIL und suche dort nacht. Übrigens: gibt es irgendwo eine Liste der ganzen Deutschen Städte mit Grunddaten? Mich interessiert hauptsächlich das Mainfränkisch sprechende Gebiet und ich könnte auch ganz Bayern hernehmen und auf pms.wiki und nap.wiki mit reinstellen (da wären dann die baierischen Namen toll :-). E-Mail: s.eller (at) voxhumanitatis (dot) org. Gibt es hier auf der Wikipedia so etwas wie eine Wortliste? Also ein Wörterbuch? Bzw. welche Artikel könnte ich verwenden, um eines herauszuarbeiten, so dass jemand der erst mal Bairisch schreiben lernt (a Zuagroaster so wie ich z.B.) wenigstens "eine Version" lernt. Ich mache es mit Itzgründisch auch so: ich lerne eine Variante, ansonsten schreibt man Kauderwelsch, was ja nun wirklich nichts ist. Ich glaube mit so einem Wörterbuch ist Euch mehr geholfen als mit hundert Artikeln mit ein oder zwei Sätzen. --SabineCretella 17:42, 14. Jul. 2008 (CEST)

Coburger Bratwürst

Griasde Lou, ii bi normal koana, dea am andan in sei Sprach neiredt, awa bei da Bråtwurscht is ma des ebbs spanisch viakemma. so schaugt des bei mia aa aus, wann i des ausm deitschn üwasetz. Wanns ned basst, wia es gmacht hob, machs oafach wieda arschlings retour. Oans awa blågt me gwoite: Des gruijn vo dera Wurscht. I koo me dro eainnan, daß de bei dem Standl aufm Marktplåtz scho a Hoizkoihn vawendt hom, awa mit Zapfan dazua? Oda hob i do ned gscheid gschaugt? Grias de God 84.151.105.108 22:23, 27. Jul. 2008 (CEST)

Da muaß i da Recht gem, des "des Grillens" hab i übaseng.... --Lou.gruber 00:44, 30. Jul. 2008 (CEST)

2 vu deine Artikl han KBA

Hallo, Lou! Deine Artikl Erlangen und Inglståd han Kandidatn fia de bering Artikl. In da Diskussion dazua wiad eana a teuweis hoiprigs Boarisch voagwoafn. Mechst vielleicht dazua Stellung nehma oda amåi üwa an Artikl drüwageh? lg, → «« Man77 »» 23:19, 20. Okt. 2008 (CEST)

PS: Håst du åwa ned wiakli 100+KB-Artikl mid'm Bot gmåcht, des deaf afåch ned sei ;-)

KBA-Àrtiké

SKerwas Lou! So wias ausschaut wern daine Àrtiké néd åis berig augnumma! Bitte såg ma daunn beschaid waunn 's fertig san, daunn mechad i 's wieda ainé doâ!--Mucalexx 19:47, 29. Okt. 2008 (CET)

Voalåg: Oat in da Ukraine

Seavus Lou! I håb gseng, dass du deajenige woast, wåu die Voalåg Oat in da Ukraine bai uns gmacht håud. I bin gråd dabai, dass i ìn Atikl Daitsch-Mogra aus da daitschn Wikipedia iwasetz. Dabai håb i d'Voalåg aus da daitschn Wikipedia riwakopiat und håb gseng, dass dåu a Fehla drin is. Fia die grejssan Oat, waj Lemberg, wåu's a Kattnbüddl gibt, basst eh åis, åwa fia kleanare Oat, waj êm Daitsch-Mogra wead in da daitschn Wikipedia a Kattn mit Positionspunkt oozoagt, åwa des funktioniad bai uns ned. I kenn mi dåu ned gnoug aus, woißt du ob ma dåu wås macha kånn? --Kazu89 23:33, 2. Jän. 2009 (CET)

Wås auf jedn Fåi notwendig is, is dass'd fia des d'Vorlage:Positionskarte Ukraine nu ummahoist. Bledaweis is's åwa so, dass's bei da Vorlage:Positionskarte Usbekistan iagnda Problem gibt, weu de Punkte bei uns wo ãndas ãuzoagt wean wia auf deWP, des vasteh i aa ned. Åwa ohne de Vorlåg geht sowieso nix, → «« Man77 »» 18:40, 3. Jän. 2009 (CET)

Und ajz? Åis léschn, riwakopian und nai iwasetzn? --Kazu89 18:53, 3. Jän. 2009 (CET)

d'de:Vorlage:Positionskarte Ukraine muaßt schãu ummahoin ;) Wia's mit da Infobox dãun ausschaud, wean ma seng → «« Man77 »» 19:20, 3. Jän. 2009 (CET)

Griass di Lou.gruber

Du, zwo Sachann:

• "Kolbermoor" gibts zwoa moi a da Boaréschn Wiki: Koiwamoor und Koibamoa.
• i hon a bissl wos dialektmàssig vaéndad an deim Koibamoorartikl, do hand à no èttla recht "houchdeidsche" Pàssaschn drinnad. I kenn des seim dàs ma des schnei iwasichd wei ma so an schriftsschbrochlichn drinnad iis. I hoff, dàs du mia desszwengn ned bèès bist, und boist einverstanddn bist dàd i no a bissl wos "einboarischn". I kenn à den Grundsoz, dàs ma in da boar. Wiki koan Dialekt néd korrigian soid, awa a den Foi wars ned da Dialekt sundan des Houchdeidsche wo i aussado ho.
  

Pfiad-di --Hofer Ànderl 14:35, 9. Mai 2010 (CEST)